Alivio - Kompensashon pa un solo biaha pa kompania di taksi, “tour” i di hür outo

Kolegio Ehekutivo di Boneiru ta anunsiá un medida di sosten adishonal pa kompanianan di transporte turístiko.

Kompará ku otro negoshi den e sektor di turismo, taksistanan, kompanianan di “tour” i hürdónan di outo a mira un bahada di entrada signifikante durante e krísis di Covid-19. Netamente pa e motibu aki gobièrnu di Boneiru ta introdusí un  kompensashon di sosten pa por aliviá nan gastunan di impuesto

Por otorgá e kompensashon di un solo biaha akí na esnan ku:

  1. ta inskribí i ta bibá na Boneiru;
  2. por demostrá ku e fecha di establesimentu di su negoshi na Boneiru ta promé ku 1 di mart 2020;
  3. a paga impuesto di outo di aña 2020 kompletu;
  4. bo negoshi ta registrá na Kámara di Komèrsio Boneiru;
  5. si ta trata di un negoshi di taksi: bo ta e shofùr prinsipal i alabes bo ta esun ku ta registrá komo responsabel pa e pèrmit i tin e último dekretonan bálido ku ta demostrá esaki;
  6. si ta trata di un negoshi di hürmentu di outo: bo mester tin komprobante di pago di impuesto di hürmentu di outo di e tres último lunanan;
  7. ta pidi e kompensashon pa un vehíkulo ku ta registrá, òf mas bien vehíkulonan di e negoshi ku ta registrá i ku ta aparesé den e sistema di registrashon di Entidat Públiko Boneiru.

Pa mas informashon: https://bonairegov.com/pa/empresarionan/kompensashon-pa-un-solo-biaha-pa-kompania-di-taksi-di-tour-i-di-huer-outo

Pa Engles: https://bonairegov.com/en/ondernemers/one-time-compensation-for-taxi-tour-and-car-rental-companies