Senior Konsehero di Rekurso Humano òf Konsehero di Rekurso Humano
Het openbaar lichaam Bonaire zoekt gedreven, gemotiveerde en innovatieve nieuwe collega's. Ben jij de collega die wij zoeken?
Kiko bo ta bai hasi?
Komo Senior Konsehero di Rekurso Humano òf Konsehero di Rekurso Humano ku un eksperensia sólido, bo ta un ‘sparringpartner’ stratégiko i táktiko pa direktorado, pa management i pa bo koleganan. Dependiente di bo eksperensia i ekspertisio bo ta òf responsabel pa e problemátikanan mas stratégiko di Rekurso Humano òf ku sosten adekuá bo ta desaroyá bo mes den direkshon di esaki. Bo ta traha riba temanan manera desaroyo di organisashon, planifikashon stratégiko di personal, desaroyo di maneho i estudio di kaso riba tereno di e Lei di Empleado Públiko BES. Na un manera fleksibel bo ta move entre asesoramentu di maneho, implementashon i dunamentu di sosten na e hefenan direkto. Bo tin sentido pa relashonnan atministrativo i bo sa kon pa tradusí vishonnan apstrakto di maneho den kuadronan ku ta aplikabel na pia di trabou. Sea ku bo ta senior òf bo ta den desaroyo pa esaki, bo ta haña espasio pa hasi impakto riba un organisashon den moveshon.
Algun di bo tareanan:
• Desaroyá, evaluá i (re)formulá maneho di Rekurso Humano i problemátikanan di organisashon;
• Asesorá hefenan direkto, direktorado i gobièrnu tokante maneho stratégiko di Rekurso Humano i trayektonan di kambio;
• Señalá desaroyonan sosial i hurídiko i tradusí esakinan den maneho;
• Formulá proposishon riba tereno di planifikashon stratégiko di personal i maneho di formashon;
• Kordiná estudio di kaso i duna guia na hefenan den kaso di problemátikanan di personal;
• Yuda pensa tokante i aportá na desaroyo di P&O komo tereno profeshonal den Entidat Públiko Boneiru;
• Fungi komo persona ku ta skucha i duna fitbèk i komo dunadó di sosten pa kolega-konseheronan (ròl di senior);
• Duna un aporte aktivo na kreamentu di sosten na momentu di inovashon di Rekurso Humano.
Loke nos ta ofresé bo
Na entidat públiko Boneiru nos ta haña apresio importante. Bo ta ripará esaki na bo sitio di trabou, pero tambe den e rekompensa ku bo ta haña pa bo trabou. Bo no ta kumpli kompletamente ainda na e eksigensianan pa un funshon di senior, pero bo tin eksperensia relevante kaba? E ora ei nos ta ofresé bo e funshon di konsehero di Rekurso Humano den eskala 11 ku un salario entre $ 4390,- i $ 5240,- pa luna. Bo tin eksperensia amplio, bo ta mustra vishon stratégiko i bo por operá independientemente riba nivel di senior? E ora ei bo ta bini ta remarke pa e funshon di Senior Konsehero di Rekurso Humano den eskala 12 ku un salario di entre $ 5070,- i $ 5920,- pa luna. Banda di esaki bo por konta ku:
• Sèn di vakansi di 8,33%;
• Un ‘13ᵉ maand’ kompleto;
• 168 ora di vèrlòf i 5 dia èkstra di vèrlòf stipulá adelantá;
• Un areglo di penshun ekselente;
• Un siman di trabou fultaim di 36 ora;
• Un nombrashon pa 1 aña. Den kaso di satisfakshon mutuo tin un opshon pa un relashon di trabou fiho.
E salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esaki nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
Pa e funshon akí nos ta buskando un hende ku ekspertisio a base di kontenido, sensitividat organisatorio, i e kapasidat pa traha den konektividat. Bo no tin mester di por hasi tur kos, nos ta habrí tambe pa un konsehero sólido di Rekurso Humano ku ke desaroyá su mes pa bira senior. Loke nos ta pidi:
• Un formashon kompletá di HBO òf WO, preferibelmente den direkshon di Maneho di Rekurso Humano (HRM), siensia di organisashon òf siensia atministrativo;
• Minimalmente 4 aña di eksperensia di trabou den un ròl komparabel di asesoramentu di Rekurso Humano den un organisashon kompleho;
• Konosementu di legislashon i regulashon relevante, manera e Lei di Empleado Públiko BES;
• Eksperensia ku temanan di Rekurso Humano, manera maneho, planifikashon stratégiko di personal i desaroyo di organisashon;
• Abilidat fuerte di asesoramentu i kapasidat pa krea sosten;
• Sensitividat polítiko atministrativo i konosementu di funshonamentu di un organisashon di gobièrnu.
Loke ta importante tambe pa sa
• Un assessment ta forma parti di e prosedura di solisitut;
• Bo mester por entregá e diplomanan ku bo a logra i ku ta menshoná den bo CV;
• Bo mester por entregá un deklarashon tokante kondukta (VOG);
• Un areglo pa mudansa ta aplikabel pa solisitantenan for di den eksterior.
Sí! Mi ke e trabou akí
Nos ta ansioso pa risibí bo solisitut. Manda bo CV huntu ku bo motivashon promé ku 19 di ougùstùs 2025 na solliciteren@bonairegov.com.
Bo tin duda ainda òf bo ke haña mas informashon tokante e funshon? E ora ei tuma kontakto ku e hefe di departamento di Personal i Organisashon Jurrian Burgers na +599 777 5361 òf jurrian.burgers@bonairegov.com. Pa mas informashon tokante Entidat Públiko Boneiru bo por bishitá www.bonairegov.com.
