(senior) Konsehero di Rekurso Humano (HR)
Entidat públiko Boneiru ta buskando koleganan nobo ku ta entusiasmá, motivá i inovativo. Abo ta e kolega ku nos ta buskando?
Kiko bo ta bai hasi?
Komo (senior) konsehero di rekurso humano (HR) bo ta un ‘sparringpartner’ stratégiko i ku enfoke riba maneho den e organisashon. Bo ta duna un aporte esensial na desaroyo, evaluashon i mehorashon di maneho di rekurso humano i aktivamente bo ta duna sosten na momentu di realisashon di ophetivonan di e organisashon. Den esaki bo ta move sin ningun problema dentro di un konteksto polítiko gubernamental, kaminda ku hopi fleksibilidat bo ta adaptá bo mes na koutela atministrativo, sensitividat gubernamental i faktibilidat práktiko.
Bo ta señalá desaroyonan sosial i polítiko atrabes di henter e organisashon i bo sa kon pa tradusí esakinan den maneho di rekurso humano efektivo i ku enfoke riba futuro. Den esaki bo ta mira mas leu ku aktualidat: bo ta pensa adelantá, bo ta tene kuenta ku desafionan di personal den futuro i bo ta kontribuí na agilidat di e organisashon. E ambiente den kua bo ta traha ta kompleho i kontinuamente den moveshon. Diferente interes por mishi òf asta drenta den konflikto ku otro, i tin ora prioridatnan ta kambia rápidamente. Den tur esaki bo sa kon pa mantené rumbo. Ku bo sentido pa ‘timing’ i relashonnan, bo sa e forma korekto pa aserká management, gobièrnu i stakeholdernan eksterno.
Loke nos ta ofresé bo
Na entidat públiko Boneiru nos ta haña apresio importante. Bo ta ripará esaki na bo sitio di trabou, pero tambe den e rekompensa ku bo ta haña pa bo trabou. Klasifikashon den eskala ta basá riba bo konosementu i bo kantidat di aña di eksperensia. Si ainda bo no ta kumpli ku tur e eksigensianan, nos ta hasi uso di un eskala inisial. Esaki ta eskala 11 i ta trata di minimalmente $ 3621,- i maksimalmente $ 4668,- pa luna. E eskala funshonal, eskala 12, ta sòru pa un salario di minimalmente $ 4149,- i maksimalmente $ 5294,- pa luna. Banda di esaki bo por konta ku:
• Sèn di vakansi di 8,33%;
• Un ‘13ᵉ maand’ kompleto;
• 168 ora di vèrlòf i 5 dia èkstra di vèrlòf stipulá adelantá;
• Un bon areglo di penshun;
• Un siman di trabou fultaim di 36 ora;
• Un nombrashon pa 1 aña, despues nos ta sinta ku otro na mesa. Abo ta sinti bo bon i nos ta satisfecho? E ora ei bo ta haña un nombrashon pa tempu indefiní.
Bo salario definitivo ta a base di bo formashon, abilidat i eksperensia. Repartishon di bo siman di trabou ta fleksibel den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
Naturalmente nos ta buskando un hende ku ta konfiabel i ku ta kla pa asistí nos empleadonan. Esaki pasobra ta pa nan bo ta bai fungi komo e persona ku nan por yega serka dje ku tur pregunta. Pa e motibu akí ta di importansia ku bo tin minimalmente 4 aña di eksperensia den un funshon komparabel. Banda di esaki gustosamente nos ta deseá ku bo ta kumpli ku e eksigensianan menshoná akí bou:
• Un formashon kompletá di HBO/WO den direkshon di por ehèmpel siensia di organisashon òf rekurso humano;
• Konosementu amplio di siensia di organisashon i terenonan di maneho pegá ku esaki, di legislashon i regulashon relevante i di kuadronan di maneho riba tereno di personal i organisashon;
• Konosementu di nos gobernashon insular i di entidat públiko Boneiru. Bo ta komprendé kon su toma di desishon ta funshoná i bo ta polítikamente i atministrativamente sensitivo;
• Bo ta apto pa inventarisá deseonan i ekspektativanan di miembronan di personal i informá nan tokante interpretashon i aplikashon di kuadronan organisatorio.
Bo por sòru pa bo sinti bo mes na kas den un ambiente polítikamente sensibel. Ta verwagt di bo ku bo ta papia i skirbi hulandes i ku bo ta papia papiamentu òf ku bo ta dispuesto pa siña esaki. Pa motibu ku na entidat públiko Boneiru nos ta digitalisando nos prosesonan, ta importante ku bo ta digitalmente ábil.
Loke ta importante tambe pa sa
• Un assessment ta forma parti di e prosedura di solisitut;
• Bo mester por entregá e diplomanan ku bo a logra i ku ta menshoná den bo CV;
• Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 7 di ougùstùs 2025 na solliciteren@bonairegov.com. Bo por dirigí esaki na Kolegio Ehekutivo, na atenshon di Departamento di Personal i Organisashon (P&O). Nos adrès ta Kaya Aruba 1, Kralendijk, Boneiru.
Bo tin duda ainda òf bo ke haña mas informashon tokante e funshon? E ora ei tuma kontakto ku e direktor di Maneho i Sosten Jurrian Burgers, senior konsehero di rekurso humano Vianella Gijsbertha-Leer òf ku konsehero di rekurso humano (HR) Nina Kwakman via (+599) 715 5330. Pa mas informashon tokante Entidat Públiko Boneiru bo por bishitá www.bonairegov.com.
