Sekretario di Direktorado di Maneho i Sosten (B&O)
Entidat públiko Boneiru ta buskando koleganan nobo ku ta pashoná, motivá i inovativo. Abo ta e kolega resiliente pa futuro ku nos ta buskando?
Kiko bo ta bai hasi?
Den e posishon klave akí bo ta ehersé un ròl stratégiko na momentu di formulashon di maneho i dunamentu di konseho stratégiko na e direktor di Maneho i Sosten. Bo ta karga responsabilidat pa monitoriá e desaroyonan dentro di e área di atenshon di e direktorado i bo ta tradusí esakinan den temanan di maneho ku ta di importansia pa e organisashon – i ku esaki pa komunidat di Boneiru. Bo ta forma parti di un tim dinámiko di direktorado di Maneho i Sosten, ku ta responsabel pa desaroyo di maneho stratégiko riba tereno di maneho interno i dunamentu di servisio, tantu interno komo eksterno. Huntu ku e direktor i otro miembronan di tim bo ta traha riba proyektonan i maneho ku ta kontribuí na un dunamentu di servisio i un organisashon efisiente, agradabel i ku enfoke riba servisio. Akí bou nos ta menshoná algun tarea ku bo por verwagt:
· Duna konseho na e direktor i e hefenan di departamento tokante desishonnan di maneho stratégiko, problemanan riba tereno polítiko atministrativo, maneho finansiero i maneho di riesgo;
· Kordiná i vigilá sinkronisashon di maneho i kolaborashon dentro di e direktorado;
· Desaroyá, ehekutá i evaluá maneho di e direktorado i pone prioridat;
· Evaluá proposishonnan di maneho pa loke ta trata faktibilidat, solides i riesgo;
· Preparashon di reunion di tim di maneho i kordinashon di toma di desishon;
· Kordinashon di planifikashon integral i un funshon di kontròl dentro di e direktorado;
· Mantené kontakto ku retnan eksterno i partisipá na strukturanan di konsulta.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di
trabou, pero tambe den e rekompensa ku bo ta haña pa bo trabou. E salario regular pa e funshon akí ta kai den eskala 14 i ta sòru pa un salario di minimalmente $ 6555 i maksimalmente $ 7505 pa luna. Banda di esaki bo por konta ku:
· Sèn di vakansi di 8,33%;
· Un ‘13ᵉ maand’ kompleto;
· 168 ora di vèrlòf i 5 dia èkstra di vèrlòf stipulá adelantá;
· Un areglo di penshun ekselente;
· Un siman di trabou fultaim di 36 ora;
· Un nombrashon di 1 aña. Den kaso di satisfakshon mutuo tin un opshon pa un nombrashon vast.
E salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
Pa e funshon akí un ekspertisio profundo i eksperensia konsiderabel dentro di e área di trabou di e direktorado ta un eksigensia, i tambe un konosementu profundo di problemanan atministrativo ku ta aplikabel riba e tereno profeshonal en kestion i otro áreanan relashoná ku esakinan. Banda di esaki bo tin ku disponé di un konosementu amplio den e fasetanan sosial, finansiero, tékniko, hurídiko i polítiko atministrativo ku ta hunga un ròl. E konosementu atkerí akí ta forma e fundeshi pa desaroyo di maneho stratégiko i dunamentu di konseho na e direktor i e hefenan di departamento. Mas aleu bo tin ku kumpli ku e siguiente eksigensianan pa e funshon:
· Un formashon akadémiko relevante, pensa akí riba por ehèmpel atministrashon di empresa, siensia atministrativo òf lei;
· Minimalmente 5 aña di eksperensia den un funshon komparabel;
· Afinidat ku e komunidat lokal;
· Eksperensia ku trayektonan di kambio i di reorganisashon;
· Kapasidat pa den kolaborashon desaroyá e organisashon.
Pa por traha na Entidat Públiko Boneiru, un eksigensia ta, ku banda di e kondishonnan menshoná akí riba, bo ta kumpli tambe ku loke tin deskribí akí bou:
- Dominio di idioma hulandes, tantu verbal komo por eskrito;
- Bo ta papia papiamentu, òf bo ta dispuesto pa siña esaki dentro di 1 aña;
- Bon abilidat digital.
Loke ta importante tambe pa sa
· Un assessment ta forma parti di e prosedura di solisitut;
· Bo mester por entregá e diplomanan ku bo a logra i ku ta menshoná den bo CV;
· Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 18 di yüli 2025 na solliciteren@bonairegov.com. Bo por dirigí esaki na Kolegio Ehekutivo, na atenshon di Departamento di Personal i Organisashon (P&O). Nos adrès ta Kaya Aruba 1, Kralendijk, Boneiru.
Bo tin duda ainda òf bo ke haña mas informashon tokante e funshon? E ora ei tuma kontakto ku e direktor interino di Maneho i Sosten Geertje van Haperen òf ku e konsehero di rekurso humano (HR) Nina Kwakman via nina.kwakman@bonairegov.com. Pa mas informashon tokante Entidat Públiko Boneiru bo por bishitá www.bonairegov.com.
