Lider di Proyekto Bien Inmóbil i Alohamentu
Entidat públiko Boneiru ta buskando koleganan nobo ku ta entusiasmá, motivá i inovativo. Abo ta e kolega resiliente pa futuro ku nos ta buska?
Kiko bo ta bai hasi?
E Lider di Proyekto Bien Inmóbil i Alohamentu ta responsabel pa preparashon, ehekushon i finalisashon di proyektonan riba tereno di alohamentu i maneho di bien inmóbil. Esaki ta enserá entre otro konstrukshon nobo, renobashon i mantenshon di edifisionan di gobièrnu. E funshon ta forma parti di un departamento nobo di Alohamento i Bien Inmóbil, ku ta keda lantá pa profeshonalisá maneho di bien inmóbil den entidat públiko Boneiru. E lider di proyekto ta hunga un ròl sentral den esaki, tantu den realisashon di proyekto, komo den desaroyo di prosesonan di trabou i strukturanan di kolaborashon efisiente.
E trabou ta rekerí kolaborashon estrecho ku departamentonan interno, konseheronan eksterno, kontratistanan i otro partnernan di kadena. Den esaki atenshon pa kalidat, presupuesto, planifikashon i sostenibilidat ta un eksigensia. E lider di proyekto ta kombiná konosementu stratégiko ku kapasidat práktiko di ehekushon i e ta kontribuí aktivamente na realisashon di un portofolio efisiente, duradero i representativo di bien inmóbil pa Boneiru su atministrashon públiko.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e rekompensa ku bo ta haña pa bo trabou. E salario regular pa e funshon akí ta kai den eskala 12 i ta sòru pa un salario di minimalmente $ 5070,- i maksimalmente $ 5920,- pa luna. Banda di esaki bo por konta ku:
- Sèn di vakansi di 8,33%;
- Un ‘13ᵉ maand’ kompleto;
- 168 ora di vèrlòf i 5 dia èkstra di vèrlòf stipulá adelantá;
- Un areglo di penshun ekselente;
- Un siman di trabou fultaim di 36 ora;
- Un nombrashon di 1 aña. Den kaso di satisfakshon mutuo tin un opshon pa un relashon di trabou vast.
E salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
Pa motibu ku e departamento ta den desaroyo, nos ta buskando un empleado entusiasmá ku ta gusta un reto sólido i ku ke dediká su mes ku hopi perseveransia na e tarea akí. Banda di esaki nos ta deseá ku bo ta kumpli ku e siguiente eksigensianan:
- Bo ta traha i pensa na nivel di HBO/WO, ku un formashon den direkshon di maneho di bien inmóbil óf otro áreanan relevante;
- Minimalmente 5 aña di eksperensia ku maneho di bien inmóbil i alohamentu di edifisionan di gobièrnu;
- Bo ta konosí ku trahamentu na gobièrnu i ku e prosesonan (finansiero), siguridat, planifikashon i kalidat;
- Eksperensia ku maneho di proyekto i konosementu di legislashon i regulashon relevante;
- Un ‘networker’ fuerte ku sin ningun problema por move entre stakeholdernan interno i stakeholdernan eksterno;
- Sensitividat den un ambiente polítiko i gubernamental;
- Abilidat pa formulá raportahe klarito di proyekto i pa informá management i gobièrnu na tempu tokante progreso, riesgonan i resultadonan.
Pa por traha na entidat públiko Boneiru, un eksigensia ta, ku banda di e kondishonnan menshoná akí riba, bo ta kumpli tambe ku loke tin deskribí akí bou:
- Dominio di idioma hulandes, tantu verbal komo por eskrito;
- Bo ta papia papiamentu, òf bo ta dispuesto pa siña esaki dentro di 1 aña;
- Bon abilidat digital.
Loke ta importante tambe pa sa
-
Un assessment por forma parti di e prosedura di solisitut;
-
Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 16 di mart 2026 na solliciteren@bonairegov.com. Bo por dirigí esaki na Kolegio Ehekutivo, na atenshon di Departamento di Personal i Organisashon (P&O). Nos adrès ta Kaya Industria Pariba 28, Kralendijk, Boneiru.
Bo tin duda ainda òf bo ke haña mas informashon tokante e funshon? E ora ei tuma kontakto ku Recruitment via (+599) 715 5330 òf solliciteren@bonairegov.com. Pa mas informashon tokante Entidat Públiko Boneiru bo por bishitá www.bonairegov.com.
