Mènedjer Interino di Supervishon i Mantenshon di Lei
Entidat Públiko Boneiru ta buskando koleganan nobo ku ta pashoná, motivá i inovativo. Bo ta e kolega resiliente pa futuro ku nos ta buska?
Kiko bo ta bai hasi?
Pa un periodo temporal di 6 pa 12 luna nos ta buskando un Mènedjer Interino di Supervishon i Mantenshon di Lei. Den e ròl suplente akí bo ta duna guia na un departamento ku ta operá kaminda maneho i ehekushon ta topa otro. Bo ta tradusí tareanan stratégiko di Entidat Públiko Boneiru den maneho di departamento ku por funshoná i bo ta sòru pa ankra esaki den un forma duradero den e organisashon.
Bo ta analítikamente fuerte i bo tin bista pa optimalisashon di proseso. Bo sa kon pa entusiasmá i enbolbí bo tim den esaki. Mas aleu:
• Komo mènedjer interino bo ta duna guia na e departamento, bo ta enfoká riba resultado i bo ta salbaguardiá kalidat.
• Bo ta krea kuadronan klarito, bo ta stimulá liderazgo i bo ta promové kolaborashon.
• Bo ta apliká estilonan fleksibel di liderazgo, bo ta hala atenshon kaminda esaki ta nesesario i bo ta coach den direkshon di e sistema di traha deseá.
• Bo ta mira mantenshon di lei den e konteksto sosial i atministrativo amplio, i bo ta tradusí desaroyonan hurídiko, manera e Dekreto di Establesimentu i Aktividat Bes, den práktika.
• Bo ta representá e departamento den diferente konsulta i bo ta traha huntu ku koleganan den Entidat Públiko Boneiru i ku partnernan eksterno.
Loke nos ta ofresé bo
Bo ta bai traha den forma temporal den un organisashon dinámiko i sosialmente relevante. Bo ta haña un nombramentu a base di proyekto pa 6 pa 12 luna, ku bon kondishonnan laboral:
• Salario den eskala di funshon 13: minimalmente $ 5835 i maksimalmente $ 6685 pa luna;
• Sèn di vakansi di 8,33%;
• Un ‘13ᵉ maand’ kompleto;
• 168 ora di vèrlòf + 5 dia fiho di vèrlòf;
• Areglo ekselente di penshun
• Un siman di trabou di 36 ora (por repartí esaki den konsulta).
E funshon akí ta habrí (tambe) pa eksternonan i/òf pa profeshonalnan independiente (e asina yamá zzp’ers) riba un base temporal.
Kiko ta e eksigensianan
Pa e funshon interino akí nos ta buskando un lider independiente i sólido, ku por adaptá su mes rápidamente na sirkunstansianan ku ta kambia i ku inmediatamente ta agregá balor. Banda di esaki bo ta disponé di:
• Un formashon HBO òf WO (universitario) kompletá, òf bo ta traha i pensa na un nivel komprobabel di HBO/WO (direkshon di konstrukshon òf ekonomia, konosementu hurídiko ta un bentaha);
• Minimalmente 3 aña di eksperensia komprobabel den un funshon (ehekutivo) komparabel;
• Konosementu aktual di legislashon i regulashon relevante, inkluso e Dekreto di Establesimentu i Aktividat BES;
• Eksperensia dentro di un konteksto atministrativo, ku kapasidat pa kuidadosamente pone interesnan den balansa;
• Kalidat komprobabel di liderazgo i kapasidat pa konektá timnan ku metanan di e organisashon.
Loke ta importante tambe pa sa
• Un assessment ta forma parti di e prosedura;
• Bo ta dominá hulandes i papiamentu den un forma ekselente, tantu verbalmente komo por eskrito;
• Bo ta disponé di diplomanan bálido i bo por presentá un Deklarashon Tokante Kondukta (VOG);
• Komo organisashon eksterno bo mester por entregá un number di Kámara di Komèrsio.
Sí! Mi ke e trabou akí
Bo ta disponibel pa un periodo di 6 pa 12 luna i bo ta mira bo mes komo mènedjer interino di departamento? E ora ei gustosamente nos ta risibí bo solisitut! Manda bo motivashon i CV promé ku 1 di sèptèmber 2025 na solliciteren@bonairegov.com
Bo ke sa mas? Tuma kontakto libremente ku Marlon Richardson òf ku Reklutashon via (+599) 5330 òf solliciteren@bonairegov.com. Bishitá tambe www.bonairegov.com pa mas informashon tokante Entidat Públiko Boneiru.
