Konsehero Gubernamental Hurídiko
Entidat públiko Boneiru ta buskando koleganan nobo ku ta pashoná, motivá i inovativo. Abo ta e kolega resiliente pa futuro ku nos ta buskando?
Kiko bo ta bai hasi?
Departamento di Asuntu Hurídiko i General (JAZ) ta enkargá ku dunamentu di konseho na Konseho Insular, Kolegio Ehekutivo i aparato di ámtenar pa loke ta trata tur problema hurídiko òf gubernamental. Di e forma ei e departamento ta sentro di e organisashon i ta sòru pa aktua segun lei i regulashon na entidat públiko. P’esei e departamento ta envolví den un variedat grandi di problema i òf tópiko. Pues e dinámika den e departamento ta masha grandi mes.
Komo konsehero gubernamental hurídiko bo ta dominá tur aspekto i problema di bo tereno. Den e konteksto akí ku tin su retonan, komo hurista bo ta responsabel pa sosten hurídiko i dunamentu di konseho na organisashon di ámtenar. Banda di esei bo ta responsabel pa vigilá kalidat hurídiko di e trabou i pa vigilá esei ora di desaroyá maneho direktorado i/òf temanan ku ta mas grandi ku departamento di Entidat Públiko Boneiru, EPB. Bo ta partisipá tambe na grupo di trabou insular i grupo di proyekto òf bo ta dirigí nan.
Loke nos ta ofresé bo
Na EPB nos ta haña balorashon importante. Bo ta ripará esaka na boka di trabou, pero tambe den e rekompensa ku bo ta haña pa bo trabou. Nos ta rekompensá un hurista di legislashon ku:
- Un salario ku ta kai den eskala di salario 12 ku un mínimo di $5.070 i un máksimo di $5.920,- pa luna;
- 8,33% plaka di fakansi;
- Un di 13 luna kompleto;
- Un siman di trabou fultaim di 36 ora;
- Un kontrakt pa tres aña. Bo ta gusta pa traha serka nos i nos tambe ta satisfecho ku bo aporte? E ora ei gustosamente nos ta ofresé bo un nombramentu fiho pa tempu no definí.
Ta fiha bo salario finalmente a base di bo estudio, abilidat i eksperensia. Banda di esei nos tin algun kondishon laboral sekundario ku ta atraktivo, gustosamente nos ta konta bo mas di esei durante prosedura di solisitut.
Kiko ta e eksigensianan
Bo tin afinidat ku relashon polítiko gubernamental den un organisashon di ámtenar, manera EPB, i pafó di dje. Bo ta funshoná bon na diferente nivel di organisashon i huntu ku kolega embolbí bo ta duna konseho i traha legislashon. Banda di esei bo ta kumpli ku loke tin aki bou :
- Bo a kaba un estudio sientífiko (WO) di lei ku enfoke riba derechi atministrativo i òf derechi privá.
- Bo tin un mínimo di 5 aña di eksperensia den un funshon similar serka un organisashon polítiko/gubernamental.
- Bo tin eksperensia pa atendé ku dosié kompliká i ku ta polítikamente delikado i bo ta ábil tambe den duna i formulá konseho.
- Interes i disposihon pa haña konosementu di regulashon hulandes di islanan BES i regulashon lokal.
- Eksperensia ku hibamentu di kaso di derechi atministrativo òf derechi privá den korte.
- Preferiblemente bo ta dominá papiamentu verbalmente i por eskrito òf bo tin e disposishon pa siña esaki denter di un aña.
- Banda di esaki bo ta dirigí riba kliente i riba resultado, bo ta tuma inisiativa i ta íntegro. Bo por traha tantu riba bo mes komo den un tim.
Loke ta importante tambe pa sa
- Komo parti di prosedura di solisitut bo ta hasi un assessment.
- Pa por traha pa EPB bo mester ta kapas di entregá un VOG.
- Nos ta sera e periodo di e vakatura akí dia 25 di òktober 2025 p’esei sòru pa bo reakshoná na tempu.
Sí! Mi ke e trabou akí
Nos ta ansioso pa risibí bo solisitut. Manda bo CV huntu ku bo motivashon promé ku 25 òktober 2025 na solliciteren@bonairegov.com. Por dirigí bo karta na Kolegio Ehekutivo, na atenshon di Departamento P&O. Nos adrès ta Kaya Aruba 1, Kralendijk, Bonaire. Nos ta preferá haña bo karta di solisitut i bo CV via meil : solliciteren@bonairegov.com
Bo ta duda ainda òf bo tin gana di haña mas informashon di e funshon? Bo por tuma kontakto libramente ku recruitment via tel. 7155330. Pa mas informashon tokante EPB bo por subi www.bonairegov.com
