Inspektor Medior C - Project & Taskforces
Entidat Públiko Boneiru ta buskando kolega nobo motivá i inovador. Abo ta e kolega ku nos ta buskando?
Kiko bo ta bai hasi?
Lei i regla ta sòru pa un ambiente di biba seif. Komo Inspektor (medior) C/Project & Taskforces bo ta responsabel pa mantenshon di esakinan. Pa bo ta di mes ku bo ta señalá, kontrolá i informá tokante situashon ku (ta parse) di no ta segun regla. Bo tin e konosementu i abilidatnan pa aktua komo profeshonal na un forma kla. Hasiendo esaki bo ta demostrá ku bo por duna konseho apropiá na hende ku (posiblemente) ta falta ku regla, konseho tokante adaptashon na e situashon pa evitá mas problema. Por sosodé ku bo ta bai traha pa mantenshon di órden públiko i seguridat. Bo ta hasi esaki por ehèmpel komo ‘buitengewoon opsporingsambtenaar’ (BOA). Den e ròl akí bo ta traha prosèsfèrbal tambe ora tin violashon di regla i posibel krímen. Bo ta hasi esaki independientemente pero en koperashon ku bo koleganan.
Loke nos ta ofresé bo
Pa EBP balorashon ta importante. Bo ta ripará esaki na boka di trabou pero tambe den e rekompensa ku bo ta haña pa bo trabou. E salario regular pa e funshon akí ta kai den eskala di funshon 8 ku un salario ku un mínimo di $ 2.850,- i un máksimo di $3.810,- pa luna. Banda di esei bo por konta ku :
- 8,33% plaka di fakansi;
- Un di 13 luna kompleto
- 23 dia di fakansi i 5 dia èkstra di ferlòf ku ta fihá adelantá;
- Un areglo di penshun ekselente;
- Un siman di trabou fultaim di 36 ora;
- Un nombramentu pa 1 aña, despues nos ta kai sinta pa papia ku otro. Abo ta satisfecho i nos tambe ta satisfecho? E ora ei bo ta haña un nombramentu pa tempu indefiní.
Ta fiha bo salario finalmente basá riba bo formashon, abilidat i eksperensia. E repartishon di bo siman di trabou ta flèksibel i lo fiha esei den konsulta ku bo hefe. Banda di esaki nos tin un kantidat di kondishon laboral sekundario ku ta atraktivo, gustosamente nos ta konta bo mas di esaki durante e prosedura di solisitut.
Kiko ta e eksigensianan
Pa por traha komo Inspektor (medior) C/Proyekto i Taskforces, ta ferwagt banda di un aktitut aktivo i un aktitut koperativo den trabou, otro kos tambe di bo:
- Bo tin un diploma MBO-4;
- Bo tin un diploma komo ‘Bijzonder of Algemeen Opsporingsambtenaar’ òf un diploma komparabel;
- Bo por tin konosementu demostrabel di lei i regla en relashon ku mantenshon;
- Bo tin un diploma di promé asistensia (na ora di desgrasia);
- Bo ta masha sensitivo pa de-eskala situashon dunando konseho kla, bo ta kapas di duna relato na tempu na bo hefe i pa bo integridat ta bin na di promé lugá;
Ta spera di bo ku bo ta papia i skirbi hulandes bon i ku bo ta papia papiamentu òf ta dispuesto pa siña esaki. Komo ku na EPB nos ta digitalisando nos prosesonan, ta importante pa bo ta digitalmente ábil.
Loke ta importante tambe pa sa
Den e prosedura di solisitut por laga hasi un assessment. Pa por traha pa EPB bo mester por entregá un deklarashon tokante kondukta (VOG).
Sí! Mi ke e trabou akí
Nos ta spera di por risibí bo aplikashon. Manda bo CV huntu ku bo motivashon promé ku 13 di mei 2025 na solliciteren@bonairegov.com. Por manda esaki pa Kolegio Ehekutivo, na atenshon di departamento di P&O. Nos adrès ta Kaya Aruba 1, Kralendijk, Boneiru.
Bo tin duda ainda òf bo ke mas informashon tokante e funshon? Tuma kontakto e ora ei ku hefe di departamento Projecten & Taskforces Sherman Blanken via sherman.blanken@bonairegov.com, òf konsehero di HR Gilvienne Doran via (+599) 701 6941. Pa mas informashon tokante EPB wak na www.bonairegov.com
