Inspektor C Medio Ambiente
Entidat Públiko Boneiru ta traha pa logra un mihó Boneiru.
Nos no por hasi esaki nos so. Nos ta buskando hende pashoná ku huntu ku nos ke edifiká un ambiente di trabou resiliente pa futuro. Nos ta enfrentando desafionan nobo i den esaki nos tin mester di bo! Di e manera akí nos por duna nos habitantenan un mihó servisio.
Kiko bo ta bai hasi?
Direktorado di Supervishon i Mantenshon di Lei ta sòru pa un ambiente di biba sostenibel, salú i seif na Boneiru. E direktorado ta responsabel pa kumplimentu ku lei i regla riba diferente tereno di maneho, entre otro medio ambiente. Komo Inspektor C Medio Ambiente bo ta supervisá kumplimentu ku lei di medio ambiente di parti di empresanan, instansianan i habitantenan. Bo ta hasi inspekshon, formulá rapòrt, atendé ku notifikashon i keho i kaminda ta nesesario bo ta tuma medida di mantenshon di lei.
Bo ta traha den un forma independiente, pero tambe den tim den un ambiente di trabou dinámiko. Bo ta duna un aporte na desaroyo mas aleu di supervishon i mantenshon di lei riba tereno di medio ambiente.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e rekompensa ku bo ta haña pa bo trabou. Si bo no ta kumpli kompletamente ainda ku e eksigensianan pa e funshon, e ora ei un eskala inisial por ta aplikabel.
- Eskala inisial (eskala 7): $ 2520 – $ 3360 pa luna.
- Eskala di funshon (eskala 8): $ 2850 – $ 3810 pa luna.
Banda di esaki bo por konta ku:
- Sèn di vakansi di 8,33%;
- Un ‘13ᵉ maand’ kompleto;
- 168 ora di vèrlòf i 5 dia èkstra di vèrlòf stipulá adelantá;
- Un bon areglo di penshun;
- Un siman di trabou fultaim di 36 ora;
- Un akuerdo laboral di 1 aña, ku bista riba un nombrashon vast den kaso di bon funshonamentu.
Ta stipulá bo salario final a base di bo formashon, eksperensia i abilidat. Repartishon di bo siman di trabou ta fleksibel den konsulta ku bo hefe. Tambe nos ta ofresé kondishonnan laboral sekundario atraktivo, tokante kua gustosamente nos ta konta bo mas durante e prosedura di solisitut!
Kiko ta e eksigensianan
Bo tin minimalmente 3 aña di eksperensia di trabou relevante i bo ta kumpli ku e siguiente eksigensianan pa e funshon:
- Minimalmente un diploma di MBO-4 den un direkshon relatá na medio ambiente
- Un diploma di ‘Bijzonder of Algemeen Opsporingsambtenaar’, òf un diploma komparabel
- Un diploma bálido di EHBO, òf disponibilidat pa buska esaki riba término korto
Mas aleu nos ta verwagt ku bo ta papia i skirbi hulandes, i ku bo ta papia papiamentu of ku bo ta dispuesto pa siña esaki. Mirando ku Entidat Públiko Boneiru ta ful den digitalisashon, abilidat digital ta esensial.
Loke ta importante tambe pa sa
- Un assessment por forma parti di e prosedura di solisitut;
- Bo mester por entregá un deklarashon bálido tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV i bo motivashon pa mas tardá 28 di mei 2025 na solliciteren@bonairegov.com, dirigí na Kolegio Ehekutivo na atenshon di departamento di Personal i Organisashon (P&O). Adrès: Kaya Industria Pariba 28, Kralendijk, Boneiru.
Bo tin pregunta òf bo ke mas informashon tokante e funshon? E ora ei tuma kontakto ku:
- Gilvienne Doran, konsehero di maneho via +599 701 6941
- Sherman Blanken, hefe di departamento di Proyekto i Taskforce via sherman.blanken@bonairegov.com
Pa mas informashon tokante Entidat Públiko Boneiru bo por bishitá www.bonairegov.com.
