Inspektor Medior C - Konstrukshon
Entidat públiko Boneiru ta buska kolega nobo dediká, motivá i inovador. Bo ta e kolega bon prepará pa futuro ku nos ta buska?
Kiko bo ta bai hasi?
Lei i regla ta sòru pa un bisindario habitabel. Komo Inspektor di Konstrukshon C (medior) bo ta enkargá ku mantenshon di esaki den área di konstrukshon i planifikashon espasial. Pa bo ta di mes ku bo ta señalá, kontrolá i informá ora tin situashon den konstrukshon ku no ta segun regla. Bo tin e konosementu i abilidat pa aktua komo profeshonal i aktua kla. Bo ta konsehá hende ku (posiblemente) ta violá regla kon nan por adaptá e situashon pa evitá mas problema i riesgo.
Bo ta supervisá si ta kumpli ku regla di konstrukshon, kondishon di pèrmit, plan di destinashon, i regla di seguridat. Bo ta hasi esaki independientemente òf den kolaborashon ku bo koleganan. Si ta nesesario, bo ta traha un rapòrt di resultadonan di investigashon òf opservashon, òf bo ta traha un prosès fèrbal. Por sosodé ku bo ta traha den mantenshon di órden públiko i seguridat, por ehèmpel komo ‘buitengewoon opsporings ambtenaar (BOA). Den e ròl akí bo ta traha prosès fèrbal tambe ora tin violashon di regla i posibel delito. Bo ta hasi esaki independientemente, pero tambe den kolaborashon ku bo koleganan.
Loke nos ta ofresé bo
Pa EPB balorashon ta importante. Bo ta ripará esaki na boka di trabou pero tambe den e rekompensa ku bo ta haña pa bo trabou. Si bo no ta kumpli ku tur e eksigensianan pa e funshon akí, nos ta hasi uso di un eskala di inisio. E salario regular pa e funshon akí ta den eskala 8 ku un salario ku un mínimo di $ 2.850,- i un máksimo di $ 3.810,- pa luna. Banda di esei bo por konta ku :
- 8,33% plaka di fakansi;
- Un di 13 luna kompleto
- 23 dia di fakansi 5 dia èkstra di ferlòf ku ta fihá adelantá;
- Un areglo di penshun ekselente;
- Un siman di trabou fultaim di 36 ora;
- Un nombramentu pa 1 aña. Si ámbos partido ta satisfecho tin e opshon pa drenta den servisio fiho.
Ta fiha bo salario finalmente basá riba bo formashon, abilidat i eksperensia. E repartishon di bo siman di trabou ta flèksibel i lo fiha esei den konsulta ku bo hefe. Banda di esaki nos tin un kantidat di kondishon laboral sekundario ku ta atraktivo, gustosamente nos ta konta bo mas di esaki durante e prosedura di solisitut.
Kiko ta e eksigensianan
Komo Inspektor di Konstrukshon C bo tin konosementu di diferente método i téknika di derechi penal derechi atministrativo i derechi privá. Bo tin eksperensia ku trabou a base di proyekto i por traha bon ku koleganan. Banda di esei bo ta kumpli ku e eksigensianan ku tin aki bou.
- Bo tin por lo ménos un diploma MBO-4 diploma, preferiblemente den área di konstrukshon òf téknika sivil;
- Un diploma ‘Bijzonder of Algemeen Opsporingsambtenaar’ òf un diploma komparabel òf e disposishon pa haña esaki riba término kòrtiku;
- Un diploma di promé asistensia (na ora di desgrasia – EHBO), òf e disposishon pa haña esaki riba término kòrtiku;
- Bo tin un bista skèrpi pa detaye di konstrukshon, por de- eskalá situashon, i ta duna kuenta i rason na tempu na bo hefe. Pa bo integridat ta bin na di promé lugá;
Ta ferwagt di bo ku bo ta papia i skirbi hulandes I ta papia papiamentu òf ta dispuesto pa siña esaki Komo ku na EPB nos ta digitalisando nos prosesonan ta importante ku bo ta digitalmente ábil.
Loke ta importante tambe pa sa
- Un assessment por forma parti di e prosedura di solisitut;
- Bo mester por entregá e diplomanan ku bo a haña i ku ta menshoná riba bo CV;
- Bo mester ta kapas di entregá un deklarashon tokante kondukta (VOG);
Sí! Mi ke e trabou akí
Nos ta ansioso pa haña bo solisitut. Por fabor manda bo CV i karta di motivashon promé ku 22 di mei 2025 na solliciteren@bonairegov.com. Por dirigí esaki na Kolegio Ehekutivo, na atenshon di departamento di HR. Nos adrès ta Kaya Aruba 1, Kralendijk, Bonaire.
Bo no ta sigur ainda òf bo ke mas informashon tokante e posishon? Por fabor tuma kontakto ku Marlon Richardson via email: marlon.richardson@bonairegov.com, òf Gilvienne Doran, konsehero di Rekurso Humano via (+599) 701 6941. Pa mas informashon tokante EPB, wak na www.bonairegov.com
