Hefe di Departamento di Asuntunan Hurídiko i General (JAZ)
Entidat públiko Boneiru ta buskando koleganan nobo ku ta pashoná, motivá i inovativo. Abo ta e kolega resiliente pa futuro ku nos ta buskando?
Kiko bo ta bai hasi?
Komo Hefe di Departamento di Asuntunan Hurídiko i General (JAZ) bo ta responsabel pa un departamento ku ta den un fase importante di desaroyo. Bo ta trese trankilidat i struktura, i bo ta sòru pa drecha e base: sufisiente kapasidat, prosesonan klarito i kalidat garantisá. Na mes momentu bo ta duna direkshon na profeshonalisashon mas aleu di e departamento i bo ta enbolbí e empleadonan den esaki.
Bo ta tradusí maneho stratégiko di e organisashon den metanan konkreto pa e departamento i bo ta konsehá e direktorado i gobièrnu tokante problemátikanan hurídiko ku tin influensia riba henter e organisashon. Den esaki bo no ta solamente un punto di kontakto pa loke ta trata kontenido, pero tambe un lider konektivo ku ta edifiká un tim stabil ku enfoke riba futuro.
Banda di esaki bo ta kara di e departamento, tantu internamente komo eksternamente. Bo ta representá e departamento ora tin konsulta, bo ta mantené kontakto ku partnernan atministrativo i sosial i bo ta vigilá kalidat di e dunamentu di servisio. Ku bo aktitut (di trabou) bo ta logra e siguiente metanan:
• Bo ta sòru pa struktura i kontinuidat den un departamento den desaroyo;
• Bo ta duna direkshon i bo ta edifiká un tim stabil i profeshonal;
• Bo ta konektá maneho, ehekushon i atministrashon i bo ta vigilá kalidat di e sosten hurídiko i atministrativo.
Loke nos ta ofresé bo
Na entidat públiko Boneiru nos ta haña apresio importante. Bo ta ripará esaki na bo sitio di trabou, pero tambe na e rekompensa ku bo ta haña pa bo trabou. E salario regular pa e funshon akí ta kai den eskala 15 i ta sòru pa un salario di minimalmente $7.410 i maksimalmente $8.360 pa luna. Banda di esaki bo por konta ku:
Sèn di vakansi di 8,33%;
• Un ‘13ᵉ maand’ kompleto;
• 168 ora di vèrlòf i 5 dia èkstra di vèrlòf stipulá adelantá;
• Un areglo di penshun ekselente;
• Un siman di trabou fultaim di 36 ora;
• Un nombrashon di 1 aña. Den kaso di satisfakshon mutuo tin un opshon pa un relashon fiho di trabou.
E salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
Pa e funshon desafiante akí nos ta buskando un profeshonal multifasétiko, ku por nabegá bon entre di un banda e aspekto húridiko di e funshon i di un otro banda e tareanan di management. E profeshonal akí ta rekonosé su mes den e siguiente profil:
• Nivel di traha i pensa akadémiko (WO), preferibelmente den derecho, siensia atministrativo òf management (integral);
• Minimalmente 5 aña di eksperensia den un funshon ehekutivo den un ambiente gubernamental i/òf atministrativo;
• Eksperensia komprobabel ku trayektonan di kambio i desaroyo di tim;
• Afinidat komprobabel ku komunidat boneriano;
• Konosementu di legislashon i regulashon hulandes karibense i konosementu di relashonnan gubernamental;
• Ábil den management integral, desaroyo di maneho i asesoramentu;
• Abilidat komunikativo i konektivo fuerte.
Loke ta importante tambe pa sa
• Un assessment ta forma parti di e prosedura di solisitut;
• Bo mester por entregá un deklarashon tokante kondukta (VOG);
• Pa kandidatonan pafó di Boneiru tin un kompensashon pa e gastunan di mudansa.
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 24 di òktober 2025 na solliciteren@bonairegov.com. Bo por dirigí esaki na Kolegio Ehekutivo, na atenshon di Departamento di Personal i Organisashon (P&O). Nos adrès ta Kaya Aruba 1, Kralendijk, Boneiru.
Bo tin duda ainda òf bo ke haña mas informashon tokante e funshon? E ora ei tuma kontakto ku e konsehero di rekurso humano (HR) Nina Kwakman via (+599) 715 5330 òf solliciteren@bonairegov.com. Pa mas informashon tokante entidat públiko Boneiru bo por bishitá www.bonairegov.com.
