Hefe di Departamento B Asuntunan Sivil
Entidat públiko Boneiru ta buskando koleganan nobo ku ta pashoná, motivá i inovativo. Bo ta e kolega resiliente pa futuro ku nos ta buskando?
Kiko bo ta bai hasi?
Departamento di Asuntunan Sivil di entidat públiko Boneiru ta responsabel pa ehekushon di legislashon i regulashon riba tereno di:
• aktualisashon di atministrashon di poblashon:
• emishon di dokumentu di identidat:
• organisashon di elekshon;
• registrashon di echonan hurídiko den e registronan di Registro Sivil;
• e atministrashon di ‘leges’ i e ‘kasregister’.
E departamento ta den un trayekto di mehorashon i komo hefe di departamento bo ta hunga un ròl sentral den e desaroyo akí. Bo ta duna guia na e departamento i bo ta responsabel pa duna forma na e trayektonan di mehorashon i e prosesonan di kambio, i guia esakinan. A base di bo konosementu i eksperensia ku legislashon i regulashon relevante, entre otro Lei di Atministrashon Básiko di Datonan Personal BES, Lei di Pasport, Kódigo Sivil buki 1 BES i e Lei di Reino ku ta regla Nashonalidat Hulandes, bo ta señalá puntonan problemátiko i bo ta traha riba optimalisashon di e prosesonan.
Bo ta supervisá ehekushon di e instrukshonnan legal i bo ta salbaguardiá kalidat di e datonan personal ku a hinka den e aplikashonnan i registronan destiná pa esaki. Banda di esaki bo ta kontribuí na mehorashon di servisio na komunidat i bo ta partisipá aktivamente na konsultanan stratégiko (di kadena), tantu interno komo eksterno.
Ku bo estilo di liderazgo ku ta aserkabel i basá riba ‘coaching’, bo ta krea sosten den i pafó di e organisashon. Bo ta fungi komo ‘sparringpartner’ i konsehero pa empleadonnan den kaso di problemanan kompleho i bo ta laga nan utilisá nan potensial kompletamente. Komo mènedjer integral bo ta desaroyá maneho riba nivel táktiko i bo ta vigilá e okupashon kualitativo i kuantitativo, i e guia, stimulashon i evaluashon di e empleadonan den e departamento.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e rekompensa ku bo ta haña pa bo trabou. Si bo no ta kumpli ku tur e eksigensianan ku ta kuadra ku e funshon akí, nos ta hasi uso di un eskala inisial. Minimalmente $ 5835,- (eskala inisial 13) i maksimalmente $ 7505,- (eskala di funshon 14).
• Sèn di vakansi di 8,33%;
• Un ‘13ᵉ maand’ kompleto;
• 168 ora di vèrlòf i 5 dia èkstra di vèrlòf stipulá adelantá;
• Un areglo di penshun ekselente;
• Un siman di trabou fultaim di 36 ora;
• Un nombrashon a base di proyekto di 1 aña. Den kaso di satisfakshon mutuo tin un opshon pa un relashon di trabou vast.
E salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
Pa e funshon akí bo tin ku disponé di un formashon WO (universitario) kompletá. Banda di esaki bo ta kumpli ku e siguiente eksigensianan:
• Minimalmente 4 aña di eksperensia di trabou den un funshon similar;
• Dominio ekselente di hulandes, tantu verbal komo por eskrito;
• Dominio di papiamentu ta un bentaha;
• Konosementu i eksperensia ku metodologianan di management;
• Konosementu amplio di e terenonan di maneho i áreanan di trabou di e departamento;
• Konosementu amplio di legislashon i regulashon hulandes (karibense);
• Komprenshon di e relashonnan gubernamental, funshonal i organisatorio dentro di un organisashon polítiko atministrativo;
• Estilo di liderazgo basá riba ‘coaching’.
Banda di esaki bo ta disponé di e siguiente kompetensianan:
• Proaktivo i komunikativamente ábil;
• Bo tin un aktitut práktiko i bo enfoke ta riba solushon;
• Desisivo i apto pa tuma responsabilidat;
• Ábil pa duna konseho, tambe tokante tópikonan ku ta polítikamente sensibel (bentaha);
• Konfiabel, diskreto, strukturá i íntegro;
• Ku enfoke riba kliente, kolaborashon i servisio.
Loke ta importante tambe pa sa
• Un assessment ta forma parti di e prosedura di solisitut;
• Bo mester por entregá e diplomanan ku bo a logra i ku ta menshoná den bo CV;
• Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 18 di april 2025 na solliciteren@bonairegov.com. Bo por dirigí esaki na Kolegio Ehekutivo, na atenshon di Departamento di Personal i Organisashon (P&O). Nos adrès ta Kaya Aruba 1, Kralendijk, Boneiru.
Bo tin duda ainda òf bo ke haña mas informashon tokante e funshon? E ora ei tuma kontakto ku e konsehero di Rekurso Humano Dayanne Alvarado via (+599) 715 5330. Pa mas informashon tokante Entidat Públiko Boneiru bo por bishitá www.bonairegov.com.
