Empleado Prinsipal di Maneho di Informashon i Aplikashon
Entidat públiko Boneiru ta buskando koleganan nobo ku ta entusiasmá, motivá i inovativo. Abo ta e kolega resiliente pa futuro ku nos ta buska?
Kiko bo ta bai hasi?
Pa nos Departamento di Finansa, den e sekshon di Impuesto, nos ta buskando un Empleado Prinsipal di Maneho di Informashon i Aplikashon ku enfoke riba e aplikashon di GOUW pa sistemanan di impuesto. Den nos organisashon, impuesto ta hañando un posishon ku kada biaha ta bira mas formal i mas sólido. Esaki ta rekerí sistemanan ku ta konfiabel, informashonnan ku ta kuadra i prosesonan ku ta keda vigilá kuidadosamente. Den esaki bo ta hunga un ròl importante.
Ta trata di un ról klave den profeshonalisashon mas aleu di e área di impuesto den Entidat Públiko Boneiru. Bo ta fungi komo punto di kontakto a base di kontenido pa maneho di aplikashon i kalidat di informashon den sekshon di Impuesto.
Den e funshon akí bo ta responsabel pa maneho i desaroyo di e aplikashon di GOUW na Boneiru. Bo ta fungi komo intermediario i bo ta traha huntu ku e suministradó di sistema GouwIT na Hulanda. Bo ta sòru pa informashonnan ta aktual, kompleto i korekto, ku outorisashonnan ta kuadra i ku e aplikashon ta drai stabil. Bo ta señalá desviashonnan promé ku nan bira problema i bo ta intervení kaminda esaki ta nesesario. No na un manera reaktivo, pero ku bista padilanti.
Banda di esaki bo ta tradusí dato den bista general i konosementu usabel pa klientenan interno den Impuesto i Finansa. Loke bo ta produsí, ta keda usá pa toma di desishon i responsabilisashon. Esaki ta rekerí koutela, konfiabilidat i un bista skèrpi pa detaye. Pa motibu ku bo ta traha ku datonan sumamente konfidensial, bo tin un sentido fuerte pa integridat.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di
trabou, pero tambe den e rekompensa ku bo ta haña pa bo trabou. E salario regular pa e funshon akí ta kai den eskala 10 i ta sòru pa un salario di minimalmente $ 3825,- i
maksimalmente $ 4625,- pa luna. Banda di esaki bo por konta ku:
• Sèn di vakansi di 8,33%;
• Un ‘13ᵉ maand’ kompleto;
• 168 ora di vèrlòf i 5 dia èkstra di vèrlòf stipulá adelantá;
• Un areglo di penshun ekselente;
• Un siman di trabou fultaim di 36 ora;
• Un nombrashon di 1 aña. Den kaso di satisfakshon mutuo tin un opshon pa un nombrashon vast.
E salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
Pa por ehekutá bo trabou den un forma independiente, nos ta verwagt ku bo ta kumpli ku e eksigensianan menshoná akí bou:
• Minimalmente un formashon HBO kompletá den área di ICT;
• Minimalmente 3 aña di eksperensia di trabou relevante den maneho di aplikashon òf sistemanan di informashon;
• Eksperensia ku maneho di aplikashon i sistema, preferibelmente e aplikashon di GOUW;
• Bo tin eksperensia ku kalidat di dato, maneho di outorisashon i implementashon di sistema;
• Eksperensia den un organisashon di gobièrnu òf den un ambiente di impuesto ta un bentaha;
• Bo tin sufisiente konosementu di identifikashon i remediashon di interupshon;
• Sufisiente konosementu di sistemanan di informashon i instrukshonnan atministrativo;
• Eksperensia den kolektamentu i prosesamentu di informashon i a base di esaki hasi proposishon pa mehorashon;
• Konosementu di deseonan di usuario i kondishonnan básiko tékniko i finansiero.
Pa por traha na entidat públiko Boneiru, un eksigensia ta ku, banda di e kondishonnan menshoná akí riba, bo ta kumpli tambe ku e siguiente kondishonnan:
• Dominio di tantu hulandes komo papiamentu, òf bo ta dispuesto pa siña esaki dentro di 1 aña, tantu verbalmente komo por eskrito.
Loke ta importante tambe pa sa
• Un assessment por forma parti di bo prosedura di solisitut;
• Bo mester por entregá e diplomanan ku bo a logra i ku ta menshoná den bo CV;
• Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 13 di mart 2026 na solliciteren@bonairegov.com. Bo por dirigí esaki na Kolegio Ehekutivo, na atenshon di Departamento di Personal i Organisashon (P&O). Nos adrès ta Kaya Industria Pariba 28, Kralendijk, Boneiru.
Bo tin duda ainda òf bo ke haña mas informashon tokante e funshon? E ora ei tuma kontakto ku Recruitment via (+599) 715 5330 òf solliciteren@bonairegov.com. Pa mas informashon tokante Entidat Públiko Boneiru bo por bishitá www.bonairegov.com.
