Empleado di Proyekto / Sostenedó di Maneho
Entidat Públiko Boneiru ta buskando un Empleado di Proyekto komprometé i desidido pa Bo Granito Pa Boneiru. Bo ta pashoná tokante bienestar i desaroyo di hóbennan? Bo tin un kurason pa proyektonan ku berdaderamente ta yuda hóbennan progresá den nan futuro? E ora ei t’abo nos ta buskando!
Kiko bo ta bai hasi?
Komo Empleado di Proyekto / Sostenedó di Maneho na Bo Granito Pa Boneiru bo ta hunga un ròl klave den ehekushon i guia di e programa importante pa hóben akí. Bo ta duna guia na e hóbennan for di ‘intake’ te na finalisashon di nan trayekto. Bo ta organisá treinen, bo ta ofresé kuido i sosten posterior i bo ta yuda nan ku nan pasonan di kontinuashon. Tambe bo ta dediká atenshon na e pènel di hóben i bo ta kordiná e trayekto di ‘train-the-trainer’. Pa medio di aktivamente bishitá i evaluá e protektonan ku ta andando, bo ta sòru ku di bèrdat bos di e hóbennan ta keda skuchá.
Banda di esaki bo ta traha intensivamente huntu ku e organisashonnan partisipante. Bo ta nan punto di kontakto for di inisio te evaluashon, bo ta organisá seshonnan di ko-kreashon i di ‘train-the-trainer’, i bo ta sòru pa un bon ‘match’ entre e hóbennan i e proyektonan. Danki na bo dedikashon, tur kos ta kana sin problema i ku impakto – pa i ku e hóbennan di Boneiru.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e rekompensa ku bo ta haña pa bo trabou. Si bo no ta kumpli ku tur e eksigensianan ku ta kuadra ku e funshon akí, nos ta hasi uso di un eskala inisial. Esaki ta eskala 7 i ta trata di minimalmente $ 2520 i maksimalmente $ 3360 pa luna. E salario regular pa e funshon akí ta kai den eskala 8 i ta sòru pa un salario di minimalmente $ 2850 i maksimalmente $ 3810 pa luna. Banda di esaki bo por konta ku:
• Sèn di vakansi di 8,33%;
• Un ‘13ᵉ maand’ kompleto;
• 168 ora di vèrlòf i 5 dia èkstra di vèrlòf stipulá adelantá;
• Un areglo di penshun ekselente;
• Un siman di trabou fultaim di 36 ora;
• Un nombrashon a base di proyekto pa 2 aña.
E salario ta a base di bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
Komo Empleado di Proyekto / Sostenedó di Maneho bo ta disponé di un sentido di responsabilidat grandi, bon abilidat sosial i kapasidat pa duna guia na tantu hóbennan komo organisashonnan. Mas aleu bo ta bini ku lo siguiente:
• Un formashon kompletá di MBO-4 den un direkshon sosial, i bo ta traha i pensa na nivel di HBO.
• Minimalmente 2 aña di eksperensia ku trahamentu ku hóbennan òf den proyektonan sosial;
• Eksperensia komprobabel ku trahamentu a base di proyekto;
• Abilidat organisatorio i kapasidat pa duna guia na grupo;
• Kapasidat pa motivá hóbennan i pa anda ku gruponan di enfoke vulnerabel;
• Bon dominio verbal i por eskrito di hulandes i papiamentu;
• Dominio di spañó na minimalmente nivel A1;
• Afinidat ku òf eksperensia den un organisashon di gobièrnu òf un instansia sosial ta un bentaha;
• Bon abilidat digital.
Loke ta importante tambe pa sa
• Un assessment por forma parti di e prosedura di solisitut;
• Bo mester por entregá e diplomanan ku bo a logra i ku ta menshoná den bo
CV;
• Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 30 di yüli na solliciteren@bonairegov.com. Bo por dirigí esaki na Kolegio Ehekutivo, na atenshon di Departamento di Personal i Organisashon (P&O). Nos adrès ta Kaya Aruba 1, Kralendijk, Boneiru.
Bo tin duda ainda òf bo ke mas informashon tokante e funshon? E ora ei tuma kontakto ku e direktor interino di Komunidat i Kuido Gerold van Elshuis òf ku e konsehero di rekurso humano (HR) Dayanne Alvarado Arroyo (+599) 715 5330. Pa mas informashon tokante Entidat Públiko Boneiru bo por bishitá www.bonairegov.com.
