Empleado di Maneho di Personal
Entidat Públiko Boneiru ke hasi kambio i ta buskando koleganan nobo ku ta pashoná, motivá i inovativo. Bo ta e kolega resiliente pa futuro ku nos ta buskando?
Kiko bo ta bai hasi?
Komo Empleado di Maneho di Personal bo ta é punto di kontakto pa koleganan ora ta trata di asuntunan di personal. Banda di esaki bo ta trata drentamentu den servisio di empleadonan nobo i bo ta duna nan guia den e parti inisial di nan karera na e organisashon. Bo ta sòru pa un atministrashon aktualisá ku ta kuadra, i bo ta duna sosten na ehekushon di areglonan relashoná ku posishon hurídiko. Banda di esaki bo ta traha estrechamente huntu ku e konseheronan di Rekurso Humano (HR) i bo ta brinda sosten atministrativo na momentu di ehekushon di nan trabounan den e diferente direktoradonan. Konkretamente esaki ta nifiká ku bo ta:
• kontrolá, prosesá i fiha datonan di personal;
• registrá ousensia i vèrlòf i formulá bista general;
• enkargá ku kambionan relashoná ku posishon hurídiko (manera nombrashon, hubileo, promoshon);
• kontestá pregunta tokante areglonan i suministrá koleganan ku informashon;
• ofresé sosten atministrativo na e konseheronan di Rekurso Humano (HR) den kaso di vários problemátika di Personal i Organisashon;
• kolaborá ku partidonan eksterno manera fondonan di penshun i kompanianan di seguro.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e rekompensa ku bo ta haña pa bo trabou. E salario regular pa e funshon akí ta kai den eskala 8 i ta sòru pa un salario di minimalmente $ 2850,- i maksimalmente $ 3810,- pa luna. Banda di esaki bo por konta ku:
• Sèn di vakansi di 8,33%;
• Un ‘13ᵉ maand’ kompleto;
• 23 dia di vakansi i 5 dia èkstra di vèrlòf stipulá adelantá;
• Un areglo di penshun ekselente;
• Un siman di trabou fultaim di 36 ora;
• Un nombrashon di 1 aña, despues di esei nos ta sinta ku otro na mesa. Bo a gusta e trabou i nos ta satisfecho? E ora ei bo ta haña un nombrashon pa tempu indefiní.
Bo salario final ta a base di bo formashon, abilidat i eksperensia. Repartishon di bo siman di trabou ta fleksibel den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
Pa e funshon akí ta di importansia ku di naturalesa bo tin un aktitut ku enfoke riba kliente. Bo tin konosementu di kondishonnan laboral i bo por traha ku diferente programa di kòmpiuter (online). Akí bou nos ta menshoná algun kondishon importante mas pa por traha komo empleado di maneho di personal.
- Bo tin un formashon kompletá di MBO, preferibelmente den direkshon di Rekurso Humano (HR), derecho laboral òf servisio di personal;
• Bo tin konosementu di derecho laboral òf (preferibelmente) derecho di empleado públiko (BES) i eksperensia den aplikashon di areglonan relashoná ku posishon hurídiko;
• Bo tin abilidatnan atministrativo fuerte, di manera ku na tempu i den un forma klarito bo por proveé bo konsehero, management i bo direktorado ku informashon eksakto;
• Bo tin bon abilidat komunikativo, bo ta sigui puntra i bo ta pensa den solushon;
• Bo ta disponé di sensitividat polítiko gubernamental i mas ku niun otro bo sa kon pa anda den un forma íntegro ku informashon sensibel i konfidensial di personal.
Ta verwagt di bo ku bo ta papia i skirbi hulandes bon i ku bo ta papia papiamentu òf ku bo ta dispuesto pa siña esaki. Pa motibu ku na Entidat Públiko Boneiru nos ta digitalisando nos prosesonan, ta importante ku bo ta digitalmente ábil.
Loke ta importante tambe pa sa
• Un assessment por forma parti di e prosedura di solisitut;
• Bo mester por entregá un deklarashon tokante kondukta (VOG);
• Bo mester por entregá e diplomanan ku ta menshoná den bo CV
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 10 desèmber 2025 na solliciteren@bonairegov.com. Bo por dirigí esaki na Kolegio Ehekutivo, na atenshon di Departamento di Personal i Organisashon (P&O). Nos adrès ta Kaya Aruba 1, Kralendijk, Boneiru.
Bo tin duda ainda òf bo ke haña mas informashon tokante e funshon? E ora ei tuma kontakto ku e hefe di departamento Jurrian Burgers via email: jurrian.burgers@bonairegov.com òf ku e konsehero di Rekurso Humano (HR) Nina Kwakman via email: nina.kwakman@bonairegov.com. Pa mas informashon tokante Entidat Públiko Boneiru bo por bishitá www.bonairegov.com.
