Empleado di Archivo
Entidat Públiko Boneiru ta buskando koleganan nobo ku ta entusiasmá, motivá i inovativo. Abo ta e kolega resiliente pa futuro ku nos ta buska?
Kiko bo ta bai hasi?
Komo Empleado di Archivo na e departamento di Pòst i Archivo di e Direktorado di Maneho i Sosten, bo ta sòru pa e informashon den e organisashon ta manehá minusiosamente, keda aksesibel i kumpli ku e lei- i regulashonnan aplikabel. Bo ta vigilá e kalidat di tantu archivonan físiko komo digital, sostené koleganan ku formashon korekto di fail i duna konseho tokante maneho di archivo i informashon, i sostené na diferente aktividatnan.
Ademas, bo ta okupá bo mes ku mehorashon di e kalidat di archivonan i e prosesonan di maneho di informashon. Bo ta siñalá puntonan di komplikashon, hasi proposishon pa mehorashon i sostené departamentonan pa nan organisá nan archivo- i failnan di forma óptimo. Tambe bo ta kontestá preguntanan di empleadonan, entregá fail i dokumentonan i kontribuí na desaroyo i aktualisashon di prosedimentunan, instrukshonnan i akuerdonan di trabou.
Ku bo konosementu i sosten, bo ta sòru ku informashon ta keda konfiabel, fásil pa haña i disponibel pa uso duradero den e organisashon.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e rekompensa ku bo ta haña pa bo trabou. E salario regular pa e funshon akí ta kai den eskala 8 i ta sòru pa un salario di minimalmente $ 2.850,- i maksimalmente $ 3.810,- pa luna. Banda di esaki bo por konta ku:
- Sèn di fakansi di 8,33%;
- Un ‘13ᵉ maand’ kompleto;
- 168 ora di ferlòf i 5 dia èkstra di ferlòf stipulá adelantá;
- Un areglo di penshun ekselente;
- Un siman di trabou fultaim di 36 ora;
- Un nombramentu di 1 aña. Den kaso di satisfakshon mutuo tin un opshon pa un relashon di trabou fiho.
E salario ta basá riba bo preparashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esaki nos tin algun otro kondishon laboral sekundario atraktivo, tokante kua gustosamente nos lo konta bo mas durante bo prosedimentu di solisitut!
Kiko ta e eksigensianan
- Bo tin un nivel di pensa i traha di MBO+, preferiblemente den direkshon di maneho di informashon òf archivo;
- Bo tin minimalmente 2 te 3 aña di eksperensia di trabou relevante den un funshon komparabel;
- Bo por plania i organisá bon i ta mantené bista riba puntonan di komplikashon, trabounan i akshonnan;
- Bo ta anda íntegro i ta atendé minusiosamente ku informashon konfidensial.
- Bo ta papia papiamentu òf ta dispuesto pa siña esaki dentro di un aña;
- Bo ta papia i skibi bon hulandes;
- Bo por traha bon ku sistemanan digital.
Loke ta importante tambe pa sa
- Un assessment por forma parti di bo prosedimentu di solisitut;
- Bo mester por entregá e diplomanan ku bo a alkansá i ku ta menshoná den bo CV;
- Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 7 di yüli 2026 na solliciteren@bonairegov.com. Bo tin duda ainda òf bo ke haña mas informashon tokante e funshon? E ora ei tuma kontakto ku Recruitment via (+599) 715 5330 òf solliciteren@bonairegov.com. Pa mas informashon tokante Entidat Públiko Boneiru bo por bishitá www.bonairegov.com.
