Kolaboradó ku ta Sostené Konsehero di Maneho
Entidat públiko Boneiru ta buska kolega nobo dediká, motivá i inovador. Abo ta e kolega ku vishon pa futuro ku nos ta buska?
Kiko bo ta bai hasi?
Komo kolaboradó ku ta sostené maneho bo ta sostené konsehero di maneho di Direktorado Komunidat i Kuido ku diferente tarea di ayudo ku debe i bo ta traha independientemente a base di proyekto ku trahadó sosial i partner den kadena.
Bo ta entre otro responsabel pa ehekushon di trabou di maneho riba tereno sosial ku un enfoke riba kombatimentu di pobresa i problema di debe. Esaki ta enserá skirbimentu di plan di implementashon i plan pa monitoriá, koordinashon di proyekto ku ta relatá, i asistensia na reunion. Banda di esaki bo ta hasi análisis i bo ta skirbi konseho.
Loke nos ta ofresé bo
Apresio ta importante pa nos na EPB. Bo ta ripará esaki na boka di trabou, pero tambe den rekompensa ku bo ta haña pa bo trabou. Si bo no ta kumpli ku tur e eksigensianan ku tin pa e funshon akí, nos ta hasi uso di un eskala inisial. Esaki ta eskala 7 i ta resultá den un mínimo di $2.520,- i un máksimo di $3.360,- pa luna. E salario regular pa e funshon akí ta kai den eskala 8 ku un salario mínimo di $2.850,- i un máksimo di $3.810,- pa luna. Banda di esei bo por konta ku:
• 8,33% plaka di fakansi;
• Un di 13 luna kompleto;
• 168 ora di ferlòf i 5 dia di ferlòf èkstra ku ta fihá adelantá;
• Un areglo di penshun ekselente;
• Un siman di trabou fultaim di 36 ora
• Un nombramentu pa proyekto di 2 aña. Si ámbos partido ta satisfecho, tin opshon pa servisio fiho.
E salario ta basá riba bo formashon, konosementu i eksperensia. E repartishon di bo siman di trabou ta flèksibel i lo fiha esaki den deliberashon ku bo hefe. Banda di esei nos tin algun kondishon laboral sekundario atraktivo, gustosamente nos ta konta bo mas di nan durante bo prosedimentu di solisitut!
Kiko ta e eksigensianan
Pa por realisá bo trabou mas mihó posibel, nos ta ferwagt ku bo ta kumpli ku e siguiente eksigensianan ku tin aki bou.
• Por lo ménos 3 aña di eksperensia di trabou den un funshon similar riba tereno sosial;
• Eksperensia ku ayudo pa debe i kombatimentu di pobresa;
• Por lo ménos un formashon di MBO-4 ku bo a kaba
• Eksperensia amplio ku registrashon, maneho i koordinashon di proseso atministrativo den registrá, kolekshon i interpretashon di dato ;
• Bon abilidat pa raportá i organisá;
• Dominio ekselente por eskrito i verbal di hulandes, ingles, papiamentu i prferiblemente spañó;
Loke ta importante tambe pa sa
• Un assessment por forma parti di e prosedimentu di solisitut.
• Bo mester por entregá e diplomanan ku bo tin i ku bo a menshoná riba bo CV,
• Bo mester ta kapas pa entregá un deklarashon tokante kondukta (VOG).
Sí! Mi ke e trabou akí
Nos ta ansioso pa risibí bo solisitut. Manda bo CV huntu ku bo motivashon promé ku 5 di ougùstùs 2024 na solliciteren@bonairegov.com Bo por dirigí bo karta na Kolegio Ehekutivo, n.a.d. departamento P&O. Nos adrès ta Kaya Aruba 1, Kralendijk, Boneiru.
Bo ta duda ainda òf bo ke mas informashon tokante e funshon? Tuma kontakto e ora ei ku direktor interino di Direktorado di Komunidat i Kuido, Gerold van Eshuis, òf koordinadó di recruitment Linda Velema na (+599) 715 5330. Pa mas informashon tokante EPB, bo por wak na www.bonairegov.com.
