Analista di Dato i Informashon di Kuido
Entidat públiko Boneiru ta buskando koleganan nobo ku ta pashoná, motivá i inovativo. Abo ta e kolega resiliente pa futuro ku nos ta buska?
Kiko bo ta bai hasi?
Nos ta buskando un profeshonal pashoná i analítiko pa reinforsá nos tim komo Analista di Dato i Informashon di Kuido den departamento di Salubridat Públiko di entidat públiko Boneiru. Den e funshon akí bo ta hunga un ròl krusial den mehorashon di nos salubridat públiko pa medio di desaroyo i asesoramentu di maneho impulsá pa dato. Bo ta analisá informashon di kuido, bo ta monitoreá indikadornan di salú i bo ta tradusí e konosementu akí den maneho efektivo i ku enfoke riba futuro. Akí bou nos ta indiká algun di e tareanan ku bo por verwagt:
- Inventarisá i analisá datonan i desaroyonan sosial i relashoná ku kuido;
- Kolektá, manehá i analisá datonan di salú;
- Partisipá na konsulta ku representantenan nashonal, insular i regional pa sinkronisashon di implementashon di maneho;
- Duna guia na proyektonan relashoná ku dato dentro di e área profeshonal;
- Responsabel pa usabilidat di desaroyo i asesoramentu di maneho, pa kalidat di implementashon di maneho i pa dunamentu di guia na proyektonan.
Loke nos ta ofresé bo
Na Entidat Públiko Boneiru nos ta haña apresio importante. Bo ta ripará esaki na bo sitio di trabou, pero tambe den e rekompensa ku bo ta haña pa bo trabou. Si bo no ta kumpli ku tur e eksigensianan ku ta kuadra ku e funshon akí, nos ta hasi uso di un eskala inisial. Esaki ta eskala 10 i ta trata di minimalmente $ 3825,- i maksimalmente $ 4625,- pa luna. E salario regular pa e funshon akí ta kai den eskala 11 i ta sòru pa un salario di minimalmente $ 4390,- i maksimalmente $ 5240,- pa luna. Banda di esaki bo por konta ku:
- Sèn di vakansi di 8,33%;
- Un ‘13ᵉ maand’ kompleto;
- 168 ora di vèrlòf i 5 dia èkstra di vèrlòf stipulá adelantá;
- Un areglo di penshun ekselente;
- Un siman di trabou fultaim di 36 ora;
- Un nombrashon pa 1 aña. Den kaso di satisfakshon mutuo tin un opshon pa prolongashon.
E salario ta basá riba bo formashon, abilidat i eksperensia. Repartishon di bo siman di trabou ta fleksibel i lo keda stipulá den konsulta ku bo hefe. Banda di esei nos tin algun otro kondishon laboral sekundario atraktivo, tokante kua gustosamente nos ta konta bo mas durante bo prosedura di solisitut!
Kiko ta e eksigensianan
- Minimalmente un formashon HBO/WO ku ta relevante pa e tereno di maneho; maneho di dato i informashon, siensia di komunikashon;
- Minimalmente 3 aña di eksperensia den un funshon similar;
- Konosementu amplio di e tereno di maneho i e relashonnan ku otro terenonan di maneho;
- Konosementu di legislashon i regulashon i instrukshonnan di maneho relevante;
- Por pensa analítikamente fuerte i ku enfoke riba solushon;
- Ku enfoke riba trahamentu huntu, kreativo i resiliente kontra strès.
Pa por traha na entidat públiko Boneiru, un eksigensia ta ku, banda di e kondishonnan menshoná akí riba, bo ta kumpli tambe ku loke tin deskribí akí bou.
- Bo ta dominá e idioma hulandes, tantu verbalmente komo por eskrito.
- Bo ta papia papiamentu, òf bo ta dispuesto pa siña esaki dentro di 1 aña;
- Bon abilidat digital.
Loke ta importante tambe pa sa
- Un assessment ta forma parti di e prosedura di solisitut;
- Bo mester por entregá e diplomanan ku bo a optené i ku ta menshoná riba bo CV;
- Bo mester por entregá un deklarashon tokante kondukta (VOG).
Sí! Mi ke e trabou akí
Nos ta anhelá pa risibí bo solisitut. Manda bo CV huntu ku bo motivashon promé ku 17 di yüli 2024 na solliciteren@bonairegov.com. Por dirigí esaki na Kolegio Ehekutivo, na atenshon di Departamento di Personal i Organisashon. Nos adrès ta Kaya Aruba 1, Kralendijk, Boneiru.
Bo tin duda ainda òf bo ke mas informashon tokante e funshon? E ora ei tuma kontakto ku e hefe interino di departamento di Salubridat Públiko Nicolette Verduin òf ku e kordinadó di reklutashon Linda Velema via (+599) 715 5330 ekstenshon 2124. Pa mas informashon tokante entidat públiko Boneiru bo por akudí riba www.bonairegov.com.
