Prevení Zika, Dengue i Chikungunya

Prevení Zika, Dengue i Chikungunya

Kiko ta Zika, Dengue i Chikungunya?

Zika, Dengue i Chikungunya ta vírùsnan ku ta hasi bo malu. E sangura di Aedes Aegypti ta plama e vírùsnan. Por rekonosé e sangura akí na su pianan pretu ku strepi blanku. Na Boneiru tambe e sangura akí ta aktivo i ta plama e malesanan.

Kon bo ta rekonosé Zika, Dengue i Chikungunya?

Bo por bira hopi malu di e vírùsnan akí. Tene e síntomanan aki bou na bista i tuma kontakto ku bo dòkter di kas ora bo ta sospechá ku bo tin Dengue, Chikungunya òf Zika. Dòkter di kas por laga hasi un tèst di laboratorio asina bo ta sigur si bo tin un di e vírùsnan. Lamentablemente no tin tratamentu òf bakunashon kontra e malesanan. Sí, bo dòkter di kas por duna bo konseho kiko hasi kontra kentura i doló.

Síntomanan di Dengue

  • Kentura i/òf doló di kabes
  • Dolo tras di wowo/doló di múskulo i djòint
  • Kueru rebultá

Síntomanan di Chikungunya

  • Kentura i/òf doló di kabes
  • Kueru rebultá
  • Doló duru di djòint, múskulo i/òf lomba
  • Walmentu di stoma i/òf sakamentu

Síntomanan di Zika

  • • Kentura/doló di kabes
  • Kueru rebultá
  • Wowo kòrá, doló den djòint i/òf doló di múskulo

Si bo tin un di e malesanan akí, via sangura, bo por kontagiá otro!

Kon bo por prevení Zika, Dengue i Chikungunya?

Danki Dios bo mes por hasi hopi pa prevení e malesanan akí. Na promé lugá bo mester evitá ku sangura ta brui den bo ambiente. Na mes momentu bo ta prevení ku sangura ta pika bo.

  1. Eliminá kriadero

E sangura di Aedes Aegypti ta biba den bisindario di hende i ta pone su webunan den awa ku ta keda para. Kana rònt di bo kas i buska posibel lugá kaminda awa por keda para. Pa eliminá kriadero di sangura, semanalmente mester tuma e siguiente medidanan:

  • Deshasí di tur opheto ku awa por bai aden òf ku tin awa aden. Mira akí un lista ku posibel opheto.
  • Pa ophetonan ku no por warda, ku e banda gròf di un spòns pa skür, bo por kita e webunan (esakinan ta e puntanan pretu) na rant.
  • Bo tin barí òf baki pa pone awa pa mata òf bestia? E ora ei, tapa esakinan bon pa sangura. Por ehèmpel, esaki por ku un paña òf skrin kontra sangura ku un faha di elastik ku ta span rònt di esaki.

Bo tin pregunta tokante tratamentu di barí i baki di awa? Tuma kontakto e ora ei ku e sekshon di Kontròl di Vector via +599 715 5324.

2. Evitá ku sangura ta pika bo

E sangura di Aedes Aegypti ta pika durante dia i ta mas aktivo mainta tempran i atardi. Pa evitá ku sangura ta pika bo, spesialmente durante e oranan akí, bo ta tuma e siguiente medidanan:

  • Usa un sprei/loshon ku ta kontené minimalmente 30% DEET
  • Pèrkurá ku bo kas ta liber di sangura ku tene bentana i porta será i/òf hasi uso di skrin kontra sangura
  • Drumi, tambe durante dia, bou di un muskitero
  • Bisti paña koló kla, karson largu, manga largu, meña i sapatu será

Prevení Zika, Dengue i Chikungunya!