Entidat Públiko Boneiru (EPB) ta responsabel pa kalidat di ambiente di biba na Boneiru. EPB ta formulá, dirigí i kontrolá e maneho riba tereno di desaroyo espasial. Banda di esei EPB ta responsabel tambe pa maneho i ehekushon di esaki riba tereno di konstrukshon, trabounan sivil, medio ambiente, naturalesa i patrimonio kultural históriko.

Dia 31 di mei 2013 unánimamente Konseho Insular a aprobá e Vishon pa Sentro di Suidat. Den e Vishon pa Sentro di Suidat a inkluí un programa di ehekushon ku un planifikashon anual pa 10 aña.

Desde e preparashon pa e Vishon pa Sentro di Suidat tin diferente proyekto a bira realidat den sentro di suidat, di kua algun ta prosedente di e programa di ehekushon:

• Mantenshon atrasá
• Renobashon di lus di kaya den sentro di suidat (palu di lus nobo)
• Realisashon di un solushon pa tráfiko dilanti Misa di Playa (rotònde)
• Remodelashon di Plaza Wilhelmina i Plaza Oraño (inkluso mobilario di kaya)
• Proyekto revaluashon espasionan públiko sentro di Playa: mobilario di kaya, poste di barera i mata dekorativo den Kaya Grandi, asiento na entrada di Kaya Grandi, banki riba malekon
• Preparashon (riba tereno hurídiko) pa bini ku un zona blou/zona pa stashoná outo pa un ratu kòrtiku
• Preparashon di Plan di Kalidat di Imágen Sentro di Suidat i Malekon
• Preparashon diseño pa adaptashon di e krusada problemátiko Kaya Grandi / Kaya Nicolaas
• Ponementu di poste di barera pa prevení stashonamentu di outo riba asera
• Trabounan di reparashon di e kapa di Plaza Wilhelmina.