Text Size

  • Increase
  • Decrease
  • Normal

Current Size: 100%

KOMUNIKADO DI PRENSA: Residente di Boneiru ta haña ayudo

Despues ku a sera espasio aéreo pa buelo di pasahero pa evitá ku e vírùs di corona lo a surgi na Boneiru tambe, residentenan di Boneiru ku tabata na Hulanda òf otro kaminda den eksterior, tambe no por a bolbe bèk. Direktorado di Komunidat i Kuido a haña enkargo di Tim di Maneho Insular (Eilandelijk Beleids Team, EBT) pa inventarisá e kantidat di persona. Te ku 23 di mart 225 boneriano a mèldu nan mes. Via registro di Asuntu Sivil a kontrolá si nan ta inskribí di bèrdè. A hasi e kontrol akí tambe pa pashènt di ZVK ku a bai den eksterior pa motibu médiko. For di 26 di mart a kuminsá yama tur hendenan akí pa inventarisá ki ayudo mester. Hopi residente a indiká ku nan no tin nodi di ayudo finansiero pero ku nan lo a preferá pa bai bèk kas mas lihé ku ta posibel.

Ta preparando repatriashon responsabel

Awe Tim di Maneho Insular (EBT) a haña konseho di RIVM relashoná ku e pregunta ku si ta responsabel pa kuminsá ku repatriashon, tambe en bista di e echo ku ainda no tin kaso di infekshon ku e vírùs na Boneiru. Dia 26 di mart segun konseho di Tim di Maneho Insular, Gezaghebber a duna enkargo pa kuminsá ku preparashon di repatriashon responsabel di residentenan di Boneiru. Manera RIVM a konsehá, repatriashon ta tuma lugá den fase, komo ku tur residente ku ta den eksterior ainda, mester haña akohida responsabel. A base di Lei di Salubridat Públiko lo obligá nan pa bai den karentena obligatorio durante 14 dia.
E Tim Operashonal di e Tim di Maneho Insular ta elaborá awor riba e kondishonnan i organisashon. Den e Tim Operashonal akí tin tantu representashon di Salubridat Públiko komo di Órden Públiko i Servisio di Seguridat. Di e forma akí E Tim di Maneho Insular (EBT) EBT ta komplasé ku deseo di e residentenan pa bini bèk, miéntras ku na mes momento ta garantisá seguridat di habitante di Boneiru.

Nota pa redakshon: pa mas informashon tuma kontakto ku RCN-Communicatie, Lucia Beck (781 9050) of Cora Knopper (781 0344)

Contact
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik hier voor de contactgegevens van alle diensten van het OLB