Text Size

  • Increase
  • Decrease
  • Normal

Current Size: 100%

DIPUTADO TJIN ASJOE: KONSEHO DI RAAD VAN STATE TA HOPI BALIOSO

Kralendijk - Den Haag – Den kombersashon ku visepresidente di Raad van State señor Thom de Graaf i ‘Staatsraad’ señor Jan Franssen diputado Elvis Tjin Asjoe, tambe na nòmber di Kolegio Ehekutivo di Boneiru, a ekspresá su gratitut pa e konseho ku Raad van State a duna pa hasi e koperashon entre e ministerionan i Entidat Públiko Boneiru mas efektivo.

‘Nos por haña nos mes hopi bon den e análisis di Raad van State ku ta mustra dikon e koperashon riba sierto terenonan manera nivel di fasilidat i nos kamindanan no a resultá asina bon, kompará ku por ehèmpel riba tereno di salubridat públiko i enseñansa’, segun diputado Tjin Asjoe.

‘Señor De Graaf i señor Franssen tabata hopi interesá den nos reakshon riba e echo ku Gabinete a tuma un kantidat grandi di rekomendashon over. Mi a splika nan ku nos ta positivo tokante esei, pero ku nos komo Kolegio Ehekutivo ta haña importante pa tende Konseho Insular promé ku nos asumí un punto di bista definitivo.’

Tokante e koperashon entre e ministerionan i e entidatnan públiko i prinsipalmente tambe e nesesidat pa fortifiká e kordinashon di parti di Reino ya desde 2010 tin diskushon ta tuma lugá. ‘E konseho di Raad van State ta kontené masha hopi punto di referensia tokante kon nos por hasié mihó. Naturalmente no ta solamente falta di Den Haag, nos tambe tin nos ‘huiswerk’ pa hasi, manera salvaguardá gobernashon bon i stabil, fortifiká forsa di ehekushon di nos aparato públiko i maneho finansiero adekuá.’

Diputado Tjin Asjoe ta spera ku Raad van State lo laga tende di su mes mas biaha. ‘Banda di sabiduria Raad van State ta disponé tambe di hopi konosementu tokante e parti karibense di Reino. Pa esei nos por gradisí tambe Staatsraad èkstraordinario Frits Goedgedrag i e Staatsraadnan di Kòrsou, Aruba i Sint Maarten. For di tempu ku e tabata minister di Asuntunan di Reino ya kaba visepresidente De Graaf tabata demostrá ku e tin un kurason kalor pa nos islanan.’    

 

Riba potrèt:

Diputado Elvis Tjin Asjoe den kombersashon ku visepresidente di Raad van State Thom de Graaf, Staatsraad Jan Franssen i sekretario Rob Visser (Foto: Nico van der Ven).

 

 

            GEDEPUTEERDE TJIN ASJOE: RAAD VAN STATE ZEER WAARDEVOL

 

Kralendijk - Den Haag - In het gesprek met de vicevoorzitter van de Raad van State, de heer Thom de Graaf, en Staatsraad de heer Jan Franssen heeft gedeputeerde Elvis Tjin Asjoe mede namens het Bestuurscollege zijn dank betuigd voor het advies dat de Raad van State heeft uitgebracht om de samenwerking tussen de ministeries en het openbaar lichaam Bonaire effectiever te maken.

,,Wij kunnen ons goed vinden in de analyse van de Raad van State waarom de samenwerking op sommige terreinen zoals het voorzieningenniveau en de wegen minder goed uit de verf is gekomen dan bijvoorbeeld op het gebied van volksgezondheid en onderwijs", aldus gedeputeerde Tjin Asjoe.

,,De heren De Graaf en Franssen waren zeer geïnteresseerd in onze reactie op het feit dat het kabinet een groot aantal aanbevelingen heeft overgenomen. Ik heb duidelijk gemaakt dat wij daar positief over zijn, maar dat wij het als Bestuurscollege belangrijk vinden de Eilandsraad te horen voordat wij een definitief standpunt innemen."

Over de samenwerking tussen de ministeries en de openbare lichamen en vooral ook de noodzaak de coördinatie aan de kant van het Rijk te versterken wordt al sinds 2010 gediscussieerd. ,,Het advies van de Raad van State bevat heel veel praktische aanknopingspunten hoe we het beter kunnen doen. Het ligt natuurlijk niet alleen aan Den Haag, ook wijzelf hebben huiswerk te doen zoals het borgen van goed en stabiel bestuur, het versterken van de uitvoeringskracht van ons ambtelijk apparaat en deugdelijk financieel beheer."

Gedeputeerde Tjin Asjoe hoopt dat de Raad van State vaker van zich zal doen spreken. ,,Behalve wijsheid is er bij de Raad ook veel kennis van het Caribisch deel van het Koninkrijk. Dat is mede te danken aan buitengewoon Staatsraad Frits Goedgedrag en de Staatsraden van Curaçao, Aruba en Sint Maarten. Vicepresident De Graaf laat al vanaf de tijd dat hij minister van Koninkrijkszaken was zien dat hij de eilanden een warm hart toedraagt."

 

Bij de foto:

Gedeputeerde Elvis Tjin Asjoe in gesprek met vicevoorzitter van de Raad van State Thom de Graaf, Staatsraad Jan Franssen en secretaris Rob Visser (Foto: Nico van der Ven).

 

Contact
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik hier voor de contactgegevens van alle diensten van het OLB