Text Size

  • Increase
  • Decrease
  • Normal

Current Size: 100%

LAURINA JANGA A SELEBRÁ TRINTA AÑA KOMO ÁMTENAR

Kralendijk –Riba e fecha 1di yanüari 1989 sra. Laurina Janga a drenta servisio di gobièrnu di Boneiru komo empleado doméstiko na e servisio di asuntunan Interno. Sra .Janga su promé trabou tabata na departamento di e tempu ei Arbeidzaken kaminda la traha pa un siman, pa un periodo di diesocho aña Laurina a traha na Komunidat di skol SGB. Despues Laurina a pasa diferente departamento i aktualmente ta duna su servisio na Indebon i R&O. Sra. Lucrecia Martis hefe di servisio di asuntunan fasilitario di gobièrnu di Boneiru a felisitá sra. Janga i su famia ku su hubileo i su koleganan di Indebon. sra. Martis a trese dilanti ku Laurina ta un persona masha apresiá den su koleganan, i nunka a haña reklamo di su trabou òf koleganan i ta un persona hopi respetoso. Diputado sr. Hubert Martis a trese dilanti ku su persona ta haña un lastimá ku den e trinta añanan ku Laurina a laborá anke su persona a hasi diferente petishon pa e por a traha ocho ora manera tur otro empleado esaki no a haña su atenshon. Diputado Martis ta agradesido na e hefe aktual di Laurina ku ta sra. Lucrecia Martis ku na momentu ku esaki a tende di e orario di Laurina a hasi un petishon na diputado pa Laurina por traha ocho ora manera tur otro i ku e benefisionan akompaña. Entrante promé di yanüari 2019 Laurina a kuminsá traha su ocho ora pa dia. Finalmente diputado Hubert Martis a felisitá tur presente i a pasa over na entrega di e sertifikado di rekonosimentu i e ènvelòp ya konosí.

Contact
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik hier voor de contactgegevens van alle diensten van het OLB