Text Size

  • Increase
  • Decrease
  • Normal

Current Size: 100%

WILLIAM GREGORIO PIAR 30 AÑA KOMO ÁMTENAR NA INDEBON

Kralendijk – Na aña 1990 riba e fecha 1 di yanüari William Piar mihó konosí komo Willy, a drenta servisio di gobièrnu di Boneiru na e Instituto di deporte Indebon. Willy a keda enkargá ku e proyektonan di edukashon físiko na skolnan básiko i deporte den bario. Willy tabata usa su kreatividat dor di traha bala nan di mea pa asina e muchanan por a praktiká e deporte di bala, mirando e limitashon ku tabatin e tempu ei. Durante di e trinta añanan Willy i su koleganan a sigui diferente kurso relashoná maneho di deporte na nivel.

A nombra Tim Muller komo sekretario insular

Kralendijk – E siman aki Kolegio Ehekutivo di Boneiru a disidí pa nombra Tim Muller komo sekretario insular. Entrante 1 di mei Muller, kende ainda ta sekretario insular na Saba, ta kuminsá ku su trabou na Boneiru.

Muller a okupá diferente funshon na Hulanda: na e siudat Den Haag komo direktor general di e servisio di Asuntunan Públiko, na Amsterdam komo direktor athunto di e servisio di Desaroyo Sosial, na e ofisina di kònsùltent Twynstra Gudde i na ministerio di Asuntunan Interno.

ENTREGA DI KOMBUSTIBEL DI PARTI DI BOPEC TA BOU DI KONTRÒL

Kralendijk - Por lo pronto entrega di kombustibel di parti di BOPEC  ta bou di kontròl, asina gezaghebber Edison Rijna a duna di konosé. Na e momentu aki no tin motibu pa pániko pa motibu di e menasa ku BOPEC no ta entregá kombustibel mas. Produkshon di koriente i awa no ta kore peliger pa motibu di esaki. Gezaghebber Rijna a deklará ku e mes huntu ku e grupo di guia kombustibel ta monitoriá e situashon debidamente. Gezaghebber ta reakshoná riba informenan ku entrega di kombustibel di parti di BOPEC lo ta na peliger.

MAYOR MARCEL KRUL I MAJOR SJOERD MOERKERKEN I SÒLDÁ GUIRONEY COFFI A BISHITÁ GEZAGHEBBER EDISON RIJNA

Kralendijk Mayor Sjoerd Moerkerken di e “Compagnie in de West” huntu ku Mayor Marcel Krul di ‘Marine Hoofdkwartier’ na Kòrsou i Guironey Coffia sòldá di segundo rango a realisá un bishita di kortesia serka gezaghebber Edison Rijna. Durante e bishita nan a pone gezaghebber Rijna na altura di e aktividatnan ku e militarnan a desplegá durante nan estadia na Boneiru for di 13 di yanüari. Den Parke Washington e militarnan huntu ku e rangernan di e parke a hasi trabou boluntario, entre otro drecha kurá di waya, basha fundeshi i mas.

DENTRO DI POKO MESTER PAGA IMPUESTO DI VEHÍKULO DI MOTOR 2020

 

Kralendijk – Bo tin un outo òf motosaikel? E ora ei bo tin ku paga impuesto di vehíkulo di motor pa 2020. Pa mas tardá na kuminsamentu di febrüari bo ta haña un karta tokante esaki na kas. Den e karta ei tin pará kuantu bo tin ku paga i ki dia bo tin ku paga. 

 

Bo ke paga den dos biaha?

Bo por paga e suma den dos parti si bo ta deseá esei. Esei ta bai di e siguiente manera:

KU INISIO DI UN PROYEKTO DI PRUEBA PARKE DI ALGA TA HAÑA FORMA KONKRETO

Kralendijk – E plan pa establesé un sitio kaminda ta kultivá alga mas i mas ta kuminsá haña forma mas konkreto. Entretantu e investigashon preliminar a avansá dje leu ei ku na luna di mart por kuminsá ku un proyekto di prueba riba nos isla. E aparatura pa hasi esei ya kaba ta na kaminda for di Hulanda. Parke di Alga Boneiru – AlgaePARC Bonaire – ta un inisiativa di prof.dr.ir. René Wijffels di Wageningen University & Research i Entidat Públiko Boneiru.

Pagina's

Contact
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik hier voor de contactgegevens van alle diensten van het OLB