Text Size

  • Increase
  • Decrease
  • Normal

Current Size: 100%

GEZAGHEBBER RIJNA NA KONFERENSIA DI ALKALDE

Den Haag - Gezaghebber Edison Rijna a partisipá na e asina yamá konferensia di alkalde na Hulanda. Riba invitashon di e Sosiedat Hulandes di Alkalde (di kua èks minister di Asuntunan Interno i Relashonnan den Reino Liesbeth Spies ta presidente) gezaghebber Rijna riba un di e dianan di konferensia a tuma e asina yamá diskurso di mesa na su enkargo. Gezaghebber Edison Rijna a konta su oudiensia tokante e posishon spesial ku Boneiru desde aña 2010 ta okupá den e sistema estatal hulandes komo entidat públiko.

KOPERASHON KU OFISINA SENTRAL DI ESTADÍSTIKA TA KONDUSÍ NA MIHÓ TOMA DI DESISHON

Den Haag – Ofisina Sentral di Estadístika di Hulanda ta bai asistí Entidat Públiko Boneiru pa kuminsá ku un fasilidat di data. E sistema lo suministrá Kolegio Ehekutivo ku informashon ku nan por usa ora di hasi eskohonan importante di maneho.

GEZAGHEBBER RIJNA DEN KOMBERSASHON KU AMBASADOR DI MERKA HOEKSTRA

Kralendijk – Gezaghebber Edison Rijna a hasi uso di su bishita di trabou na Hulanda Oropeo pa konsultá ku e ambasador di Merka Pete Hoekstra tokante e posibel konsekuensianan pa Boneiru di e sanshonnan ku Merka a dekretá kontra Venezuela. E sanshonnan tin impakto riba suministro di petroli pa terminal di Bopec ku e produktor di energia Contour Global mester pa generá elektrisidat den e periodonan ku oferta di energia di bientu i solo no ta sufisiente pa proveé den e pedida.

DELEGASHON DI KOLEGIO EHEKUTIVO A BISHITÁ PARTISIPANTENAN NA BOLSA DI EMIGRASHON

Houten – Riba djadumingu 9 di febrüari un delegashon di Kolegio Ehekutivo a hasi un bishita na e Bolsa di Emigrashon na Houten pegá ku Utrecht.

E interes di gezaghebber Edison Rijna i e diputadonan Nina den Heyer i Elvis Tjin Asjoe tabata partikularmente dediká na e partisipantenan boneriano ku huntu a forma Kaya Boneiru na e bolsa. Kurason di e kaya boneriano tabata e stènt di Ban Boneiru Bèk kaminda nan tabata trese un kantidat grandi di vakatura bou di atenshon di personanan potenshal ku ke regresá nan isla.

Promé seshon di enfoke den grupo pa e plan maestro 2030 ku e tema ‘Kultura, Norma- i Balornan’.

Kralendijk– Djasabra último Entidat Públiko di Boneiru a organisá e promé seshon di enfoke den grupo ku e tema ‘Kultura, Norma- i Balornan’ komo kontribushon pa e Plan Maestro 2030. E seshonnan di enfoke ta un profundisashon mas aleu di diferente tema importante di e komunidat boneriano. Meta di e seshon aki tabata pa akumulá kontribushonnan konkreto pa e Plan Maestro 2030 di parti di e ‘stakeholder’-nan di e sektor kultural. E seshon kultural aki a tuma lugá parti mainta na Mangazina di Rei kaminda 23 organisashon kultural a bishitá.

DIREKTIVA DI SV ESTRELLAS A ENTREGA RAPÒRT DI DESEONAN DI E KLUP NA DIPUTADONAN DEN HEYER I TJIN ASJOE

Kralendijk – Presidente di SV. Estrellas Nort’i Saliña, Ricardo Alberto i vise presidente Robert Sances den presensia di direktiva a hasi entrega di un rapòrt na e diputadonan Nina den Heyer i Elvis Tjin Asjoe.
Meta di e rapòrt ta pa ilustrá kon e direktiva ke mira e klup na momentu ku kaba restourá esaki. Ta e intenshon ku na momentu ku e klup ta kla ta bai pone aktividatnan deportivo tantu pa grandi komo chikitu pa asina e hóbennan tin kos pa hasi despues di skol òf den fin di siman.

GERENSIA DI CARGILL SALT A BISHITÁ GEZAGHEBBER EDISON RIJNA

Kralendijk – Gerensia di Cargill Salt Bonaire BV a hasi un bishita di kortesia na gezaghebber Edison Rijna. Esaki a tuma lugá djaluna 27 di yanüari. Di parti di Cargill tabata presente Sonya Roberts, Keith Schuessler, i Gary Rimmey. A papia entre otro tokante e posibilidat pa renobá e lease contract di e kompania na Boneiru. Durante e bishita gezaghebber Rijna a regalá e delegashon salu boneriano.

Reunion di Kolegio Ehekutivo di awor en adelante den barionan tambe

Kralendijk - Kolegio Ehekutivo ta tene su reunionnan semanal un biaha pa luna na Antriol, Nikiboko, Nort’i Saliña, Playa, Rincon i Tera Kòrá. Kada biaha un di e barionan aki ta na turno. Resientemente Kolegio Ehekutivo a disidí esaki. Djarason último gezaghèber Edison Rijna i e diputadonan Nina den Heyer, James Kroon i Elvis Tjin Asjoe pa promé biaha a tene nan reunion di gobièrnu na Rincon na e sentro multifunshonal Cocari. Den pousa Kolegio Ehekutivo a bishitá e hende grandinan na Cocari pa skucha nan eksperensianan personal.

ADAPTASHON DI PREIS PA PRODUKTONAN DI KOMBUSTIBEL ENTRANTE 1 DI FEBRUARI 2020 - AANPASSING BRANDSTOFPRIJZEN MET INGANG VAN 1 FEBRUARI 2020

Kralendijk - En konekshon ku kambionan di preis di petroli riba merkado mundial Gobièrnu di Boneiru ta adaptá preisnan di produktonan di kombustibel. E siguiente kambionan di preis di kombustibel lo ta na vigor entrante 1 di febrüari 2020. Gobièrnu di Boneiru ta partisipá ku e adaptashon di preis entrante 1 di febrüari 2020 ta resultá den un subida pa lpg100lbs i 20 lbs. Preis di mogas, kerosin i gasòil ta keda meskos kompará ku luna di yanüari 2020.

E subida pa bòter di gas di 100lbs $1.51 i pa bòter di 20lbs $0.48.

UNICEF NL ta fasilitá reunion tokante vishon pedagógiko

Kralendijk - Riba djabièrnè 17 di yanüari Unicef Hulanda (Unicef NL) a fasilitá un reunion tokante un vishon pedagógiko pa e programa di BES(t) 4 Kids i nan partnernan na Boneiru. Motibu pa e reunion tabata resultadonan i rekomendashonnan den e análisis di situashon di derechonan di mucha na Hulanda Karibense, ku nan a publiká na luna di òktober 2019.

Pagina's

Contact
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik hier voor de contactgegevens van alle diensten van het OLB