Text Size

  • Increase
  • Decrease
  • Normal

Current Size: 100%

Un persona ku Covid-19 na Boneiru - Eén person met Covid-19 op Bonaire

Kralendijk – A detektá un kaso nobo di Covid-19 na Boneiru. Aworakí ta trata di un persona lokal. E persona infektá ta den isolashon i ta monitòr su salú. Ta hasi un investigashon ku ken e persona aki tabatin kontakto pa determiná si e a infektá otronan.
Ta ora a tèst e hendenan ku tabatin keho ku hala rosea, a topa un persona ku tabata infektá. E persona kasi a rekuperá kaba. E ta keda den isolashon te ora e pasa mas ku 24 ora despues ku e a rekuperá. Esnan ku ta biba kuné den kas ta keda den karentena i ta tèst nan.

Boneiru ta un di e kandidatonan pa establesé un ‘Galileo-sensorstation’ - Bonaire is één van de kandidaten voor de vestiging van een Galileo-sensorstation

Kralendijk, 25 di ougùstùs 2020 – Na e momentunan aki un tim di eksplorashon (surveyteam) di e programa oropeo di Galileo bou di guia di ministerio di Infrastruktura i Maneho di Awa (I&W) ta na Boneiru pa un bishita di orientashon. Komishon Oropeo ta buskando un sitio den área karibense ku ta adekuá pa instalashon di un asina yamá ‘sensorstation’ na benefisio di e proyekto di Galileo, ku ta un sistema mundial di nabegashon pa medio di satélite. Den área karibense Boneiru ta un di e kandidatonan.

A yuda mener ku tabata den situashon deplorabel - Hulp geboden aan man in erbarmelijke omstandigheden

Kralendijk - Tin un grabashon ta sirkulá di un mener den un situashon deplorabel. Ya kaba a atendé ku e situashon dor di trahadó sosial i tim di bario konhuntamente ku famia.

Entidat Pٕúbliko Boneiru (EPB) ta konsiente ku sierto grupo ta hasi mal uso di e imágennan aki pa otro metanan. Ke rekordá tur hende riba derechi di privasidat di e persona i su famia. Pa e mesun motibu aki lo no por bai den mas detaye di e kaso spesífiko aki. Instansianan konserní tin atenshon pa e situashon aki i a atendé debidamente.

Hulp geboden aan man in erbarmelijke omstandigheden

GEZAGHEBBER A RISIBÍ BUKI TITULÁ ‘DUNA SHON GRANDI SU HONOR’

Kralendijk – Shurman Kook, pastor i presidente di Iglesia Atventista di 7 Dia di islanan Aruba, Boneiru i Kòrsou, resientemente a publiká un buki titulá “Duna Shon Grandi su Honor”. E buki ta basá riba un mensahe di beibel i ta deskribí historia i kultura di Karibe Hulandes. Pastor Shurman kende ta outor di e buki a entregá gezaghebber Edison Rijna un ehemplar i a duna gezaghebber informashon tokante kontenido di e buki. E motibu ku a publiká e buki ta den kuadro di konmemorashon di 225 aña di e Lucha pa Libertat di 1795 ku a tuma lugá na Kòrsou.

GOBIÈRNU DI BONEIRU TA FELISITÁ IR-SAIS KU SU LOGRONAN RESIEN OPTENÉ - HET BONAIRIAANSE EILANDBESTUUR FELICITEERT IR-SAIS MET ZIJN ONLANGS BEHAALDE SUCCESSEN

Kralendijk - Gobièrnu di Boneiru ta felisitá Irgwin Sluis, mihó konosí komo Ir-Sais nasé na Boneiru ku su logronan optené den eksterior. Ir-Sais a sa di laga papiamentu zona internashonalmente ku hopi éksito.

No a konstatá Covid-19 durante Drive-Thru tèst - Geen Covid-19 aangetroffen bij Drive-Thru testen

Kralendijk – Tur persona ku djamars a tèst djamars durante un Drive-Thru pa wak si nan ta kontaminá ku e vírùs di corona a haña un resultado negativo. Tur e 39 personanan ku a pasa na departamento di Salubridat Públiko a tende ku nan no tin Covid-19.

EPB ta monitoriá situashon na Kòrsou i no ta ekskluí akshon - Het OLB monitort situatie Curaçao en sluit maatregelen niet uit

Kralendijk – Na Kòrsou a konstatá tres kaso di Covid-19 ku ainda no ta konosí di unda e fuente ta desde djaweps último. Na e momento aki ta investigando e posibel fuente i kontaktonan di esnan infektá.
Pa motibu ku tin trafikashon di persona entre Boneiru i Kòrsou ta sigui e vigilá e desaroyo. Si na Kòrsou e kantidat di brote sigui oumentá, Boneiru por disidí di suspendé e asina yama ‘air-bubble’ ku Kòrsou.
Esaki ta nifiká ku e ora ei personanan ku bini for di Kòrsou lo mester bai den karentena na kas.

Het OLB monitort situatie Curaçao en sluit maatregelen niet uit

Biblioteka Públiko a habri bek ku orario nobo - De Openbare Bibliotheek is weer open met nieuwe openingstijden

Kralendijk - Biblioteka Públiko a habri su portanan bek pa públiko ku orarionan nobo. E orarionan nobo ta:

Djaluna 13:00 or – 17:00 or
Djamars 08:00 or – 17:00 or
Djárason 08:00 or – 17:00 or
Djaweps 08:00 or – 17:00 or
Djabièrnè 08:00 or – 16:30 or
Djasabra 08:00 or – 12:00 or
Djadumingu Biblioteka ta será

Bishita Biblioteka Públiko pa lesa ku plaser!  

De Openbare Bibliotheek is weer open met nieuwe openingstijden

TREINEN MILITAR NA DIFERENTE AREA AKI NA BONEIRU - MILITAIRE TRAINING OP VERSCHILLENDE LOKATIES OP BONAIRE

Kralendijk – Entre 24 pa 31 di ougùstùs benidero lo tuma lugá treinen di grupo di militar na Boneiru.

Den kuadro di e mantenimentu di e disponibilidat operashonal di e di trintikuater ehérsito militar di oksidente, nan lo tene ehersisionan aki na Boneiru riba e dianan ariba menshoná.
Meta di esaki ta pa sera konosí ku e areanan di Boneiru, outoridatnan lokal i e servisionan ouksiliar.
Nan lo ehersé algun trabou tambe pa Stichting Project i e monumento di veteranonan.

E unidat lo trein den area di Kralendijk, Rincon, Lagun Hill i Washikemba.

MarkStra Caribbean ta bai formulá Masterplan 2030 - MarkStra Caribbean gaat Masterplan 2030 samenstellen

Kralendijk – Despues di a studia e 20 ofertanan ku nan a risibí pa formulashon di e Masterplan 2030, e komishon independiente di selekshon a traha un preselekshon di 3 kandidato tòp di kua a someté nan oferta na un di dos evaluashon mas den detaye ainda. A base di esei a disidí pa duna e tarea na MarkStra Caribbean.

Pagina's

Contact
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik hier voor de contactgegevens van alle diensten van het OLB