Text Size

  • Increase
  • Decrease
  • Normal

Current Size: 100%

A adaptá ‘ordenansa di emergensia’ riba tres punto - Noodverordening is op drie punten aangepast

Kralendijk – Gezaghèber Rijna a anunsiá un ordenansa di emergensia nobo pa Boneiru. E ordenansa di emergensia di 7 sèptèmber ta kaduká despues ku Konseho Insular no a aprobá esaki.

Ezy i Rudy rekonosé komo siudadano di honor - Ezy en Rudy erkend als ereburgers

Kralendijk – Riba Dia di Boneiru dos persona a risibí rekonosementu komo siudadano di honor. E dia aki ta e oportunidat perfekto pa gradisí nos hendenan pa e trabounan ku nan ta hasi pa komunidat. Den esaki méritonan personal i prestashonnan ku un balor speshal pa komunidat ta para sentral.

Karentena pa esnan ku tabatin kontakto di aserka ku persona ku Covid-19 - Quarantaine voor mensen die in nauw contact zijn geweest met de Covid-19 casus

Kralendijk – A bolbe konstatá un kaso positivo di Covid-19 manera a anunsiá awe mainta. E persona ta na altura. Huntu kuné ta investigando unda e por a keda infektá. Ta nota tur hende ku e persona tabatin kontakto kuné durante e periodo ku e tin síntoma i tambe nèt promé ku e a bira malu. Ta determiná asin’ei si e kontaktonan ta kore riesgo. Na e grupo di riesgo aki ta pertenesé esnan ku ta biba den kas kuné i tambe esnan ku durante último dianan tabatin kontakto di aserka kuné. Ta pidi pa nan bai den karentena komo medida di prevenshon.

Publikashon plan di emergensia konforme lei - Wettelijke verplichte publicatie rampenbestrijdingsplannen

Gezaghèber di Boneiru ta obligá a base di lei i reglanan, pa fihá pa algun sitio i e tereno di aviashon un plan di emergensia.
Ta publiká e siguiente konseptonan di plannan di emergensia:
1. Algemeen deel rampbestrijdingsplan
2. ABC-plan BOPEC
3. ABC-plan CUROIL Hato
4. ABC-plan CUROIL Flamingo Airport
5. ABC-plan Flamingo International Airport

E plannan di emergensia ta disponibel pa públiko den sala di reunion di
Kolegio Ehekutivo na Plasa Reina Wilhelmina 1.

Mas medida pa protehá komunidat di Boneiru kontra vírùs di corona - Strengere maatregelen om Bonaire te beschermen tegen coronavirus

Na Boneiru tin kuater kaso aktivo di Covid-19. Te ainda ta investigando e fuente i ku ken tabatin kontakto. P’esei mester bini ku mas medida.

Kòrsou, Aruba i Sint Maarten

Medida pa bini Boneiru ta drenta na vigor djasabra 5 di sèptèmber - Nieuw maatregelen om vanuit Curaçao naar Bonaire te reizen gaan zaterdag 5 september gelden

Kralendijk – E medidanan ku a anunsiá ku lo bai konta pa bini Boneiru for di Kòrsou lo drenta na vigor entrante djasabra awor 5 di sèptèmber. A pone eksigensia pa biaha pa Boneiru for di Kòrsou awor ku e kantidat di kasonan di Covid-19 ta oumentando. Pa esaki Boneiru ta konsiderá Kòrsou un pais di riesgo haltu.

Supervishon i Mantenshon lo kontrolá severo si ta kumpli ku medidanan di corona - Toezicht & Handhaving controleert strenger op naleving coronamaatregelen

Kralendijk - E situashon nobo rònt di COVID-19 ta obligá nos tur pa ta alerta pa evitá plamamentu di e vírùs di corona. Durante e dianan binidero inspektornan di Direktorado di Supervishon i Mantenshon di Lei lo informá hóreka i komèrsio por menor tokante e situashon nobo. Den e próksimo dianan nan ta bai aserká empresanan i duna nan informashon. E bishitanan aki ta pa konsientisá tur hende tokante importansia di kumplimentu ku e reglanan nobo.

SÈPTÈMBER LUNA DI KOLEKSHON PA ‘PRINSES WILHELMINA FONDS’ - SEPTEMBER COLLECTEMAAND VOOR HET PRINSES WILHELMINA FONDS

Kralendijk – Irma de Graaf-Cicilia i Zinnia Fecunda, dos boluntario aktivo di Fundashon ‘Prinses Wilhelmina Fonds’ dia 1 di sèptèmber den oranan di mèrdia a bishitá gezaghèber Edison Rijna, pa asina gezaghèber por a hasi e promé donashon pa di e manera ei inisiá ofisialmente ku luna di sèptèmber ku ta e luna di kolekshon pa fundashon ‘Prinses Wilhelmina Fonds’. Gezaghèber Rijna despues di a swaip pa hasi su donashon a deseá e fundashon éksito i tambe a ekspresá e speransa ku pa hopi tempu mas nan lo sigui ku e bon trabou ku nan ta hasiendo pa Fundashon ‘Prinses Wilhelmina Fonds’.

Gezaghèber Rijna ta duna un deklarashon awor ku tin un kaso di Covid-19 na Boneiru - Gezaghebber Rijna legt een verklaring af nu er een Covid-19 geval is op Bonaire

Nos mester ta mas kouteloso. Gezaghèber ta deskonsehá pa sigui ku tur aktividat i evento pa protehá salubridat públiko. Despues di wikènt gezaghèber lo evaluá e ordenansa di emergensia. P’esei tene kuenta ku:

- no ta na nos bienestar pa tin aktividatnan deportivo (futbòl/beisbòl/sòftbòl) i rekreativo.
- no ta permití eventonan grandi.
- evitá aglomerashon di hende den un sitio será manera nightclub i diskoteka.
- horeca tin ku mantené nan mes na e reglanan di prevenshon.

A konstatá di dos kaso aktivo di Covid-19 na Boneiru - Weer een actief geval van Covid-19 vastgesteld op Bonaire

Kralendijk – A konstatá un kaso aktivo mas di Covid-19 na Boneiru. Ta trata di un habitante di Boneiru ku algun dia pasa a regresá for di Kòrsou. E persona ku Covid-19 ta den hospital i ta haña tratamentu. E ta den isolashon poniendo asin’ei ku e chèns ta chikitu ku e por infektá un otro persona. Mientrastantu a start ku un investigashon pa haña sa kon e persona aki a keda infektá i tambe pa sa ku ken e tabatin kontakto. Departamento di Salubridat Públiko lo yama e persona ku e pashènt tabatin kontakto kuné. Esnan ku tabatin kontakto mas di aserka kuné ta bai den karentena.

Pagina's

Contact
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik hier voor de contactgegevens van alle diensten van het OLB