Text Size

  • Increase
  • Decrease
  • Normal

Current Size: 100%

#BANBAKUNÁ i #BONBAKUNÁ awor komo kuadro pa profile pic riba op facebook - #BANBAKUNÁ en #BONBAKUNÁ nu als kaders profielfoto op facebook

Kralendijk - Awor por usa e lemanan di bakunashon #BANBAKUNÁ i #BONBAKUNÁ riba facebook komo kuadro pa bo profile pic. Departamento di Komunikashon di Entidat Públiko Boneiru a inventá e lemanan pa e kampaña di bakunashon. A imprimí #BANBAKUNÁ i #BONBAKUNÁ riba tishùrt tambe. #BONBAKUNÁ ta pa e momentu ora hendenan a haña tur dos angua i pues ta ‘bon bakuná’. #BONBAKUNÁ ta un kinipí di wowo pa e hendenan ku a bakuná na Boneiru.

Gerensia i personal di Buddy Dive a bakuná - Management en personeel Buddy Dive gevaccineerd

Kralendijk - Mas òf ménos 50 miembro di gerensia i personal di Buddy Dive a laga bakuná nan mes kolektivamente. Ainda tin aproksimadamente 30 trahadó ku lo bai tuma bakunashon. Ku bista riba siguridat di su trahadónan Buddy Dive a skohe pa den un solo biaha bakuná un grupo grandi, asina mènedjer Steffie Lucas-Van der Valk a duna di konosé. “Nos ta hasié pa siguridat di nos personal i pueblo di Boneiru. I tambe pasobra nos ta spera ku aweró Boneiru por risibí turista atrobe.”

Trabounan urgente di mantenshon riba kaminda alternativo entre Kaya Amsterdam i Kaminda Djabou - Spoedreparatie aan omleidingsweg Kaya Amsterdam i Kaminda Djabou

Kralendijk - Entidat Públiko Boneiru (EPB) ta informá komunidat i spesial outomobilistanan i siklistanan pa tene kuenta ku djárason 7 di aprel trabounan urgente di mantenshon ta tuma lugá riba e kaminda alternativo entre Kaminda Amsterdam i Kaminda Djabou. Mirando e mal estado di e kaminda tin ku drecha esaki urgente. Ta kuminsá traha mainta 7 di aprel na e rotònde na Kaya Amsterdam. Lo duna tráfiko un ruta alternativo ku ta indiká ku bòrchinan. EPB ta pidi komprenshon pa esaki i ta diskulpa pa tur inkombeniensia.

Pakete di kuminda i un buki di klùr pa 700 mucha - Voedselpakketten en een kleurboek voor 700 kinderen

Kralendijk - Stichting ‘Voeding op school Bonaire’ huntu ku Entidat Públiko Boneiru pa di dos biaha a parti pakete di kuminda pa 700 mucha. Klup di servisio Kiwanis a sòru pa den e pakete di kuminda tin un buki di klùr pa e muchanan. Djabièrnè último a entregá e paketenan di kuminda durante un ‘drive-thru’ na SGB. E paketenan ta pa muchanan ku normalmente ta desayuná na skol, pasobra kos ta difísil pa nan na kas. Pa motibu di e lockdown e muchanan akí tabata menasá di no haña nan desayuno, pasobra skol ta será. Djabièrnè binidero ta parti e paketenan di kuminda pa delaster biaha.

Karentena sentral i tèst di PCR na Boneiru pa pasaheronan Amérika Latino i otro pais - Centrale quarantaine en PCR test op Bonaire voor passagiers Latijns Amerika en andere landen

Kralendijk - For di 8 di aprel 2021 biaheronan for di Amérika Latino i e otro paisnan ku tin un prohibishon di buelo pa Boneiru, ta bai 10 dia den karentena sentral riba propio gastu ora nan yega nos isla. Esei ta sosodé na lugánan sentral ku gezaghèber Edison Rijna a apuntá. Muchanan te 13 aña ku ta biaha huntu ku adulto, tambe mester bai den karentena. Sinku dia despues di yegada, biaheronan den karentena por hasi un tèst di PCR riba propio gastu, muchanan te 13 aña no tin nodi di hasi esei. Mester manda e resultado di tèst pa e departamento di Salubridat Públiko.

Boneiru ta haña bakuna èkstra pa ehekushon aselerá di e skema di bakunashon - Bonaire krijgt extra vaccins voor versneld uitvoeren vaccinatieschema

Kralendijk - E kantidat di infekshon na Boneiru ta oumentando alarmantemente rápido i ta okashoná preshon grandi riba kapasidat limitá di kuido na nos isla. Pa e motibu akí ta aselerá ritmo di e skema di bakunashon na Boneiru. Riba djamars 23 di mart 11.700 bakuna di BioNTech/Pfizer a yega nos isla for di Hulanda. Esaki ta inkluso e di tres lote di e 2340 bakuna pa personal di kuido i hendenan di 60 aña bai ariba ku nan a primintí anteriormente.

Kolegio Ehekutivo ta otorgá krédito pa finansiá gastunan diario na kurátòr di BOPEC pa salbaguardiá siguridat - Bestuurscollege verstrekt boedelkrediet aan curator BOPEC om veiligheid te waarborgen

Kralendijk – Kolegio Ehekutivo a disidí pa otorgá un krédito pa finansiá gastunan diario na kurátòr di e kompania BOPEC ku siman pasá korte a deklará fayit. E desishon aki ta hasi posibel pa den e temporada binidero sòru pa siguridat riba tereno di e kompania i monitoriá e instalashonnan.

Awor mas tantu posibel enseñansa riba distansia -

Kralendijk - Durante e lockdown di 18 di mart 2021 te ku promé di aprel 2021 ta duna enseñansa mas tantu posibel riba distansia. Dosentenan por duna alumnonan lès digitalmente for di skol. Nan mester paga tinu pa den pousa tene nan mes bon na e reglanan di corona. Alumnonan di klasnan di eksámen por haña lès na skol ainda. Ta duna lès na skol pa muchanan vulnerabel òf yunan di mayornan ku funshon krítiko. Lèsnan di práktika por sigui na skol.

Gobièrnu di Boneiru ta lansa enkuesta pa determiná impakto di COVID-19 riba empresanan na nos isla - Het Openbaar Lichaam Bonaire lanceert enquête om impact van COVID-19 op bedrijven vast te stellen

Kralendijk, Boneiru – Entidat Públiko Boneiru i Kámara di Komèrsio Boneiru ta lansa un enkuesta pa yuda evaluá, midi i analisá e konsekuensianan negativo di e krísis di COVID-19 pa empresanan. Ta bai usa e enkuesta aki pa un Evaluashon Di Nesesidat Despues Di Desaster (Post-Disaster Needs Assessment - PDNA) mas amplio, den kua ta deskribí e konsekuensianan sosial i ekonómiko di e pandemia pa Boneiru i den kua ta duna guia mas aleu na fitbèk i planifikashon di rekuperashon di gobièrnu.

Entidat Públiko Boneiru ta apoyá trahadónan sosial riba nan dia - Het OLB bedankt maatschappelijk werkers op hun dag

Kralendijk - 16 di mart 2021 ta Dia Mundial di Trabou Sosial.
Trahadónan den e área sosial dia aden i dia afó ta duna tur di nan parti pa tur siudadano por desaroyá nan mes i partisipá den nos komunidat. Hopi biaha esei ta tuma lugá lubidando riba nan otro responsabilidatnan. E trabou sosial ta un trabou di hopi dedikashon, pasenshi, komprenshon i amor pa nos próhimo.
E pandemia di Covid akí a demostrá aun mas e importansia di trabou sosial kaminda profeshonalnan ta hasi lo máksimo pa yuda esnan mas vulnerabel den nos komunidat.

Pagina's

Contact
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik hier voor de contactgegevens van alle diensten van het OLB