A base di un kantidat grandi di artefakto di uso na kas manera muebel, artefaktonan di uso, kuadro i foto i kolekshon di kaska di kokolishi, por sera konosí ku e pasado di Boneiru. A instituí Museo Boneiru na 1978 riba inisiativa di Frans Booi, hefe e tempu ei di Departamentu di Kultura di Teritorio Insular di Boneiru. Hopi siudadano boneriano a hasi donashon di pida di nan kolekshon privá na Museo. Na 1988 a tuma lugá e apertura ofisial di Museo Boneiru. E museo ta situá den un edifisio di aña 1885, konstruí den estilo típiko lokal di lanthùis ku konstrukshonnan na banda. E kaya den kua e museo ta situá, ta yamá na Julio van der Ree, habitante ántes di e edifisio.

Museum Bonaire

Kaya Jan N.E. Craane 34
Telefon  + 599 717- 8868