Text Size

Font size:  
  • Increase
  • Decrease
  • Normal

Current Size: 100%

Boneiru konosé ainda algun edifisio ku e arkitektura tradishonal for di 1830-1930. Edifisionan hel di pleister di piedra natural, hopi bia un piso ku dak. Na Playa, rondó di Parke Wilhelmina, tin e dos edifisionan di dos piso, esun di e anterior kas di gezaghebber (1827) awor Ofisina Prinsipal di Gobernashon, ku su tras Fort Oranje ku e faro (1932), Kèrki Protestant di 1847, Pasanggrahan (ehèmpel di un kas di kaha) ku wòldak, rondoná ku leshi, konstruí den kareda di 1890 i e plasa di piská di 1935.

Sùit di Kralendijk tin e saliñanan di salu, kòrá, blanku, blou i oranje, ku obelisknan di koló korespondiente na e diferente saliñanan, kasnan di bomba dor di segundo kuart di siglo 18 i kasnan di katibu. Na final di e kosta sùit (tras di e kasnan di flamingo) tin Willemstoren di 1837/1838, konstruí den forma di un kolumna rondó. Na Rincon, e bario mas bieu i pariba di Kralendijk, na Nort Saliña, Antriol, Nikiboko i Tera Kòrá, ainda por mira kasnan ku un espasio ariba simétriko ku daknan di sia, ku na banda un òf mas konstrukshon ku un pida ku kushina na e parti final, e asina yamá kas di hala. 

Aki aya na Boneiru ainda por mira ehèmpelnan di e kas di bara, kas trahá ku taki i klei ku dak di maishi. E variante di piedra ta e kas di piedra ku tin mesun bista.