Text Size

Font size:  
  • Increase
  • Decrease
  • Normal

Current Size: 100%

Teambuilding Sekshon di Asuntunan Sosial i di Labor konhuntamente ku nan sosionan

 
Kralendijk 13-02-2013 For di yüli 2011 Direktorado Komunidat i Kuido sekshon di Asuntunan Sosial i Labor (anteriormente DEZA sekshon di Labor i SASO) a skohe pa huntu ku su sosionan kuminsá ku un reunion struktural. Di e forma aki yega na un mihó kolaborashon ku otro hasiendo uso di otro su ekspertisio.

KURSO PA MANTENSHON I SUPERVISHON

 
Kralendijk 11-02-2013 Djaluna último Direktorado Mantenshon i Supervishon di Òrdu (sekshon di Kòntròl) a haña un training “Basis kennis motrologie Water meting” (Konosementu Básiko di midi, kontrolá / kalibrá meter di awa.
E training ta duná pa sr. Grabel van der Burg Senior Consultant di e kompania ulandes, Brinck Meter Consultancy Services.  

GOBERNADOR DI SINT MAARTEN A BISHITA BONEIRU

 
Kralendijk 11-02-2013 Resientemente Gobernador di Sint Maarten sr. Eugene B. Holiday tabata di bishita na Boneiru. Huntu ku Gobernador a biaha tambe su adjudant luietenant Bastiaan Bolt i e Direkteur di e Kabinet di Gobernador di sint Maarten sr. Andre Hoeneveld.
 
Tabata un bishita di orientashon, interkambio riba diferente area.
Den oranan di mainta Gobernador a hiba kombersashon ku Dennis Aarts kende ta sekretaria di Rijksvertegenwoordiger ku a representá sr. Wilbert Stolte ku no tabata na Boneiru.

PROME BISHITA DI E KRUSERO QUEEN ELIZABETH

 
Kralendijk – Djaweps último e barku krusero Queen Elizabeth a hasi su promé bishita aki na Boneiru. Manera semper ta e kaso den promé bishita di kualke barku krusero, tin un momentu ku representante di gobièrnu, turismo i di haf ta hasi nan bishita ofishal den kua ta interkambiá di bandera i plakat.
Pa e okashon aki gezaghebber sra. Emerencia a hasi entrega di bandera di Boneiru.

SERVISIO DI KULTURA ARTE I LITERATURA DEN EDIFISIO NOBO

Den edifisio kaminda ántes tabata Kas di Arte
 

ENTRANTE 13 DI FEBRUARI POR KUMINSA PAGA NUMBER DI OUTO

 
Ku introdukshon di un diseño nobo pa plachi di number
 
Kralendijk – Entrante 13 di febrüari 2013 tin e posibilidat pa kuminsá hasi pagonan di impuesto pa vehíkulonan di motor. Esaki mester sosodé na kantor di belasting den Centrum Gebied Kralendijk durante di oranan di ofisina.
Pa e loke ta trata e plachi di number, gobièrnu di Boneiru a laga traha un diseño nobo, pa plachinan di number ku porsierto ta un bunita kreashon.

GOBIERNU TA REAKSHONA RIBA KAMBIO DI PAKETE DI KUIDO

 
Kralendijk – Gobièrnu di Boneiru a manda un karta pa Minister di Salubridat, Siensia i Deporte sra. Edith Schippers atraves di Representante di Reino,  reakshonando riba e kambionan pa loke ta trata e pakete di kuido.
 
Ta asina ku den e korant di Estado di 21 di desèmber 2012 e kambionan a wòrdu publiká i a drenta na vigor promé di yanüari 2013.
Gobièrnu di Boneiru ta kere ku Hulanda lo ta di mesun opinion ku e tèrmino pa prepará esaki den 10 dia inkluyendo dianan di fiesta no ta sufisiente pa esnan konserní ku ta duna kuido ni e pashèntnan.
 

DJADUMINGU GRUPO DI MASKARADA NA SENTRO DI BARIO RINCON

Diputado enkargá kultura ta invitá pa Dia di Tres Rei
 
Kralendijk 04-01-2013 – Djadumingu 6 di yanüari 2013, Grupo di Maskarada ta duna presentashon den barionan manera ta e kustumber. E tradishon ta e promé dia di aña i tambe dia 6 di yanüari ku ta dia di Tres Rei.

DIPUTADO KROON NA PONEMENTU DI E POSTE DI LUS DEN KAYA

 
 
Kralendijk 05-01-2013 – Djabièrnè dia 4 di yanüari último den oranan di mainta diputado di Infrastruktura sr. Pablo “James” Kroon konhuntamente ku DROB  a laga pone e promé poste di lus den kaya Grandi na altura di TCB (Tourism Corporation Bonaire).
Ta asina ku a yega e momentu pa remplasá e poste di lusnan aktual . ta trata di algun poste di lusnan ku durashon mas largu i alabes nan ta konstruí di un manera ku malechornan no por kibra esakinan. E kompania ku ta enkargá pa entregá i pone e lusnan ta e kompania lokal Hitess NV.

GOBIERNU KU OPSEKIO PA BEIBINAN DI AÑA

 
Kralendijk 04-01-2013 - Djaweps 4 di yanüari 2013 Diputado Silvana serfilia na nòmber di Gobièrnu di Boneiru a hasi entreg’é di dos makutu ku produktonan di beibi na e dos beibinan di aña. Ta trata aki di un par di ohochi mucha hòmber.
Diputado Silvana a felisitá e mama i tata ku e bunita bendishon di Dios aki. I a deseá e mayornan hopi pasenshi i sabiduria den kuido di e beibinan i alabes den nan edukashon tambe. Diputado a primintí di lo sigui monitor kon e desaroyo di e beibinan i nan kuido ta kanando.

Pages