Text Size

Font size:  
  • Increase
  • Decrease
  • Normal

Current Size: 100%

ECHO TA PLANTA PALU SKARS

Kralendijk, 10 juli 2017. Fundashon Echo den koperashon ku Entidat Públiko Boneiru, a kuminsá ku e preparashon di un proyekto nobo di replantashon di palu den e vaye Roi Sangu. E preparashon ta konsistí di seramentu di e vaye kompleto, meskos tambe e mantenshon i ekspanshon di e rutanan di kanamentu aktual.

Advertentie Beleidsadviseur C P&O

GRADUASHON DI STINAPA JUNIOR RANGERS

Kralendijk, Un total di trintidos Junior Rangers Stinapa Boneiru a risibí nan sertifikado djabièrnè último. E hóbennan aki a sigui diferente lès di entre otro di nos naturalesa, sambuya, leinan ku tin pa kon protehá tantu riba tera komo bou di laman.

‘’NOS BONERIANONAN TAMBE SA KON PA GOSA”

SANTIAGO DE CUBA – “Esaki ta mi promé bishita na Santiago i mi a skohe e periodo perfekto pa konosé Cuba, esta den un ambiente kultural festivo i hopi ameno. Igual ku e santiagueronan, nos bonerianonan sa kon pa gosa. Huntu nos lo bai krea un ‘dushi ambiente’, manera nos ta bisa na Boneiru”, segun gezaghebber Edison Rijna den un konferensiá di prensa e siman aki na Santiago de Cuba. 

BONEIRU TIN UN TAYER EKSITOSO DI KOMBATIMENTU DI DESASTER TRAS DI LOMBA

Kralendijk – Dia 5 i 6 di yüli a tuma lugá na Sint Maarten un tayer di kombatimentu di desaster i kontròl di krisis pa Hulanda Karibense. Rijkswaterstaat a organisá e tayer aki. Boneiru, Sint Eustatius i Saba i e kordinadó di desaster di Sint Maarten tabata presente na esaki. 

 

Kubanonan a siña konosé platonan boneriano

Delegashon di gobièrnu a topa outoridatnan kubano

SANTIAGO DE CUBA – E delegashon di gobièrnu di Boneiru ku ta bishitando Cuba e siman aki, den kuadro di ‘Festival del Caribe’ a topa tambe den un akto protokolar ku outoridatnan di e siudat Santiago, na unda e festival aki ta tuma lugá. E invitado por a sera konosí na e okashon ei ku platonan típiko boneriano pa loke ta nan forma di preparashon.

KULTURA I NATURALESA TIN PRIORIDAT HALTU

SANTIAGO DE CUBA – “Komo diputado di asuntunan sosial i kultural di Boneiru, ta un privilegio di ta den Festival del Caribe. Boneiru ta un isla chikitu den Caribe. Tambe e ta un munisipio spesial di Hulanda desde 10 di òktober 2010.” Esaki diputado Nina den Heyer a bisa den un konferensiá di prensa djaluna mainta. E mandatario a bisa ku situá pegá ku kosta di Venezuela i pegá ku su islanan ruman Aruba i Kòrsou, Boneiru ta un isla spesial i úniko. “Manera su himno ta bisa: hende humilde, pero ku hopi amor pa nan isla.

WATAPANA TA HABRI E RUEDA DI PRENSA DEDIKÁ NA BONEIRU

Santiago de Cuba  

Kralendijk, Dia 3 di yüli a dediká e promé rueda di prensa ofisial di e festival na e isla di Boneiru. Prensa lokal i prensa internashonal tabata presente na e rueda di prensa. Na e okashon aki Grupo Watapana tabatin e oportunidat pa habri e rueda di prensa ku músika krioyo boneriano. Gezaghebber sr. Edison Rijna i diputado di kultura sra. Nina den Heyer a dirigí palabra na e prensa.

Na final di e rueda di Prensa diputado Nina den Heyer a invitá tur presente pa lanta para i wapa huntu ku nan.

Kolokionan a hasi impreshon na Cuba

Boneiru pionero den konservashon di naturalesa

SANTIAGO DE CUBA – E isla Boneiru ta pionero riba tereno di protekshon i konservashon di naturalesa. E mensahe aki Paulo Bertuol a manda djamars mainta durante e promé dia ku a presentá kolokionan den kuadro di ‘Festival del Caribe’. E tabata e promé orador di Boneiru. E personanan ku a biaha den e delegashon boneriano pa Santiago de Cuba pa duna kolokio (charla) riba tereno di historia, kultura i naturalesa tabata Sedney Marten, Bob Harms, Paulo Bertuol di STINAPA i Bòi Antoin di FuHiKuBo.

SELEKSHON FUTBÒL FEMENINO A RISIBÍ PIN I TAS SERKA DIPUTADO DI DEPORTE ROLANDA HELLBURG- MAKAAI

Kralendijk, Siman pasa a tuma lugá un torneo di futbòl femenino na Sint Maarten ku partisipashon di Aruba, Boneiru, Kòrsou i st. Maarten. Boneiru a sali na di tres lugá. 

Pages