Text Size

Font size:  
  • Increase
  • Decrease
  • Normal

Current Size: 100%

BISHITA DI GEZAGHEBBER NA FUNDASHON KUIDO PA BISTA I OIDO

Kralendijk— Dia 29 di sèptèmber último gezaghèber Edison Rijna a bishitá Fundashon Kuido pa Bista i Oido FKBO. Durante e bishita sr. Rijna a haña un splikashon amplio di e trabounan ku FKBO ta ehersé den komunidat Boneriano. For di promé di òktober 2010 kuido pa personanan ku defisiensia visual òf ouditivo a keda inkorporá ofisialmente den e lei ku ta akapará tur e kuido ku un persona ku un òf otro defisiensia por risibí na islanan BES.

KÒNSEL MERIKANO STASHONÁ NA KÒRSOU A BISHITA BONEIRU

Kralendijk—Resientemente e kònsel merikano stashoná na Kòrsou sr. James Moore i e Desk Officer for the Dutch Caribbean mr. Thomas Radke a  hasi un bishitá di trabou na Boneiru.

ISABELLA A REUNI KU GOBIÈRNU DI BONEIRU OFISIALMENTE

Kralendijk—Resientemente e representante di reino sr. Gilbert Isabella a reuní ku gobièrnu di Boneiru pa promé bia. Na e okashon sr. Isabella a informá gobièrnu di e plannan i di su trabounan kiko por spera di dje komo representante di reino. Gobièrnu di Boneiru tambe di su banda a informá e representante di reino di plannan di futuro i a deseá pa un bon koperashon di trabou. E promé reunion di e representante di reino i gobièrnu di Boneiru ta hopi optimista pa e bon relashon di trabou ku ta bai tin entre representante di reino i gobièrnu di Boneiru.

ENTIDAT PÚBLIKO TA KONTINUÁ KU E PROYEKTO DI BURIKU

Kralendijk – Kolegio Ehekutivo di Entidat Públiko Boneiru no ta mira ningun motibu pa para of kambia e proyekto enkuanto buriku, ku ya a inisiá. Na kuminsamentu di aprel kolegio insular, pa medio di un moshon a instruí Kolegio Ehekutivo pa revisá e proyekto di buriku i drenta den konsulta ku ekspertonan riba e tereno aki. Esaki a base di opheshon di “The Citizens for a Better, Safer and Animal Friendly Bonaire”. 
 

SEIS EMPLEADONAN DI DIREKTORADO DI SUPERVISHON I MANTENSHON I LEI HAÑA NAN SERTIFIKADO DI RIJEXAMINATOR

Kralendijk - Resientemente seis (6) empleado di Direktorado di Supervishon i Mantenshon i Lei haña nan sertifikado di Rijexaminator. T’asina ku na kuminsamentu di yüni 2014 Ofisina di reibeweis a kuminsá ku e kurso Rijexaminator pa tur e personal di e ofisina i kolaboradornan di e ofisina di reibeweis.
Total 8 kolega a partisipá.
 
Di e 8 nan 6 a terminá ku éksito i nan ta lo siguiente:
1.    Frans Irvin,
2.    Celestijn Elvio,
3.    Maria Coffie-Molina,
4.    Martis Coraline,
5.    Emerenciana Richendel,
6.    Soliano Lionel

FRENCEL ELVIO MARIA CELESTIJN A KUMPLI 30 AÑA DI SERVISIO DEN GOBIÈRNU

Kralendijk - Djabièrnè siman pasá sr. Elvio Francel Maria Celestijn a kumpli 30  aña den servisio di gobièrnu di Boneiru. Aktualmente sr. Celestijn ta empleá na Direktorado di Supervishon i Mantenshon i Lei sekshon di reibeweis. E selebrashon a tumá lugá djabièrnè dia 5 di sèptèmber na Playa Pabou na kas di De Mey.  
 

GEZAGHÈBER RIJNA A HASI DONASHON NA FKBO

Kralendijk - Fundashon Kuido pa Bista i Oido pa 3 aña ta aktivo den komunidat boneriano, dunando kuido i guia na personanan ku defisiensia visual i ouditivo.
Meta di e Fundashon Kuido di Bista i Oido “FKBO” ta pa e personanan ku defisiensia ku bista i oido por  integrá den komunidat i ta independiente apesar di nan defisiensia.
 
Sèptèmber ta luna di kolèkt pa FKBO i djaluna mainta dos miembro di e fundashon a bishita gezaghèber di Boneiru sr. Edison Rijna pa informá sr. Rijna di nan kampaña ku a inisiá e kampaña di kolèkt pa luna di sèptèmber.
 

GEZAGHÈBER INTERINO JAMES KROON NA NÒMBER DI REI WILLEM ALEXENDER A HASI ENTREGA DI MEDAYA DI REKUERDO

Kralendijk—Djabièrnè 29 di ougùstùs último tabata tin e entrega di e medaya di rekuerdo di bishita di pareha real na Hulanda karibense di 16 di novèmber 2013. 
 
Sinkuenta (50) medaya a  keda otorgá na diferente persona i instansia ku a duna un aporte grandi na e bishita di pareha real. Danki na nan aporte entre otro e bishita tabata unu exitoso.
 
E diferente organisashon nan ku tabata den e programa di e bishita di su mahestat Rei Willem Alexander i Reina Maxima a haña e rekonosimentu pa medio di un medaya.

KAMPAÑA LUNA DI BUZON DI STICHTING PRENSÈS WILHELIMINA FONDS BONAIRE A KUMINSÁ

Kralendijk—Stichting Prensès Wilhelmina Fonds Boneiru ‘SPWFB´ a drenta e luna kaminda nan  ta kuminsá ku nan tradishonal kampaña di “luna di Buzon” kaminda pueblo boneriano por hasi donashon na Stichting Prensès Wilhelmina Fonds Bonaire pa asina e organisashon por sigui yuda personanan ku ta sufri di e malesa kanser aki na Boneiru.
 
E aña aki ta último aña ku sra. Morela Wanner ta bishita gezaghèber di Boneiru komo ku e ta bai baha komo presidente despues di dies aña i asina pa un presidente nobo ku dentro di poko lo keda anunsiá pa e organisashon.    
 

EKSITOSO KONFERENSIA RIBA MERKADEO DEN TURISMO

Kralendijk—Djamars mainta a tuma lugá un reunion di merkadeo den e sektor turístiko na Hotèl Habitat, kaminda tabatin diferente partnernan envolví ku turismo di Boneiru. Na e okashon aki diputado enkargá ku turismo sr. Edsel Winklaar tabata presente i a hasi apertura ofisial di e konferensha. Winklaar, mi ta kontentu di mira hopi di bosonan e mainta aki pa mi por yama bosonan bon bini aki na e apertura di e reunionnan di merkadeo, ku ta sumamente importante den e sektor turístiko di Boneiru.
 

Pages