Text Size

Font size:  
  • Increase
  • Decrease
  • Normal

Current Size: 100%

DIREKTORADO DI R&O A KONTINUÁ KU WORKSHOP DI ESPASIO I DESAROYO

Kralendijk 29-05-2013 - Djamars 28 di mei 2013 a tuma lugá kontinuashon di reunion di e plan di desaroyo di zona rural - het plattelands ontwikkelingplan (POP)- Durante 2012 a tene tayer ku kunukeronan, protektornan di naturalesa,organisashonnan den e área di rekreashon  i diseñadónan di maneho. E tayernan tabata un éksito rotundo pa e motibu ku hopi idea, salí for di hendenan di e isla, pa un desaroyo konkreto di agrikultura na Bonaire a bini dilanti .
 

ENTREGA DI SERTIFIKADO DI HULANDES NA EMPLEADONAN DI ENTIDAT PÚBLIKO

Kralendijk 28-05-2013 - Vários ámtenar di OLB ta tumando algun kurso pa alsa nan nivel di ulandes i di kòmpiuter pa asina por desplegá un mihó trabou na komunidat boneriano.
 
N’e momentunan aki mes tin kurso di ulandes ta tumando lugá pa vários ámtenarnan di Entidat Públiko Boneiru.
 
Resientemente  diferente ámtenar a logra optené nan sertifikado.
 
 
Foto nan ta mustra momentu ku esunan responsabel pa e kurso ta hasi entrega di e sertifikadonan n’e partisipantenan resientemente.

TRES PERSONA RISIBÍ SERTIFIKADO PROSEDURA PA NATURALISASHON

Kralendijk 28-05-2013 - Resientemente gezaghèber dr. Lydia Emerencia a hasi entrega di sertifikado pa e proseso di Naturalisashon (Regeling Naturalisatietoets Openbare Lichamen Bonaire, Sint Eustatius en Saba 2011), na sra. Ruchella Yvette van Eijk- Ligeon, sr. Luis I. Gorrin Molina i sr. Bonny Wu Zheng.
 
Ku e sertifikado aki e prosedura pa haña suidadania Hulandes di e persona ariba menshoná por kuminsá ku e trámite pa haña nashonalidat Hulandes.
 
T’asina segun lei tur suidadano stranhero bibá na Boneiru, Saba i Sint Eustatius por apliká pa naturalisashon.

GEZAGHEBBER A BISHITA MANGAZINA DI REI PA SERA KONOSÍ KU E PROYEKTO DI MANGAZINA DI REI

 
Kralendijk 24-05-2013 - Resientemente gezaghèber, dr. Lydia Emerencia, a bishita e organisashon Mangazina di Rei. E bishita aki ta den e kuadro pa sera konosí ku proyekto ku ta andando pa algun aña kaba na Mangazina di Rei. Ta trata aki di e proyekto di museo na aire liber i entrenamentu i formashon di hóbennan. Gezaghèber Emerencia ta bishitá i sera konosí ku tur organisashonnan sosial, kultural den nos komunidat.
 

UN SUIDADANO MAS A RISIBÍ SERTIFIKADO DI NATURALISASHON

 
Kralendijk 21-05-2013 - Djamars 2i di mei, gezaghèber dr. Lydia Emerencia a hasi entrega di e sertifikado pa e proseso di Naturalisashon na srta. Emma Daniela Sanchez.
 
Ku e sertifikado aki e prosedura pa haña suidadania Hulandes di e persona ariba menshoná por kuminsá ku e trámite pa haña nashonalidat Hulandes.
 
T’asina segun lei tur suidadano stranhero bibá na Boneiru, Saba i Sint Eustatius por apliká pa naturalisashon.
 

DIVERSIDAT KULTURAL, KLAVE PA DESAROYO

 
Kralendijk – 20-05-2013- E dia Mundial di Diversidat kultural pa Diálogo i desaroyo, proklamá pa e Asamblea General di Nashonnan Uni den desèmber 2002 i selebrá riba 21 di mei, tin komo ophetivo duna oportunidat pa mobilisá den tur e áreanan impliká (gobièrnu, mandatarionan, NGO’s, profeshonalnan den kultura, etc) pa promové kultura den tur su diversidat i formanan manera patrimonio material i inmaterial, industria kreativo i servisionan.

GEZAGHÈBER EMERENCIA A INSTALÁ KOMISHON BISHITA REI WILLEM ALEXANDER

Kralendijk  14-03-2013 - Resientemente gezaghèber dr. Lydia Emerencia a instalá un komishon den kuadro di e bishita di su Mahestat Rei Willem Alexander i Reina Maxima. E komishon aki tin komo tarea pa tuma enkargo di tur lokual ta trata e preparashonnan relashoná ku e bishita aki.
Ta asina ku e pareha Real lo ta di bishita den luna di November 2013 di 12 pa 24 di november 2013 na e islanan di Hulanda Karibense. Loke ta e fecha eksakto pa e bishita na Boneiru, esaki lo wordu anunsiá den kurso di e simannan binidero.

BONEIRU A HAÑA DIESDOS (12) HULANDES NOBO KU A NATURALISÁ

 
Kralendijk 14-05-2013 - Resientemente Reino Hulandes a haña 12 suidadano nobo na Boneiru. Gezaghèber dr. Lydia Emerencia a hasi entregá na e personanan ku a hasi petishon pa suidadano ulandes nan prueba di naturalisashon komo hulandes.
 
Esaki a tuma lugá resientemente den sala di Konseho Insular na Playa Pariba. 
 

BONEIRU HOPI SATISFECHO KU KONFERENSIA KOMERSIAL NA ARUBA

 
Kralendijk, 13 di mei 2013 – Siman pasá tabatin un konferensha komersial grandi na hermana isla Aruba. E konferensia  a karga e nòmber na ingles ku ta “Europe Meets America”. Na e konferensha aki a partisipá tur e embahadanan di Reino Hulandes na e kontinente Amérika. E konferensha a konta ku partisipashon di diferente eks Minister di Hulanda, entre otro tabatin un charla hopi elokuente di eks promé Minister di Hulanda, sr. Jan Peter Balkenende.
 

KONSULTA KU HÓBENNAN DI BONEIRU

 
Kralendijk 14-05-2013 - Resientemente diputado sra. Silvana Janga-Serfilia huntu direktorado di Komunidat i Kuido a organisá un atardi di konsulta ku hóbennan di Boneiru. Direktorado di Komunidat i Kuido ta enkargá ku entre otro e maneho hubenil i den kuadro aki e direktorado a organisá un enkuentro ku hóbennan titulá “Konsulta ku Hóbennan”.
 

Pages