Text Size

Font size:  
  • Increase
  • Decrease
  • Normal

Current Size: 100%

TORNEO DI FUTBÒL 7 MEKS DI BARIO KONTRA BARIO A RANKA SALI

Kralendijk – Djarason atardi den stadion Antonio Trenidat na Rincon e torneo di futbòl bario kontra bario organisá pa Indebon a ranka sali. E promé partido a bai entre Universo1 i Antriol. Universo1 a gana Antriol ku e skor di 8 pa 2. Pa Universo1 e hóben Jemuelson Melaan a anotá kuater gol, Withdy Charles a sòru pa buta tres gol riba su nòmber i Rojaiaro Graanoogst a hinka un gol. Pa e ekipo di Antriol Rohanselo a skor e dos golnan. Di dos partido tabata entre Nòrt’i Saliña i Rincon. Rincon a gana Nort’i Saliña ku e skor di 7 pa 1.

OFISINA SENTRAL DI BODE RENOBÁ

Kralendijk – Karel Boekhoudt, e empleado ku mas aña di servisio komo bode na e departamentu pa Asuntunan Fasilitario, huntu ku diputado Hubert Martis a habri  porta di e ofisina sentral pa bode despues ku esaki a haña un remodelashon. Sra. Lucrecia Martis hefe di servisio di Asuntunan Fasilitario di gobièrnu di Boneiru a trese dilanti ku e manera ku e lugá di bo trabou ta lusi tin hopi influensia riba produktividat di un servisio. Bodenan a bai treinen i kursonan pa mehorá produktividat i hisa kalidat di nan servisio loke tabata un prioridat. Sra.

INDEBON TA BAI RANKA SALI KU TORNEO DI FUTBÒL 7 MEKS DI BARIO KONTRA BARIO.

Kralendijk – Djarason 24 di yanüari 2018 Indebon ta bai kuminsá ku un torneo di futbòl 7 meks di bario kontra bario. E torneo ta un di e torneonan di Deporte di Bario ku Indebon ta organisá e aña aki pa e bario nan. Sr. Peter Silberie hefe di Indebon ta hasi un yamada na tur mucha hòmber i mucha muhé di edat entre 8 pa 12 aña pa partisipá na e torneo. E weganan ta tuma lugá riba djarason i djabièrnè. Riba djarason e weganan ta den Stadion Antonio Trenidat na Rincon i djabièrnè den Stadion di Playa. E orario ta di 3’or di tramèrdia pa 5’or di atardi.

TA BUSKA BOLUNTARIO PA KONTA LORA

Kralendijk - Fundashon Echo ta pidi ayudo di komunidat pa e kontamentu anual di lora. E evento aki ta tuma lugá den oranan tempran di mainta di djasabra 27 di yanüari. Ta organisá un reunion di informashon i instrukshon pa tur boluntario nobo i esunnan interesá.
 

ECHO TA PLANTA MAS PALU

Kralendijk - Wikènt pasá ku ayudo di mas ku 50 boluntario fundashon Echo a planta mas ku 800 palu. Entre e boluntarionan tabatin e Junior Rangernan di STINAPA  i un tim di Tourism Corporation Bonaire. Den e vaye di Roi Sangu nan a planta prinsipalmente tiponan di palu endémiko raro. Fondonan di e programa di BEST 2.0 di Union Oropeo a finansiá e plantamentu.
 

SUPERVISHON ESTRIKTO RIBA REKREANTE NA PARTI SÙIT DI BONEIRU

Kralendijk - Entidat Públiko Boneiru, STINAPA i Cargill Salt Bonaire den konsulta ku TCB ta bai mantené e reglanan pa áreanan di naturalesa na parti sùit di Boneiru estriktamente. Mas i mas rekreante ta kometé infrakshon kontra e reglanan.
 

KUERPO DI BOMBERO BONEIRU A HAÑA CRASHTENDER NOBO

Kralendijk –Djaluna último Kuerpo di Bombero Boneiru den presensia di minister di Hustisia i Seguridat di Hulanda sr. Ferdinand Grapperhaus  i gezaghèber Edison Rijna i invitadonan a presentá e crashtender nobo CT 16-04. E crashtender tin un kapasidat di karga 12.500 liter di awa i 1500 liter di skuma pa paga kandela.

MINISTER DI HUSTISIA HULANDES DI BISHITA SERKA GEZAGHEBBER EDISON RIJNA

Kralendijk – Djaluna den oranan di mainta Minister di Hustisia i Seguridat di Hulanda sr Ferdinand Grapperhaus a realisá un bishita di sera konosí serka gezaghèber sr. Edison Rijna den presensia di hefe di kabinèt sr. Bert te Hennepe i sekretaria di kabinèt sra. Joyce van der Mark. E minister tabata kompañá pa hefe di Relashon- i Proyektonan Internashonal Arjen Taselaar, ofisial di enlase Gert Bogers i Yvonne Wichers, hefe suplente di e departamentu di informashon na prensa. 

PRESIDENTE DI EERSTE I TWEEDE KAMER DI BISHITA NA BONEIRU

Kralendijk – Djaweps den oranan di mainta e ‘cutter’ di wardakosta ‘Jaguar’ a yega Boneiru ku un delegashon hulandes konsistiendo di presidente di Eerste Kamer sra Ankie Broekers-Knol i sra Khadija Arib kende ta presidente di Tweede Kamer.  Nan tabata kompañá pa nan grefirnan Geert-Jan Hamilton i Tim de Lange. Gezaghèber Edison Rijna huntu ku Representante di Reino interino Jan Helmond a risibí e delegashon na waf Chiku Mercelina yamando nan bonbiní na Boneiru.

Oproep Eilandsraad 16 januari 2018

Pages