Text Size

Font size:  
  • Increase
  • Decrease
  • Normal

Current Size: 100%

Diputado Abraham lo ta den bario pa skucha e suidadano

Kralendijk – Diputado Abraham den su afan pa ta mas serka di e suidadano ta kuminsá e proyekto di “Diputado den Bario”. Su meta prinsipal ta pa e ta den bario tur luna pa skucha e suidadano. Lo bishitá e barionan di Rincon, Tera Cora, Nikiboko, Antriol, Playa i Nort Saliña. Abraham ta boga pa krea un plataforma kaminda un suidadano por sintié liber pa duna su opinion i tambe haña kontesta riba su pregunta. Abraham lo ta den bario di Rincon djarason, 16 di ougùstùs na ofisina ousiliar di gobièrnu for di 4’or pa 6’or di atardi.
 

SELEKSHON HUBENIL FUTBÒL U-15 KU PARTISIPASHON NA WEGANAN ORGANISA PA CONCACAF NA MERKA

Kralendijk, Un total di diesocho hóben asistí pa seis lider di e selekshon di futbòl hubenil Boneriano U-15 a sali pa Merka estado Florida djabièrnè mainta pa partisipá na e kampionato hubenil organisá pa Concacaf i IMG’s Academy na Bradenton. E kampionato ta inisiá djadumingu 13 di Ougùstùs i terminá djasabra 19 di ougùstùs. Sr. Edsel Cecilia Head Coach di e selekshon a duna di konosé ku e selekshon ta den treinen for di aña pasa novèmber, i pa luna di yüli e aña aki e hóbennan a trein hopi intensivo.

BUKI KU TÓPIKO VARIÁ DI HISTORIA DI ENSEÑANSA DI KÒRSOU

Kralendijk, ‘Onderwijs en Meer’ ta título di e buki ku presidente di Fundashon Curacao Academy, sr. Rudy Naaldijk, a entregá na hefe di Biblioteka Públiko, sra. Deta Delanoy.

GEZAGHEBBER SR. EDISON RIJNA A OTORGÁ E DI 50 KRÉDITO MIKRO

Kralendijk, Djamars mainta Gezaghebber sr. Edison Rijna a hasi entrega di e di 50 fiansa di Qredits Boneiru na sra. Sjaika Gonzáles.

Danki na e fiansa di Qredits, Sjaika por realisá su ambishon di tin su mes empresa ‘’Twinkel “akohida despues di skol ku guia pa tarea di skol. Qredits Boneiru a establesé fin di aña 2015: Empresarionan ku ta kuminsá i negoshinan eksistente por aserka Qredits pa un fiansa mikro te ku $50.000. 

PROYEKTO KON PA ATENDÉ KU VIOLENSIA DOMÉSTIKO I ABUSU DI MUCHA

Kralendijk, Resientemente Gobièrnu di Boneiru a duna enkargo na sr. Jurensli Willems di Social Architecs pa presentá un plan pa deliniá kon instansianan konserní na Boneiru lo mester atendé ku violensia. E enfoke ta dirigí riba violensia doméstiko i abusu di mucha. Gobièrnu di Boneiru a kumbiní den un akuerdo firmá ku e Ministerio di VWS, tokante  e tópiko menshoná ku ta un tratado di Instanbul 2016. 

Indebon ta bai duna lès den bario.

Den kuadro di Maneho di Deporte: 

Kralendijk - Konforme ku e maneho di deporte “Boneiru Aktivo i Salú’’ entrante  luna di sèptèmber Indebon lo bai duna lès den e barionan di Boneiru. Meta di gobièrnu di Boneiru ta pa trese koherensia, seguridat, salú i trankilidat bèk den e barionan.

MAYORNAN POR REGISTRÁ YUNAN PA TRANSPORTE ESKOLAR

Kralendijk - Manera ya anteriormente anunsiá Gobièrnu di Boneiru, atraves di Direktorado Komunidat i Kuido, ta trahando riba mehorashon di e sistema di transporte eskolar.
 
Den nos afan pa duna un mihó servisio nos ta hasiendo ehersisionan konstantemente pa optimalisá esaki mas tantu posibel.
 

DIPUTADO ROLANDA HELLBURG-MAKAAI A RISIBÍ KARATEKANAN

Kralendijk, Riba invitashon di diputado Rolanda Hellburg-Makaai shete karateka di Bonkarate a risibí un pin i un tas komo  muestra di apresio. E karatekanan aki a saka kara di Boneiru na e kompetensia di karate di Karibe ku a tuma lugá na Sürnam.

E shete karatekanan  a regresá ku Oro, Plata i Bròns for di e kampionato parti den Kata i Kumite. Diputado a felisitá e hóbennan ku nan gran logro den e kompetensianan.

E hóben Everon Vrutaal a logra dos titulo den su kategoria i tambe a sali e karateka ku mas stail. Everon a risibí pa esaki tambe un trofeo..

ANOCHI KU LUNA YEN TÍTULO: HISTORIA RIBA STUPI DI ‘N KAPITÁN I HISTORIA DI NABEGASHON

Kralendijk : SKAL ta kontinuá ku aktividatnan segun su kalènder kultural. Anochi ku Luna Yen, un inisiativa ku a nase den pasado for di algun siudadano ku gran pashon pa nos idioma papiamentu. Manera ta konosí kaba ku SKAL ta keda pone énfasis riba e meta kual ta pa stimulá otro pa skirbi, deklamá, konta un storia, kanta i presentá un òf mas obra kòrtiku na papiamentu durante e aktividat. SKAL su tarea ta pa yuda stimulá i purba mantené e aktividat di Anochi ku Luna Yen den su forma di orígen mas tantu ku ta posibel i ta invitá bo pa bini ku bo obra pa presentá.

BIBLIOTEKA PÚBLIKO KU BUKINAN NOBO DEN NAN HUKI DI BUKI

Kralendijk – Biblioteka Públiko tin e plaser di presentá nan huki di buki. Na tur ku ta miembro ò ku kier bira miembro ta invitá pa pasa i asina sera konosí ku nan huki di buki. Regularmente ta eksponé e bukinan nobo ku yega den un huki p’asina tur hende, hóben i mucha ta na altura. 

Pages