Text Size

Font size:  
  • Increase
  • Decrease
  • Normal

Current Size: 100%

BONAIRE ALGAEPARC TA DRENTA SU SIGUIENTE FASE

Kralendijk – Riba djaweps 15 di mart 2018 un delegashon di Universidat di Wageningen bou di guia di prof. dr. Rene Wijffels a presentá resultado di e investigashon di faktibilidat pa loke ta trata produkshon di mikro-alga riba eskala komersial. E resultadonan di e investigashon ta hopi prometedor. Boneiru tin un klima ideal pa produkshon di mikro-alga pa motibu di e temperatura i e kantidat di solo. Ku finalisashon di e investigashon di faktibilidat e siguiente fase di e proyekto a kuminsá.

PARO DI KONSTRUKSHON IMPONÉ RIBA MINI KANCHA DI GÒLF TA VIGENTE AINDA

Kralendijk – Pa medio di medionan di komunikashon lokal e Direktoradonan di Supervishon i Mantenshon di Lei i di Planifikashon i Desaroyo a risibí diferente reakshon for di kua ta resultá ku ta eksistí algun inklaridat tokante kontròl i mantenshon di lei relashoná ku konstrukshon sin pèrmit di konstrukshon. Ku e komunikado di prensa aki nos ta purba duna mas klaridat tokante e situashon aktual manera ku e ta realmente. E departamentu di realisashon di Direktorado di Planifikashon i Desaroyo ta responsabel pa asuntunan di tereno i otorgashon di pèrmit di konstrukshon.

RAIMUNDA POURIER A YEGA E EDAT DI 105 AÑA

Kralendijk – Djaweps 15 di mart sra. Raimunda Pourier di e bario di Rincon a yega e bunita edat di 105 aña. Un detaye remarkabel ta ku Mona, nòmber di kariño di sra. Raimunda Pourier, durante henter su karera laboral a traha na pòstkantor di Rincon.          Gezaghebber Edison Rijna i diputado James Kroon a bishitá sra. Pourier na Ka’i Mimina  kaminda sra. Pourier tabata rondoná pa su famia i konosínan. Gezaghebber na nòmber di gobièrnu di Boneiru huntu ku diputado James Kroon a hasi entrega di un makutu ku kontenido na sra.

SR. HENNYSON THIELMAN TA DRENTA DEN KONSEHO INSULAR

Kralendijk – Djamars anochi durante di reunion di Konseho Insular sr. Hennyson Thielman ta huramentá dilanti di Presidente di e órgano mas haltu di nos isla, sr. Edison Reina. Di e forma aki sr. Thielman ta remplasá sr. Joselito Statia komo miembro di Konseho Insular pa Frakshon di MPB.
Sr. Elvis Tjin-A-Sjoe ta esun ku a bira lider di frakshon i sra. Renata Domacassé ta bira lider suplente di frakshon.
 

LIMPIESA DI SARGASSUM DEN FASE FINAL

Kralendijk – Trabounan di limpiesa di e yerba di laman ‘Sargassum’ ku a pega riba kostanan aki na Boneiru, ta den su fase final. Esaki ta danki na trabounan intensivo di boluntarionan i grupo di militarnan a pone nan mes disponibel. Tur e trabounan a kai bou di kordinashon di Stinapa.

MESTER TRAHA SITA PA INSKRIBI YU NA SCHOOLWIJZER

Kralendijk - Direktorado Komunidat i Kuido ta pidi atenshon urgente di mayornan ku tin yu(nan) ku mester kuminsá skol aña eskolar 2018-2019 i ainda no a inskribí e yu(nan) pa medio di Schoolwijzer di Entidat Públiko Boneiru.

 

Pa inskribí e yu na schoolwijzer Entidat Públiko Boneiru, bo mester traha un sitá pa inskribí bo yu, via number di telefòn 717-2211, i bo persona di kontakto lo ta señora Illeana Clara.

 

SKOL AMPLIO PAPA CORNES TA BOLBE GANA DIKTADO ESKOLAR

Kralendijk -  - Dia 21 di febrüari último tabata Dia Internashonal di Idioma Materno. Pa e okashon akí Fundashon Akademia Papiamentu den koperashon ku SKAL a organisá un diktado eskolar. Meta prinsipal di e diktado tabata pa krea konsientisashon pa papiamentu i pa skirbimentu di papiamentu segun ortografia ofisial. A hasi esaki den forma di un kompetensia entre e skolnan básiko. E aña aki a dediká e diktado na señora Regina (Uchi) Frans Anthonie pa su kontribushon na papiamentu.

GEZAGHEBBER EDISON RIJNA A HABRI TAYER DI FUNDASHON LESA TA DUSHI

Kralendijk – Fundashon Lesa ta Dushi djasabra último a tene su di tres tayer den e sinku aña ku e fundashon ta eksistí. E meta prinsipal ta pa stimulá i motivá nos muchanan pa lesa buki na kas. Sra. Eileen Croes-Piar presidente di Fundashon Lesa Ta Dushi a yama gezaghebber Edison Rijna i tur presente bonbiní na e tayer. Gezaghebber a inisiá su diskurso ku e siguiente palabranan: ‘You’re never too old, too wacky, too wild, to pick up a book and read to a child.

BAN YUDA LIMPIA SOROBON

Kralendijk - Ta hasi un súplika na personanan ku tin loader, pikòp, Bobcat chikitu, megaphone (pa asina komuniká ku e personanan den laman) pa nan duna un aporte boluntario ku e ekiponan aki. E prioridat aworaki ta pa e área di Sorobon i mester di ekiponan pisá pa e trabou kana mas lihé. Gobièrnu di Boneiru ta hasi un súplika na tur siudadano pa duna un man i yuda den esaki. E fenómeno di “Sargassum” aki a ser okashoná debí na e koriente di laman i ta importante pa limpia esaki lihé pa e no okashoná peliger di salubridat. 

“Muhé boneriano, Muhé balente”

Kralendijk – Tur aña riba ocho di mart, internashonalmente ta selebrá dia di hende muhé. Riba e fecha aki ta buta atenshon na e hende muhé i e logronan ku nan tabatin durante añanan apesar di e desigualdat ku tabatin. Awendia na mayoria pais ta trata e hende muhé igual ku e hende hòmber, lamentablemente ainda esaki no ta asina na tur kaminda. Aki na Boneiru por mira kon e muhé boneriano semper a lucha den nos historia.

Pages