Text Size

Font size:  
  • Increase
  • Decrease
  • Normal

Current Size: 100%

GEZAGHEBBER TAMBE A PARTISIPÁ NA CLEAN UP DAY

Kralendijk – Djasabra, 16 di sèptèmber, gezaghebber sr. Edison Rijna a partisipá aktivamente na e Clean up Day organisá pa Selibon. Gezaghebber Rijna di e manera aki ta mustra e importansha ku kada suidadano tin pa yuda tene Boneiru limpi.

HARLTON EMERENCIANA A HASI 10 AÑA DEN SERVISIO DI GOBIÈRNU

KRALENDIJK – Djabièrnè, dia 1 di sèptèmber 2017 señor Harlton Emerenciana, kariñosamente yamá Onnie a selebrá 10 aniversario den servisio di Gobièrnu di Boneiru.
E selebrashon festivo di e hubilario a tuma lugá den presensia di famia i koleganan, diputadonan Edsel Cecilia, James Kroon i Hubert Martis na direktorado pa Komunidat i Kuido na Kaya Neerlandia 41.
For di 1 di aprel 2006 te 2 di yüli 2007 Onnie a wòrdu nombrá komo diputado di gobièrnu di Boneiru.  I  na aña 2007 e la kuminsá traha na SEK e tempu ei komo ámtenar di Enseñansa Obligatorio.

GEZAGHEBBER EDISON RIJNA NA APERTURA TOREN NOBO DI BIA

Kralendijk- Djabièrnè, 15 di sèptèmber, Gezaghebber sr. Edison Rijna tabata presente na e apertura di e toren nobo di BIA. Gezaghebber Rijna a duna di konosé ku e toren bieu tabata un punto di referensha importante di Boneiru na momentu ku bo yega i tambe ora  bo ta den besindario di e aeropuerto. Hopi persona tin sintimentunan miksto mirando e desmantelashon di e toren bieu. Pero na mes momento e apertura di e toren nobo ta mustra ku Boneiru ta kla pa bai den un rumbo nobo i alkansá metanan nobo.

SKOL AMPLIO PAPA CORNES A BATISÁ BUKI “PREVENSHON TÈRMENTU NA SKOL”

Kralendijk, Djabièrnè 8 di sèptèmber Skol Ámplio Papa Cornes den un forma úniko a batisá e buki “PREVENSHON DI TÈRMENTU NA SKOL’’.

FUNDASHON CAS BONERIANO KU RE- APERTURA SENTRO BARIO AMBOINA.

Kralendijk, Djabièrnè último direktor di Fundashon Cas Boneriano sr. Ben Oleana a hasi entrega di e yabi di Sentro di Bario Amboina na diputado Edsel Cecilia.

Promé pashèntnan di Isla Ariba a yega Boneiru

Kralendijk – Djasabra nuebe di sèptèmber un avion di Air Ambulans a yega Boneiru ku tres pashènt ku nan guia di st. Maarten Medical Center ku tin mester di kuido inmediato. Gezaghebber sr. Edison Rijna i Diputado enkargá ku direktorado Komunidat i Kuido sr. Edsel Cecilia a bai aeropuerto pa topa e tres pashèntnan ku nan guia pa sigurá nan ku Boneiru lo duna e kuido nesesario na nan. Fundashon Mariadal ta hasiendo un gran esfuerso pa hospitalisá i duna e kuido nesesario na e pashèntnan ku ta bini di Isla Ariba.

Tim di kalamidat i Entidat Públiko di Boneiru organisando ayudo pa Isla Ariba

Kralendijk- Tim di Kalamidat i Gobièrnu di Boneiru kla pará pa yuda daminifikadonan na islanan Saba, St Eustatius i St. Maarten. E tim di kalamidat, den forma di EBT (eilandsbeleidsteam), a evaluá e diferente akshonnan ku por tuma pa duna sosten na islanan ariba. 
Ya kaba diferente pashènt di St. Maarten a ser evakuá ku air ambulans pa Boneiru pa nan haña kuido nesesario. Ta trata aki di pashènt di nir, muhénan na estado i otro pashèntnan ku mester di kuido inmediato.

Krus Kòrá Boneiru ta kordiná tur akshon pa kolekta komestibel pa Isla riba

Kralendijk-  Djaluna, 11 di sèptèmber Krus Kòrá ta organisá un akshon kaminda tur habitante di Boneiru por trese artíkulonan ku ta nesesario pa damnifikadonan di Isla Ariba, Saba, St, Eustatius i St. Maarten.
 
Krus Kòrá Boneiru a risibí un lista ofishal di outoridatnan di St. Maarten ku e petishon di e artíkulonan ku nan tin mester. Tur habitante di Boneiru por trese e artíkulonan djaluna 11 di sèptèmber entre 18:00 pa 21:00 di anochi na sporthal situá den kaya Amsterdam.
 

DISKURSO DI DIPUTADO EDSEL CECILIA NA SELEBRASHON DIA DI BONEIRU

Awe tantu aña pasá, despues ku Amerigo Vespucci a perde riba oseano Atlantiko e tabata masha agradesido despues ku e indjan nan ku tabata habitá na Boneiru, a deskubrie. Ela haña hopi ayudo di e indjan nan, ela haña kuminda i a siñe kon e mester sobreviví riba e isla aki ku e rikesanan di nos isla. Asina a kuminsa interkambio di nashon, di kultura i di identidat. Riba e dia spesial aki nos ta bini huntu komo Boneriano pa selebrá e dia di e isla ku nos tur ke mira prosperá i bai dilanti.
 

FUNDASHON PATRIMONIO MARÍTIMO A ENTREGA PAKETE DI LÈS HERENSIA MARÍTIMO NA GEZAGHÈBER

Kralendijk, Sra. Xiomara Frans-Muller, kordinadó edukashonal kende a desaroyá e promé seis lèsnan di ‘Nabegashon Na Skol’ a entregá gezaghèber Edison Rijna e pakete di lès i un relato di eskudo di Boneiru ku a ser aseptá ofisialmente dia 6 di sèptèmber 1986. 

Pages