Text Size

Font size:  
  • Increase
  • Decrease
  • Normal

Current Size: 100%

DIPUTADO EDSEL CECILIA A REUNÍ KU DIREKTIVA DI SKOLNAN KATÓLIKO

Kralendijk, Djaluna den oranan di atardi diputado enkargá ku enseñansa sr. Edsel Cecilia kompañá pa su dos konseheronan sra. Ruthlyn Bernabela i sra. Diane Hoeve a reuní ku sra. Nilva Wout, direktor di e hunta di direktiva di skolnan katóliko. Skolnan katóliko ta Kolegio Kristu Bon Wardador, Kolegio San Bernardo, Skol Ámplio Papa Cornes i Kolegio San Luis Beltran. Na final di e bishita diputado a sera konosí ku e empleadonan.

GEDEPUTEERDE EDSEL CECILIA VERGADERT MET RK SCHOOLBESTUUR

Gezaghèber a yama e ‘OCTA Innovation Teamleader’ sr Milan Jezic von Gesseneck bonbiní.

Kralendijk – Djaluna último 16 di òktober gezaghèber Rijna a risibí bishita for di Brussel. E lider di e trayekto di Inovashon di Union Oropeo, sr Milan Jezic von Gesseneck ta di bishita na Boneiru pa promové i stimulá Inovashon riba e isla aki.
E siman aki un delegashon di Universidat di Wageningen tambe lo ta presente riba nos isla pa pone un siguiente paso den e proyekto di ‘Bonaire AlgaePARC’ pa kua Union Oropeo a pone un supsidio disponibel di maksimalmente € 115.000,-- pa e estudio di faktibilidat. E siman aki lo anunsiá e promé resultadonan di e investigashon aki. 

DIPUTADO CECILIA A SERA KONOSÍ KU DIREKTOR DI FUNDASHON KRUSADA.

Kralendijk, Diputado enkargá ku salubridat públiko sr. Edsel Cecilia djaluna den oranan di atardi a sera konosí ku sr. Junny Josephina direktor nobo di Fundashon Krusada. Fundashon Krusada kasi binti aña ta un lugá pa restorashon i guia pa hendenan sosialmente funerabel. Peter van der Mark manager di kalidat i kuido di Krusada huntu ku direktor Josephina a informá diputado di e plannan ku tin pendiente pa ku desaroyo di e fundashon.  Na final diputado Edsel Cecilia a keda sumamente enkantá ku e informashonnan risibí i e trabou ku e personal ta hasi na Fundashon Krusada.

DIPUTADO EDSEL CECILIA DI BISHITA NA SKOL BÁSIKO DE PELIKAAN

Kralendijk, Djaluna den oranan di mainta diputado enkargá ku enseñansa sr. Edsel Cecilia kompañá pa su konsehero sra. Dianne Hoeve a sera konosí ku direktor di skol básiko De Pelikaan sr. Gerald Kolenbrander.

Durante e enkuentro a trata diferente tópiko ku tin di aber ku nos enseñansa. Direktor athunto sra. Klasien Jager i sra. Michele Celestijn-Knuf kende ta miembro di e Konseho di Supervishon tambe a informá diputado tokante e desaroyonan na skol básiko De Pelikaan.

COAST GUARD CUTTER CONFIDENCE SU PROMÉ BISHITA NA BONEIRU.

Kralendijk, Djabièrnè último gezaghèber sr. Edison Rijna a risibí bishita ofisial di komandante Tim Hammond di wardakosta merikano. Durante e bishita  kòmbersashonnan ameno a tuma lugá tokante presensia di e Cutter den nos haf. Komandante Tim Hammond den presensia di teniente Dan Halsig i segundo teniente Sierra Webb di asuntunan públiko a entregá gezaghèber Rijna un plakat ku potrèt di e Cutter.

BISHITA DI ORIENTASHON NA DIREKTORADO KOMUNIDAT I KUIDO

Diputado sr. Edsel Cecilia ku
BISHITA DI ORIENTASHON NA DIREKTORADO KOMUNIDAT I KUIDO
 

SELEBRASHON DIA DI HENDE GRANDI

Kralendijk – Djadumingu último tabata Dia di Hende Grandi. E aña aki tabatin un programa festivo na Zozo Ranch ku e organisashonnan di 60+ a organisá. E hende grandinan a partisipá aktivamente na e selebrashon ku bailamentu, músika, karaoke i diferente wega.

DIESDOS EMPLEADO PUBLIKO TA HURAMENTA OF HASI PROMESA

DIESDOS EMPLEADO PUBLIKO TA HURAMENTA OF HASI PROMESA
 
Kralendijk – Djabièrnè último dia 29 di òktober den sala di reunion na ofisina prinsipal di gobièrnu di Boneiru, diesdos  empleado públiko a huramentá òf hasi promesa dilanti di nos promé mandatario, gezaghebber sr. Edison Rijna.
Esaki ta un prosedura normal na momentu ku un persona drenta servisio di gobièrnu di Boneiru manera ta preskribí den lei.

IMPUESTO RIBA AKTIVIDAT KULTURAL I DEPORTIVO TIN ATENSHON DI KOLEGIO EHEKUTIVO

Gobièrnu di Boneiru dispuesto pa intermediá pa un solushon
 
Kralendijk – Resientemente a tuma nota di un publikashon den medionan komunikashon sosial ku Servisio di Impuesto ta aplikando un lei di pa pago di impuesto riba presentashon, pagonan i invershonnan ku ta hasi ora un artista òf deportista bini djafó.
Ta trata aki di e Lei di Impuesto BES, artíkulo nuebe, insiso dos ku a drenta na vigor for 1 di yanüari 2011.
 

REGISTRASHON TA OBLIGATORIO PA ALUMNONAN WESPET FOR DI SINT MAARTEN KU TA KAI BOU DI ENSEÑANSA OBLIGATORIO

Kralendijk – Relashoná ku rekonstrukshon di Sint Maarten pa motibu di e konsekuensianan devastador di òrkan Irma, hopi mucha ku ta kai bou di enseñansa obligatorio no por bai skol na nan isla ainda. Un kantidat di e muchanan aki a haña akohida na Kòrsou i ta risibí enseñansa einan. E muchanan ku ta kai bou di enseñansa obligatorio i ku a haña akohida serka nan famia na Boneiru, mester bai skol na Boneiru. Tan pronto ku un mucha ku ta kai bou di enseñansa obligatorio ta permanesé na Boneiru, e Lei di Enseñansa Obligatorio BES ta na vigor.
 

Pages