Text Size

Font size:  
  • Increase
  • Decrease
  • Normal

Current Size: 100%

HÓBENNAN A HAÑA INFORMASHON ENKUANTO DI REFERÈNDEM

Kralendijk – Liseo Boneriano ya pa años kaba den kuadro di estudio i ofishi ta organisá un dia di proyekto. Relashoná ku esaki un total di dies alumno di Liseo Boneriano a bishita e direktorado di Komunidat i Kuido i a risibí informashon di funshonamentu di e direktorado serka sr. Christopher Frans konsehero di maneho. Djabièrnè den oranan di mainta e hóbennan di Liseo Boneriano a bai Pasangrahan kaminda nan a presensiá e stipulashon ofisial di e resultado di e referèndem di djarason último. Tambe nan tabata testigu di e momentu ku gezaghebber sr.

Estreno di fèstival di pelíkula di Derechonan di Mucha Karibense

Kralendijk - Esta un honor pa por habri awe estreno di e fèstival di pelíkula di Derechonan di Mucha Karibense. Rònt mundu tur mucha tin mesun derecho. Esakinan ta ankrá den Tratado pa Derechonan di Mucha. E tratado ta kontené 54 artíkulo den kua ta deskribí tur derecho di mucha. Esakinan ta hopi derecho. Asina tin den dje por ehèmpel ku tur mucha tin derecho riba enseñansa, kuido di salú, un lugá seif pa biba i hunga.

RESULTADO FINAL REFERENDUM WID

NIKIBOKO TITULÁ KAMPION DI TORNEO DI FUTBÒL 7 MEKS DI BARIO KONTRA BARIO

Kralendijk ––Djarason atardi den stadion na playa e torneo di futbòl bario kontra bario organisá pa Indebon a yega final. E ekipo di Nikiboko a sali kampion i invikto di e torneo. Na di dos lugá Universo 1, terser lugá Universo 2 Antriol na di kuater lugá siguí pa Rincon di sinku lugá i Nort saliña a keda na seis lugá. E hóben Javier Winklaar a sali e hungadó mas balioso di e torneo ku bintiocho gol anotá. Diputado enkargá ku deporte sr.

GEZAGHEBBER A PAPIA TOKANTE FUTURO DI ALGAEPARC BONAIRE

Kralendijk – Djabièrnè último 16 di mart 2018 gezaghebber Rijna a papia ku prof. dr. Rene Wijffels di Universidat di Wageningen i sr Milan Jezic von Gesseneck di ‘OCTA Innovation’ di Union Oropeo tokante futuro di e proyekto AlgaePARC Bonaire. Entretantu a finalisá e investigashon di faktibilidat, pa kua Boneiru a haña supsidio di Union Oropeo (OCTA Innovation), i e proyekto a drenta su siguiente fase. Huntu ku diferente ministerio na Hulanda i Union Oropeo ta buskando finansiamentu adishonal pa e siguiente fase di e proyekto.

BONAIRE ALGAEPARC TA DRENTA SU SIGUIENTE FASE

Kralendijk – Riba djaweps 15 di mart 2018 un delegashon di Universidat di Wageningen bou di guia di prof. dr. Rene Wijffels a presentá resultado di e investigashon di faktibilidat pa loke ta trata produkshon di mikro-alga riba eskala komersial. E resultadonan di e investigashon ta hopi prometedor. Boneiru tin un klima ideal pa produkshon di mikro-alga pa motibu di e temperatura i e kantidat di solo. Ku finalisashon di e investigashon di faktibilidat e siguiente fase di e proyekto a kuminsá.

PARO DI KONSTRUKSHON IMPONÉ RIBA MINI KANCHA DI GÒLF TA VIGENTE AINDA

Kralendijk – Pa medio di medionan di komunikashon lokal e Direktoradonan di Supervishon i Mantenshon di Lei i di Planifikashon i Desaroyo a risibí diferente reakshon for di kua ta resultá ku ta eksistí algun inklaridat tokante kontròl i mantenshon di lei relashoná ku konstrukshon sin pèrmit di konstrukshon. Ku e komunikado di prensa aki nos ta purba duna mas klaridat tokante e situashon aktual manera ku e ta realmente. E departamentu di realisashon di Direktorado di Planifikashon i Desaroyo ta responsabel pa asuntunan di tereno i otorgashon di pèrmit di konstrukshon.

RAIMUNDA POURIER A YEGA E EDAT DI 105 AÑA

Kralendijk – Djaweps 15 di mart sra. Raimunda Pourier di e bario di Rincon a yega e bunita edat di 105 aña. Un detaye remarkabel ta ku Mona, nòmber di kariño di sra. Raimunda Pourier, durante henter su karera laboral a traha na pòstkantor di Rincon.          Gezaghebber Edison Rijna i diputado James Kroon a bishitá sra. Pourier na Ka’i Mimina  kaminda sra. Pourier tabata rondoná pa su famia i konosínan. Gezaghebber na nòmber di gobièrnu di Boneiru huntu ku diputado James Kroon a hasi entrega di un makutu ku kontenido na sra.

SR. HENNYSON THIELMAN TA DRENTA DEN KONSEHO INSULAR

Kralendijk – Djamars anochi durante di reunion di Konseho Insular sr. Hennyson Thielman ta huramentá dilanti di Presidente di e órgano mas haltu di nos isla, sr. Edison Reina. Di e forma aki sr. Thielman ta remplasá sr. Joselito Statia komo miembro di Konseho Insular pa Frakshon di MPB.
Sr. Elvis Tjin-A-Sjoe ta esun ku a bira lider di frakshon i sra. Renata Domacassé ta bira lider suplente di frakshon.
 

LIMPIESA DI SARGASSUM DEN FASE FINAL

Kralendijk – Trabounan di limpiesa di e yerba di laman ‘Sargassum’ ku a pega riba kostanan aki na Boneiru, ta den su fase final. Esaki ta danki na trabounan intensivo di boluntarionan i grupo di militarnan a pone nan mes disponibel. Tur e trabounan a kai bou di kordinashon di Stinapa.

Pages