Text Size

Font size:  
  • Increase
  • Decrease
  • Normal

Current Size: 100%

BARKU DI GUERA FRANSES VENTOSE DI BISHITA NA NOS ISLA

Kralendijk, Komandante Adrien Schaar di e barku di guera Franses Ventose a realisá un bishita di sera konosí serka gezaghèber interino sra. Evelina Betancourt-Anthony. E barku despues di a duna su ayudo na islanan ariba despues ku orkan Irma a pasa a bini Boneiru pa e tripulantenan por deskansá i disfrutá di nos isla. 

E komandante tabata kompaña pa ofisir di suministrador Moatassim Mounir.

FRANSE OORLOGSBODEM ‘VENTOSE’ BEZOEKT ONS EILAND

Trahadónan estranhero ta haña informashon durante Dia kontra Trafikashon di hende

Riba 18 di òktober KPCN, OLB i Inspekshon di Labor a duna informashon na estranheronan ku ta traha den Hulanda Karibense. E suministro di informashon akí a tuma lugá den kuadro di kombatimentu di trafikashon di hende i eksplotashon laboral. Agentenan polisial i inspektornan di OLB i Inspekshon di Labor a hiba kombersashonnan ku estranheronan tokante nan derechonan ora ta trata di suèldu i tempu di trabou i tokante otro derecho- i obligashonnan. En total a bishitá 29 sitio i a duna informashon na 114 estranhero.
 

“DRÈMPELNAN TA NETAMENTE PA MAS SEGURIDAT DEN TRÁFIKO”

Kralendijk – Resientemente gobièrnu di Boneiru a laga pone algun drèmpel na sierto sitionan riba kareteranan. Esaki ta netamente pa trese mas seguridat den tráfiko. E drèmpel su funshon ta pa trata na frena ekseso di velosidat na sitionan ku frekuentemente ta nota vehíkulonan pasa ku velosidat haltu. Na Kaya Macario A. Sint Jago den besindario di un Kancha di deporte i un iglesia a nota ku riba e kaya aki outomobilistanan ta komportá nan mes den un forma iresponsabel tresiendo nan mes i otronan den peliger.

Fundashon Kuido Profeshonal pa Mucha a risibí tres bùs

Kralendijk, Djabièrnè den oranan di atardi e diputado enkargá ku Asuntunan Sosial i  Bienestar i Kuido sr. Edsel Cecilia a hasi entrega di dos yabi di bùs na dos hóben di Fundashon Kuido Profeshonal pa Mucha den presensia di presidente di e fundashon, sra. Jennifer Silberie-Henriquez i sra. Ruthmila st. Jago, konsehero di maneho di bienestar na Direktorado di Komunidat i Kuido. E fondo di “Plan van Aanpak Kinderrechten Bonaire” (BZK) a finansiá en total tres bùs, dos chikitu i un mas grandi, i nan ta destiná pa uso pa akohida di mucha despues di skol.

PROFESOR WIJFFELS SERKA GEZAGHÈBER RELASHONÁ KU PARKE DI ALGA

Kralendijk, Den kuadro di e proyekto di parke di Alga i Boneiru duradero profesor Rene Wijffels di Wageningen Hulanda djabièrnè último a pone gezaghèber sr. Edison Rijna na altura di e desaroyonan ku ta tumando lugá últimamente aki na Boneiru. Gezaghèber na final di e enkuentro a opsekiá profesor Rene Wijffels un buki ku ta ilustrá lokalidatnan di buseo di nos isla. 

PROFESSOR WIJFFELS OP BEZOEK BIJ DE GEZAGHEBBER I.V.M. HET BONAIRE ALGAEPARC 

MESTER PONE ÉNFASIS RIBA EDUKASHON I PATERNIDAT DURANTE SIMAN DI EDUKASHON

Kralendijk, Siman di edukashon ta un aktividat ku Sentro pa Hubentut i Famia ta organisá tur aña. Meta ta pa stimulá profeshonalnan den edukashon. Tur aña di nobo  ta para ketu riba un tema i enfoká riba un aspekto. E aña aki e tema ta “Buiten de lijntjes”. Relashoná ku esaki djarason último Sentro pa Hubentut i Famia a tene un charla pa mayornan.

DIPUTADO CECILIA A SERA KONOSÍ KU EMPLEADONAN DI BIBLIOTEKA PÚBLIKO

Kralendijk, Djamars den oranan di mèrdia diputado Edsel Cecilia kompañá pa su dos konseheronan sra. Ruthlyn Bernabela i Dianne Hoeve a realisá un bishita di sera konosí na Biblioteka Públiko Boneiru.

Greta de Lanoy direktor di e biblioteka a pasa rònt ku diputado pa asina diputado sera konosí ku tur e sekshonnan di buki ku tin i pa na final sera konosí ku e empleadonan di e biblioteka. Diputado a keda enkantá ku e guia i informashon ku su persona a risibí i a felisitá tur e empleadonan pa e bon trabou ku nan ta ehersé diariamente. 

DIPUTADO CECILIA A BISHITÁ EKSPOSISHON WINFRED DANIA

Kralendijk, Na aña 2012 un di e artistanan konosí aki na Boneiru a fayesé kende ta Winfred Dania. Algun luna pasá a pone un eksposishon di e obranan di Winfred Dania, e ‘Van Gogh’ di Boneiru, den un edifisio riba Kaya Amsterdam. 

Diputado Edsel Cecilia djamars den oranan di mèrdia a bai atmirá e obranan di Winfred. Diputado a ser risibí pa sra. Lilianne de Geus kende a duna diputado un guia i tambe splikashon di e nifikashon di kada pintura. 

DALILAH JOVANDA THOMAS A KUMPLI TRINTA AÑA DEN SERVISIO DI GOBIÈRNU.

Kralendijk, Riba e fecha 15 di òktober 1987 Dalilah Thomas a drenta servisio di Gobièrnu di Boneiru komo Asistente Atministrativo na SSV  Aeropuerto Flamingo.

Durante di e trinta añanan Dalilah a traha tambe na Arbeidszaken, JAZ , SEK i ku awe Dalilah ta bou di e Direktorado di Komunidat i Kuido.

Dalilah den e trinta aña a sigui diferente kurso i workshop relashoná ku su trabou.

DERAME DI PETROLI NO TA FORMA PELIGER PA BONEIRU

Kralendijk – Djasabra último 15 di òktober, outoridatnan di haf a tuma nota den medionan sosial ku a tuma lugá un derame di petroli atrobe na Trinidat i Tobago. Na momentu ku a tuma nota di e notisia aki mesora Havenmeester sr. Gunther Flanegin a asumí su responsabilidat i a trata na yega informashonnan konkreto pa sa kiko eksaktamente ta loke ta pasando.

Pages