Text Size

Font size:  
  • Increase
  • Decrease
  • Normal

Current Size: 100%

BARBARA STATIE A YEGA E EDAT DI 100 AÑA

Kralendijk – Djaluna 4 di desèmber sra. Barbara Statie di e bario di Antriol a yega e bunita edat di 100 aña. Pa e motibu aki gezaghèber sr. Edison Rijna djamars 12 di desèmber a bishitá sra. Statie na kas di kuido kaminda sra. Statie tabata rondoná pa su yunan i famia. Gezaghèber na nòmber di gobièrnu di Boneiru a hasi entrega di un makutu ku kontenido i a felisitá sra. Barbara ku su kumpleaño i a trese dilanti ku sra. Barbara a yega e edat dòbel di loke sr. Rijna tin. Sr. Rijna a felisitá e famianan di sra.

ARTISTA ADI FIGAROA KU PESEBRE NATURAL

Kralendijk – Djabièrnè den oranan di anochi gezaghèber interino sra. Evelina Betancourt-Anthony huntu ku diputado Hubert Martis a kòrtá e sinta pa apertura di e pesebre natural di Adi Figaroa na Kaya Presioso nr. 7 na Republiek.

FIRMAMENTU DI KONBENIO SKOL SALÚ TA UN LOGRO IMPORTANTE

Kralendijk - Djaluna 4 di desèmber ùltimo a tuma lugá firmamentu di e konbenio Skol Salú ku skolnan di enseñansa básiko i enseñansa sekundario.

Esaki a tuma lugá na plataforma di enseñansa den presensia di tur partner riba tereno di enseñansa. E hefe di servisio di Enseñansa, Kultura i Siensia di RCN, sr Nolly Oleana i e direktor di Direktorado di Komunidat i Kuido sra Silvana Janga-Serfilia tambe tabata presente na e okashon spesial aki.

 

TRES PERSONA A RISIBÍ NASHONALIDAT HULANDES

Kralendijk, Djaweps 7 di desèmber 2017 den sala di reunion di Kolegio Ehekutivo a tuma lugá un seremonia di naturalisashon. Un total di tres persona a risibí nashonalidat Hulandes di kua 1 persona a huramentá i 2 a primintí dilanti di gezaghèber interino sra. Evelina Betancourt-Anthony. E tres Hulandesnan nobo a risibí un dekreto for di man di gezaghèber ku e regla- i debernan ku ta mará na pasport hulandes. Sra Betancourt-Anthony a yama e 3 personanan bonbiní den Reino Hulandes.

DRIE PERSONEN ONTVANGEN NEDERLANDSE NATIONALITEIT 

PASTOR A BENDISHONÁ LUS DI PASKU NA ROTÒNDE DI SABANA

Kralendijk – Djabièrnè den oranan di atardi Pastor Santiago di Parokia San Bernardo na Playa a tira su bendishon na sendementu di e lusnan di Pasku na rotònde di Sabana. Pastor Santiago a inisiá e atardi ku un orashon pa despues pasa rondó di e palu di lus i tira bendishon. Pa e otro rotòndenan pastor Santiago lo hasi esaki den  forma simbóliko momentu ku kaba dekorá esakinan. Diputado James Kroon huntu ku diputado Edsel Cecilia a aktivá e mekanismo pa asina e lusnan sende den un forma ofisial na e rotònde.

PRESENTASHON DI PROYEKTO HOTÈL PA STUDIANTE NA BONEIRU

Kralendijk, Resientemente diputadonan James Kroon, Hubert Martis i Edsel Cecilia a presensiá un presentashon di un proyekto titulá ‘THE STUDENT HOTEL BONAIRE’. Bores Schrama i Joris Dijkstra kendenan a hasi un investigashon a realisá ku Boneiru tin e nesesidat pa bini ku un Hotèl pa Studiante. Resultado di e investigashon tabata ku tin hopi studiante ku tin problema pa yega na un kas òf apartamentu pagabel, spesialmente pa esnan ku ta bin pa un periodo kòrtiku. E Hotèl pa Studiante Boneiru lo bin ku preis pagabel, seguridat i espasio pa hóbennan empresario.

Kaya Korona fase tres ta será

Asfaltamentu di e kapa ariba di Kaya Nòrt Nikiboko/Kaya Pos di Amor

MANEHO NOBO DI DEKLARASHON TOKANTE KONDUKTA PA BONEIRU

Kralendijk – Resientemente gezaghèber Edison Rijna a tuma desishon pa formulá i implementá maneho nobo pa Deklarashon Tokante Kondukta - Verklaring Omtrent Gedrag (VOG) ku ta kai bou di responsabilidat di gezaghèber. Revishon di maneho tabata nesesario pa profeshonalisá e proseso, pero tambe pa yega na un balor mas grandi di e VOG.

BONEIRU PARTISIPANDO PA PROMÉ BIAHA NA WEGANAN DI CONSUDE

Kralendijk – Djaweps den oranan di mainta un delegashon konsistí di diesdos deportista a sali pa e suidat Cochabamba na Bolivia. Sr. Peter Silberie lider di e delegashon a duna di konosé ku Boneiru pa promé biaha ta bai partisipá na e weganan di Consude ( Consejo Suramericano de Deporte Escolar). Boneiru lo partisipá den e siguiente ramonan di deporte: ahedres, atletismo, landa i tènis di mesa. E delegashon lo regresá Boneiru 11 di desèmber den oranan di anochi. 

BONAIRE VOOR DE EERSTE KEER DEELNEMER AAN CONSUDE-SPELEN 

Pages