Text Size

Font size:  
  • Increase
  • Decrease
  • Normal

Current Size: 100%

Languages

Gezaghebber di Entidat Públiko di Boneiru ta entrega a base di artíkulo 16 Wet JD en VOG un Deklarashon Tokante Kondukta (VOG) na personanan natural. Un VOG ta un deklarashon ku no tin opheshon kontra un persona teniendo kuenta ku e meta pa kua a pidi entrega di e VOG. Por pidi un VOG por ehèmpel pa oportunidat di trabou, trabou boluntario, pa aktua komo mayor di kriansa òf pa adoptá un yu, muda pa eksterior i pa hasi petishon di pèrmit.

Bo ta risibí un VOG si for di investigashon resultá ku bo no tin echonan kastigabel riba bo nòmber òf si bo echonan kastigabel no ta forma riesgo pa e meta pa kua ta pidi e VOG. Pa por hasi un bon kálkulo di e riesgo aki nos a formulá profilnan di ‘screening’. Uso di profil di ‘screening’ a hasi e formulario pa hasi petishon mas ámplio i e organisashon tin un ròl mas grandi den yenamentu di e formulario. E organisashon ku ta deseá un VOG di e suidadano mester indiká bon kla riba e formulario kiko ta e meta di e VOG i kua ta e áreanan di riesgo ku ta mará na e meta aki. Di e manera aki Gabinete di Gezaghèber por hasi un mihó kálkulo di e riesgo pa entrega di e VOG. Esaki ta kondusí na un balor mas grandi di e VOG i un profeshonalisashon di e proseso.