Text Size

Font size:  
  • Increase
  • Decrease
  • Normal

Current Size: 100%

Organo Gubernamental Insular
Den e relashon di poder den Entidat Públiko Bonaire gezaghebber ta na di tres lugá. Konseho Insular i Kolegio Ehekutivo ta bini promé. Riba nivel insular gezaghèber ta presidente di konseho Insular i ta enkargá ku ehekushon di desishonnan di Konseho Insular i di Kolegio Ehekutivo, ta representá Entidat Públiko den prosesonan hudisial i den prosesonan hudisial no legal i ta un órgano insular di outonomia.
 
Presidensia di Kolegio Insular i Kolegio Ehekutivo
Gezaghèber ta presidente di Konseho insular i por duna konseho na Konseho Insular.  Kontrali na un  alkalde gezaghèber nunka ta miembro di Konseho Insular.
Gezaghèber ta presidente i alabes miembro di Kolegio Ehekutivo. Den e Kolegio aki e tin un voto. Na momentu ku tin empate di voto su voto ta desisivo.  Ta tarea di gezaghèber pa perkurá pa mantené òrdu den reunionnan di Konseho Insular i di Kolegio Ehekutivo. Gezaghèber ta risibí i habri tur dokumento dirigí nan Konseho Insular òf Kolegio Ehekutivo.
 
Ehekushon di desishonnan
Gezaghèber ta enkargá ku ehekushon di desishonnan di Konseho Insular i di Kolegio Ehekutivo. E ehekushon pa medio di Kolegio Ehekutivo yama ehekushon atministrativo, e ehekushon pa medio di gezaghèber yama ehekushon real. Den práktika Kolegio Ehekutivo ta mantené su mes práktikamente solamente ku ehekushon. Gezaghèber ta tambe enkargá ku proklamashon di lei i desishonnan insular.   
 
Representashon di Entidat Públiko
 
Prosesonan Hudisial
Gezaghèber ta representá Entidat Públiko den tur proseso hudisial. Mirando ku Entidat Públiko den su prosesonan mes ta partido tantu komo partido demandante i partido ku ta defendé, no tin opheshon pa tende gezaghèber komo testigu den tal proseso hudisial. Pa entamá un proseso hudisial outorisashon delantá di konseho Insular ta un eksigensia. Konseho Insular por outorisá Kolegio Ehekutivo pa disidí pa entamá prosesonan hudisial na momentu di un prosedementu legal pa saka hende for di kas, kobransa di hür òf terminá akuerdonan relashoná ku hür di kas òf si Entidat Públiko ta partido den un kaso sumario  òf tin denunsia kontra Entidat Públiko.
 
Aktushon no hudisial
Gezaghèber ta representá Entidat Públiko den tur akto èkstra hudisial, den kua e mester aktua. E por apuntá pa esei un apoderado
 
Organo di Outonomia
Ta mira gezaghèber komo órgano apart di Entidat Públiko. Un Entidat Públiko ta konsistí di tres órgano “outónomo”, ku ta Konseho Insular,Kolegio Ehekutivo i gezaghèber. E Entidat Públiko ta obligá pa mustra koperashon den ehekushon di leinan òf desishonnan di  gobièrnu di Hulanda. Si Konseho Insular nenga di duna su koperashon Kolegio Ehekutivo ta aktua, Si Kolegio Ehekutivo nenga e koperashon eksigí gezaghèber ta perkurá pa ehekushon. Gobièrnu hulandes ta mantené su outoridat pa intervení riba tereno maneho di naturalesa i medio ambiente. Si e gezaghèber, na su turno, no koperá e úniko posibilidat ku den teoria ta eksisití ta ku gobièrnu di Reino ta duna gezaghèber , ku intermediashon di representante di Reino, su retiru. 
 
Outoridat di Gezaghebber (hulandes, klik)