Text Size

Font size:  
  • Increase
  • Decrease
  • Normal

Current Size: 100%

Kralendijk, Djabièrnè 1 di sèptèmber Peter van de Mosselaar a organisá e promé eksposishon ofisial di e pintor Winfred Dania ( qepd) ku un total di shen obra na Kaya Amsterdam.

‘Boneiru mester ta orguyoso di su yu’, ta palabranan di Peter van de Mosselaar na apertura di e eksposishon. 

Gezaghèber Edison Rijna a trese dilanti ku sr. Frans Booi ta e persona ku a diskubrí e talentonan di Winfred Dania. Dania su karera profeshonal a kuminsá mas ku 30 aña pasá kreando figuranan mitológiko pa asina ilustrá e buki Boynay di e outor Frans Booi.

Sr. Rijna a bisa tambe ku kasi su persona no mester menshoná mes ku e benefisionan di pintamentu pa mucha ta hopi. Sientífikamente ta probá ku atrabes di pintura e mucha ta deskubrí un mundu yen di koló, forma, imaginashon, simbolisashon, sentimentu i eksperensia.

Pintamentu ademas ta stimulá komunikashon, kreatividat i sensibilidat i ta oumentá e kapasidat di konsentrashon i ekspreshon di e mucha, loke ta sufisiente motibu pa stimulá lès di pintamentu na skol i despues di skol. Awor ta un bon oportunidat pa tira bista mas leu por ehèmpel riba e posibilidat pa un Galeria di Arte na unda por eksponé pintura i obra di arte di nos artistanan lokal, tantu esnan ku a nase riba nos isla komo otronan ku a kombertí Boneiru den nan kas.

Gezaghèber Edison Rijna ta hasi un yamada pa hasi un investigashon pa yega na artistanan Boneriano ku tabata pinta den pasado. Algun ta konosí, otronan ménos konosí, tin ku a fayesé i tin hopi na bida i ku ta hopi aktivo. 

Finalisando Rijna a felisitá Peter van de Mosselaar pa a bin ku e inisiativa di pone un eksposishon di pintura di Winfred Dania i a gradisí e famia di Dania pa e oportunidat pa por honra e artista ”E van Gogh di Boneiru”. 

Gezaghèber Edison Rijna huntu ku sra. Gladys van de Mosselaar a hasi e apertura ofisial di e eksposishon ‘E van Gogh di Boneiru’.  

 

EXPOSITIE ‘WINFRED DANIA, DE VAN GOGH VAN BONAIRE’

Kralendijk, Op vrijdag 1 september heeft Peter van de Mosselaar aan de Kaya Amsterdam de eerste officiële expositie met in totaal 100 werken van de kunstschilder wijlen Winfred Dania georganiseerd. ‘Bonaire moet trots zijn op deze Bonairiaan’, aldus Peter van de Mosselaar bij de opening van de expositie. 

Gezaghebber Edison Rijna vertelde dat het Frans Booi was die de talenten van Winfred Dania heeft ontdekt. De professionele carrière van Dania begon ruim 30 jaar geleden toen hij mythologishe figuren tekende als illustratie voor het boek Boynay van de auteur Frans Booi. Rijna zei ook dat het eigenlijk niet echt nodig is om de voordelen van het tekenen door kinderen op te noemen. Het is wetenschappelijk bewezen dat door middel van tekenen kinderen een wereld vol kleur, vormen, verbeelding, symboliek, gevoelens en ervaringen ontdekken. Bovendien worden communicatie, creativiteit en gevoeligheid gestimuleerd als je tekent en de concentratie- en expressievermogens van het kind nemen toe, wat voldoende reden is om tekenlessen op en na school te bevorderen. 

Het is nu een goede gelegenheid om verder te kijken, bijvoorbeeld naar de mogelijkheden voor een Kunstgalerij waar schilderijen en andere kunstwerken van onze lokale kunstenaars tentoongesteld kunnen worden, zowel van degenen die op ons eiland geboren zijn als van degenen die Bonaire tot hun thuis hebben gemaakt. Gezaghebber Rijna heeft een oproep gedaan om een onderzoek naar Bonairiaanse kunstenaars die vroeger hebben geschilderd. Sommigen zijn bekend, anderen minder bekend, sommigen zijn overleden, maar er zijn nog velen die nog leven en erg actief zijn. 

Tot slot heeft Rijna Peter van de Mosselaar gefeliciteerd met zijn initiatief om een expositie van de schilderwerken van Winfred Dania te organiseren en hij heeft de familie Dania bedankt voor de gelegenheid om eer te betuigen aan de kunstenaar ‘De van Gogh van Bonaire’. Samen met mw Gladys van de Mosselaar verrichtte gezaghebber Edison Rijna de officiële opening van de expositie ‘De van Gogh van Bonaire’.