Text Size

Font size:  
  • Increase
  • Decrease
  • Normal

Current Size: 100%

Direktorado di Supervishon i Mantenshon di Lei, SELIBON i STINAPA ta informá ku durante siman di Pasku di Resurekshon lo tin kontròl di sanidat na tur bich riba nos isla. Ta supliká tur hende ku ta bai kamper pa mantené e área kaminda nan ta kamper limpi i mantené nan  mes na e reglanan stipulá.  Durante e temporada di “semana santa”, ku ta for di dia 12 te ku 19 di aprel ‘17, Selibon lo brinda un servisio speshal i grátis di rekohé tur shushi doméstiko di tur esnan ku registrá. Trùk di shushi ta pasa for di 7’or di mainta pa rekohé tur shushi doméstiko. Mantené bo mes na tur e reglanan!

Reglanan pa e temporada semana santa:

1.         No tira shushi abou òf den laman, tira sushi den kliko,

2.         Hasi uso di e klikonan  disponibel,

3.         Hasi uso di konfó òf grel,no sende karbon den santu,

4.         Tira karbon den e bakinan destiná pa karbon,

5.         Yena e kliko te kaminda ku e tapa por sera,

6.         Ta prohibí pa kap òf kòrta mata den área kaminda bo ta kamper,

7.         No bai ku kachó riba bich,

8.         No kore ku vehíkulo riba bich,

9.         No ta pèrmití pa landa-piska (piska ku duikbril),

10.       Ta prohibí pa piska gutu, kue kref i karko,

11.       No konstruí riba konstrukshon eksistente,

12.       Tur persona ku usa artefakto pa konstruí un kampamentu ta keda responsabel pa no laga nada atras na momentu di  desarmá e kampamentu. (Por ehèmpel  palèt)

13.       Temporada ku ta permití pa kamper ta  for di 12 aprel  te ku 19 aprel ‘17

14.       Riba 20 di aprel pa ....’or tur persona mester a desarmá i limpia nan área di kamper.

Si no kumpli ku reglanan i lei, lo tin sanshon.