Text Size

Font size:  
  • Increase
  • Decrease
  • Normal

Current Size: 100%

Kralendijk – sr. Oswin Cristina su karera a inisiá na ougùstùs 1978 na skol di polis komo aspirante pa polis na Kòrsou. Na aña ochenta Sr. Cristina a bin traha na Boneiru komo agente polisial.

Sr. Cristina a pasa den diferente departamentu entre otro tráfiko,reshèrshi Imigrashon, esakinan tantu na Kòrsou komo na Boneiru. Durante e añanan ku a transkurí sr. Cristina a yega na e rango di mayor. Na aña 1995 sr. Cristina a drenta servisio di selibon komo hefe na e departamentu di polis ambiental . Na aña 2005 sr. Cristina a pasa pa Teritorio Insular di Boneiru komo hefe di SSV i ofisina di reibeweis. Na aña 2012 sr. Oswin Cristina ta kai bou di e direktorado di supervishon i mantenshon di lei i ta hefe di departamentu di proyektonan di mantenshon di lei i gruponan di trabou i reibeweis. Diputado Hubert Martis na nòmber di gobièrnu di Boneiru a felisitá sr. Cristina i famia i koleganan ku durante kuarenta aña ta duna su servisio na komunidat boneriano i ku sr. Cristina por ta un ehèmpel pa su koleganan. Den un esfera ameno ku koleganan i famia a tene e selebrashon, i pa kompletá e atardi diputado Martis a entrega sr. Oswin Cristina e sertifikado di rekonosimentu i e ènvelòp ya konosí.