Text Size

Font size:  
  • Increase
  • Decrease
  • Normal

Current Size: 100%

Kralendijk – Den kuadro di mantenshon di òrden públiko i den palabrashon ku Kuerpo Polisial Hulanda Karibense, Kolegio Ehekutivo ta introdusí e Protokòl pa Músika, un protokòl nobo pa tokamentu di músika.

Nunka anterior no a stipulá regulashon kaminda a inkorporá normanan pa sonido. Esaki a kontribuí na e echo ku esunnan ku ta mantené òrden públiko i siguridat tin tiki òf no tin ningun base hurídiko pa kumpli ku nan tarea di mantenshon den kasonan kaminda tin kestion di molèster.  Komo solushon pa e problemátika aki entrante 15 di ougùstùs 2017 a introdusí e Protokòl pa Músika, den kua a inkorporá kondishonnan pa tokamentu di músika. E kondishonnan ku a inkorporá den e Protokòl pa Músika ta bálido pa tur hende, empresarionan, pero tambe personanan privá. Tur hende mester tene nan mes na e normanan di sonido preskribí den e protokòl ora nan ta toka músika. No ta pèrmití pa toka músika pa medio di aktuashon ‘live’ òf pa medio di instalashon di músika na un snèk. Komo eksepshon riba esaki aktuashon di gruponan di Gaita, Barí i Aguinaldo ku a optené un pèrmit pa esaki sí ta pèrmití durante e periodo di 1 di desèmber te ku 7 di yanüari.

Mas aleu tokamentu di músika durante un evento deportivo, pa kua a optené un pèrmit bálido, ta pèrmití te ku 10’or di anochi. Kuerpo Polisial Hulanda Karibense ta kontrolá si tur hende ta kumpli ku e kondishonnan manera a inkorporá nan den e Protokòl di Músika. Personanan privá i empresanan ku no kumpli ku e protokòl lo haña un prosèsvèrbal di Kuerpo Polisial Hulanda Karibense na momentu ku konstatá e violashon. Banda di esei Direktorado di Planifikashon i Desaroyo ta duna esunnan ku no tene nan mes na e protokòl un atvertensia por eskrito. Despues di tres atvertensia por eskrito por kita e pèrmit for di e doño di pèrmit. Por ‘download’ e Protokòl pa Músika riba e página di internèt di Entidat Públiko Boneiru: www.bonairegov.com. Pa mas pregunta relevante bo por tuma kontakto ku  departamentu di Asuntunan Hurídiko i General di Entidat Públiko Boneiru.     

Nederlands:

In het kader van handhaving van de openbare orde:

Het bestuurscollege van het openbaar lichaam Bonaire  introduceert de richtlijn Muziek

Kralendijk – In het kader van de handhaving van de openbare orde introduceert het Bestuurscollege, in overleg met het Korps Politie Caribisch Nederland, de nieuwe Richtlijn Muziek voor het maken van muziek.

Er zijn op Bonaire niet eerder regels vastgesteld waarin geluidsnormen zijn opgenomen. Het voorgaande heeft eraan bijgedragen dat er voor handhavers van de openbare orde & veiligheid weinig tot geen juridische handvaten zijn om handhavend op te treden in geval overlast wordt gemeld. Ingaande 15 augustus 2017 is als oplossing voor deze problematiek de Richtlijn Muziek ingevoerd, waarin de voorwaarden zijn opgenomen voor het maken van muziek.

De in de Richtlijn Muziek opgenomen voorwaarden geldt voor een ieder, ondernemers, maar ook particulieren. Een ieder behoort bij het maken van muziek zich te houden aan de in de richtlijn voorgeschreven geluidsnormen. Het is niet toegestaan door middel van live optredens of muziekinstallaties muziek te maken of ten gehore te brengen bij een snack. Als uitzondering hierop zijn optredens gedurende de periode van1 december tot en met 7 januari van Gaita, Bari en Aquinaldo groepen die hiervoor een vergunning hebben verkregen, wel toegestaan. Verder is het maken van muziek tijdens een sportevenement, waarvoor geldige vergunning is verkregen, is toegestaan tot en met  22:00 uur Het Korps Politie Caribisch Nederland voert controle uit op de naleving van de voorwaarden zoals deze zijn opgenomen in de Richtlijn Muziek Particulieren en ondernemingen die in overtreding zijn van de Richtlijn zullen bij constatering van de overtreding een proces verbaal van het Korps Politie Caribisch Nederland ontvangen. Daarnaast wordt er door de Directie Ruimte & Ontwikkelijk een schriftelijke waarschuwing verstrekt aan de overtreder. Na drie schriftelijke waarschuwingen kan de vergunning van de vergunninghouder worden  ingetrokken.

De Richtlijn Muziek kan op de internetpagina van het Openbaar Lichaam Bonaire www.bonairegov.com worden  gedownload . Voor overige inhoudelijke vragen kunt u contact opnemen met de afdeling Juridische en algemene zaken van het Openbaar Lichaam Bonaire. .