Text Size

Font size:  
  • Increase
  • Decrease
  • Normal

Current Size: 100%

Kralendijk -  Entidat Públiko Boneiru a duna enkargo pa drecha e siguiente posnan: Pos Bará di Karta, Pos di Kavula, Po’ Rincon i Pos di Fontein. Esaki ta bai sosodé den aprel i mei. Anteriormente nan a drecha Pos Flor di Cuba. Na e momentunan aki no por usa hopi pos pa motibu di mantenshon atrasá.

Nan ta kuminsá ku e posnan ku kunukeronan ta usa hopi i ku tin awa ku ta kontené tiki salu. Mas aleu a tene kuenta ku un bon repartishon riba Boneiru. Riba petishon di e kunukeronan a hasi e tankinan di awa di Pos di Fontein i Pos Bará di Karta mas grandi, pa asina semper tin sufisiente awa disponibel. E kunukeronan mester tene kuenta ku durante e reparashon den e próksimo lunanan temporalmente no por hasi uso di e kuater posnan aki.

Despues, kuminsando na luna di yüni, nos gobièrnu lokal ta bai drecha Pos di Mexico, Pos di Angola, Pos Shon Pinpina i Pos di Bentura.

Drechamentu di e posnan ta parti di e proyekto ‘Kombatimentu di eroshon i reparashon di naturalesa’. Dentro di e proyekto ta drecha tambe tur dam importante den besindario di Playa i Rincon. Banda di esei lo fortifiká e naturalesa rònt di e saliñanan i burakunan di greis

E direktorado Planifikashon i Desaroyo i BAAB NV ta ehekutá e proyekto ‘Kombatimentu di eroshon i reparashon di naturalesa’ riba enkargo di Entidat Públiko Boneiru. E finansiamentu ta bini for di e fondo di naturalesa di Reino.

Pa más informashon: https://www.facebook.com/NTBDN/