Text Size

Font size:  
  • Increase
  • Decrease
  • Normal

Current Size: 100%

Den Haag – Riba djabièrnè 23 di novèmber gezaghebber Edison Rijna a terminá su bishita di trabou na Hulanda. E motibu direkto pa su biahe ta e bishitanan binidero ku Su Altesa Real Prensès Beatrix i algun mandatario ta bai hasi na Boneiru. Gezaghebber a hiba kombersashonnan preparatorio relashoná ku bishita di e prensès di 28 di novèmber te ku 1 di desèmber. ‘Henter Boneiru ta spera binida di e prensès. E bishita ta ofresé Boneiru un bunita chèns pa promoshon na Hulanda, pasobra sin duda medionan di komunikashon lo dediká atenshon na esaki, segun gezaghebber Rijna. ‘Na yanüari nos ta haña bishita di diferente mandatario, entre otro minister Cora van Nieuwenhuizen di Infrastruktura i Maneho di Awa i sekretario di estado Tamara van Ark di Asuntunan Sosial i Empleo. Ku tur dos mi a papia tokante e puntonan di programa. Durante mi bishita di biaha pasá e minister a laga ripará ku ya kaba el a tende tokante e estado deplorabel di nos kareteranan. No ta nada malu si awor e por mira esei ku su propio wowonan.’ Mas aleu gezaghebber tabatin konsulta ku minister Ferd Grapperhaus di Hustisia i Siguridat. Kombersashon di sera konosí tabatin ku e visepresidente di ‘Raad van State’ Thom de Graad kende a kaba di tuma kargo, i e presidente nobo di e Komishon di ‘Tweede Kamer’ pa Relashonnan den Reino, Jan Paternotte. Banda di esei tabatin diferente konsulta riba nivel atministrativo tokante kestionnan aktual ku ta regardá portafolio di gezaghebber. ‘Tambe mi a partisipá un dia huntu ku Kolegio di ‘Burgemeester’ i ‘Wethouder’-nan di Alphen aan den Rijn. Esei a tuma lugá riba invitashon di ‘burgemeester’ Liesbeth Spies ku ta hopi enbolbí ku kon kosnan ta bai na Hulanda Karibense. Tabata hopi edukativo pa mira kon den un munisipio di Hulanda Oropeo den práktika nan ta duna kontenido na e konsepto di gobièrnu kolegial.’ Ku un baiskel ku el a fia pa evitá e filanan largu di outo gezaghebber a move di un sita pa otro.     

GEZAGHEBBER ROND EEN SUCCESVOL WERKBEZOEK AF IN NEDERLAND

Den Haag - Gezaghebber Edison Rijna heeft op vrijdag 23 november zijn werkbezoek aan Nederland afgerond. Directe aanleiding voor de reis zijn de komende bezoeken aan Bonaire van Hare Koninklijke Hoogheid Prinses Beatrix en enkele bewindslieden. De gezaghebber heeft voorbereidende gesprekken gevoerd in verband met het bezoek van de prinses van 28 november tot en met 1 december. ,,Heel Bonaire kijkt naar de komst van de Prinses uit. Het bezoek biedt Bonaire een mooie kans op promotie in Nederland, want de media zullen er ongetwijfeld aandacht aan besteden", aldus gezaghebber Rijna. ,,In januari krijgen we verschillende bewindslieden op bezoek onder wie minister Cora van Nieuwenhuizen van Infrastructuur en Waterstaat en staatssecretaris Tamara van Ark van Sociale Zaken en Werkgelegenheid. Met beiden heb ik de programmapunten besproken. Bij mijn vorige bezoek liet de minister merken al te hebben gehoord over de slechte staat van ons wegennet. Het kan geen kwaad als zij het nu ook met eigen ogen kan zien." De gezaghebber heeft voorts overlegd met minister Ferd Grapperhaus van Justitie en Veiligheid. Kennismakingsgesprekken waren er met de net aangetreden vicepresident van de Raad van State Thom de Graaf en de nieuwe voorzitter van de Tweede Kamercommissie voor Koninkrijksrelaties Jan Paternotte. Daarnaast waren er diverse ambtelijke overleggen over actuele kwesties die de portefeuille van de gezaghebber betreffen. ,,Ik heb ook een dag meegedraaid met het College van Burgemeester en Wethouders van Alphen aan den Rijn. Dat gebeurde op uitnodiging van burgemeester Liesbeth Spies die zeer betrokken is bij het wel en wee in Caribisch Nederland. Het was heel leerzaam om te zien hoe er in een Europees Nederlandse gemeente in de praktijk invulling wordt  gegeven aan het begrip collegiaal bestuur." Gezaghebber Rijna heeft de files omzeild door zich met een geleende fiets van afspraak naar afspraak te verplaatsen.