Text Size

Font size:  
  • Increase
  • Decrease
  • Normal

Current Size: 100%

Kralendijk – Epifanio Vlijt kariñosamente yama Vanny den kompania di famia i koleganan a selebrá binti aña komo ámtenar. Vanny promé di a drenta servisio di gobièrnu tabata mantené tur e plantsoen den su bario Rinkon i tabata hasi esaki boluntariamente, esaki ta e motibu ku LVV a hasi un petishon na gobièrnu pa tuma Vanny den servisio. Riba e fecha 1 di ougùstùs na aña 1998 Vanny a drenta servisio trahando binti ora pa siman manteniendo plantsoen den bario Rinkon i mirando e trabounan a oumentá Vanny aktualmente ta traha kuarenta ora pa siman. Diputado James Kroon na nòmber di gobièrnu di Boneiru a felisitá Epifanio pa e bon trabou ku e ta ehersé den e bario rinkon i sigui ku e bon trabou. Finalmente diputado Kroon a hasi entrega di e sertifikado di rekonosimentu i e ènvelòp ku kontenido.