Text Size

Font size:  
  • Increase
  • Decrease
  • Normal

Current Size: 100%

Kralendijk - Djabièrnè último, Kabuki Frans a kumpli kuarenta aña di servisio.
 
Kabuki na aña 1977 ku diesnuebe aña di edat a kuminsá traha na deportamentu di  Finansa di gobièrnu sentral na Kòrsou den sekshon di salario komo atministradó di  salario. Despues e la traha na Gemeentepolitie Rotterdam i Regiopolitie Rotterdam-Rijnmond  na  Hulanda komo atministradó di asuntunan di personal i di salario.
Finalmente Kabuki a  drenta servisio di gobièrnu di Boneiru dia promé di yüni 1996  komo funshonario den maneho di enseñansa e tempu ei i ta aki kaminda ku e ta traha te awe kompletando asina un total di kuarenta aña di servisio den e diferente  gobièrnunan.
Na 1977 ora su karera profeshonal a kuminsá, huntu ku un grupo di masoménos diessinku otro kolega ku a kuminsá den e mesun periodo ei, mester a bai un lès/treinen  pa dos siman, kaminda funshonarionan vèrsá den gobièrnu a bin duna kursonan di kiko ta nifiká, ta un empleado públiko. Ei nan a primi riba e kurason kiko ta e derechonan, pero tambe prinsipalmente kiko ta nos debernan komo empleado públiko.
Tambe a haña introdukshon den leinan laboral, asuntunan di presupuesto i finansa.  Pero e esensia di loke a kore manera un liña kòrá den hinter e kurso ei tabata e echo ku nos tur mester ta i keda konsiente ku ser empleado públiko ta nifiká, ser “sirbidó di pueblo”.  Esaki di akuerdo ku sr. Theo Kabuki Frans den su diskurso na selebrashon di kuarenta aña di servisio.
 
Na final di e diskurso, tabata diputado enkargá ku direktorado di Salubridat i Kuido ku a entregá, na nòmber di gobièrnu di Boneiru, e orkòn i e ènvelòp korespondiente.
Theo a terminá bisando: Laga nos brinda rekordando ku ya ta kuarenta aña.
Che piki! Salú!