Text Size

Font size:  
  • Increase
  • Decrease
  • Normal

Current Size: 100%

 

Riba 11 di mart 2013 Bestuurscollege a bai di akuerdo ku e centrumvisie pa Kralendijk.

Desde medio 2011 a traha riba un vishon nobo pa sentro di suidat Kralendijk. Tin un proseso interaktivo a tuma lugá, den kua tur esnan enbolbí a partisipá. E siguiente temanan a keda tratá: Tráfiko i Parkeo; Turismo i Aksesibilidat; Arkitekto Sivil i Struktura funshonal, dekorashon di espasionan públiko.

Esaki ta basá riba nesesidatnan ku a bini di análisis i atkisishon di ambishonnan fórmula pa temporada largu. Esaki ta enserá mehorashon ekstensivo di kalidat di sentro di suidat, den kua a tene kuenta ku situashonnan di tráfiko, inkluso sitionan pa parker, un espasio mas amabel pa risibí turistanan (di barku krusero), remodelashon di kayanan plasentero pa e peaton i tambe di plenchinan,  i ambishonnan pa ku e bista riba konstrukshon i riba espasionan públiko.

Tur esakinan a resultá ku a produsí un dokumento Vishon pa Sentro di Suidat ka na komienso di aña 2012 a presentá na komunidat. A logra haña un reakshon hopi positivo riba e vishon aki. Mas despues a hasi algun ahuste na e dokumentu aki i a keda kla pa gobièrnu tuma desishon riba dje e delaster kuartal di 2012. Esaki a keda presentá na Kolegio Ehekutivo kende a bai di akuerdo ku e Centrumvisie i a mand’e na Konseho Insular pa aprobashon. Djamars 14 di mei lo wordu trata den Konseho Insular.

 Na e dokumentu ‘Centrumvisie’ tin relashon ku hopi otro proyektonan ku ta planiá pa 2012-2021. Ta trata aki di plannan konkreto pa mehorashon di sentro di suidat.

Ehekushon di e ‘Centrumvisie” mester kontribuí na un mehorashon duradero i un ambiente mas agradabel pa e suidadano, e negoshante i e turista pa kondusí na un sentro di suidat ekonómiko i vital.

Na kuminsamentu di e anja aki a traha riba iluminashon di kaya den sentro di suidat; postenan di lus nobo a wordu pone. Na momentu aki ta preparando un remodelshon di Wilhelminaplein i Oranjeplein.